مساعده بخصوص بيتلز

[arc_adham]

السلام عليكم
اسف للازعاج
بس محتاج اخد رايكم

من حوالى شهرين غيرت الكاربرتير
لان القديم كان بايظ و بكانت دايما البوجهات بتتطلع مهببه و مش كان مصبوط و بياكل بنزين
المهم غيرته

الى بيحصل دلوقت ان كل 10 ايام اغير بوجيهات ؟؟؟؟؟؟؟؟؟؟؟؟؟؟؟؟؟؟؟؟؟؟؟
بوجيهات الجنب اليمين بتبوظ دايما و تطلع مهببه و بوجيهات الجنب الشمال تطلع سليمه

و كل 10 ايام اغير بوجيهات و انا بياغير النهارده
الميكانيكى لقى شراره طالعه من الموبينه "؟؟؟

المهم هو قالى عده احتمالات

اما الكاربرتير بايظ
او الموبينه بايظه
او الشمنبر الى لسه عامله مش كويس و بايظ
انا كنت لسه عامل شنبر

دلوقت ايه الحل هل كل 10 ايام اغير بوجيهات
و ايه هو العيب ده ؟؟؟؟

انا مش فاهم حاجه
و ايه هى الشراره دى الى بتخرج من الموبيته ؟؟؟؟




شكرا

[hanyreload]

شوف يا سيدى لو طقم شنبر حتلاقى البوجيهات عليها زيت مش مهببة لو البوجيهات بتطلع مهببة يبقى العيب كاربيراتير اتاكد من بك السرعة بتاعك كام والكاربيراتير رقمة كام وقولى وانا حقولك البك المناسب ليك كام اما موضوع الشرارة الى بتطلع من الموبينة دى انا مش فاهمها لانة من الطبيعى ان الموبينة تطلع شرارة ياريت تشرح بالظبط عشان اقدر اساعدك.

[Land_Cruiser]

خللى الميكانيكى بتاعك يجرب فى الاول يركب لك كاربيراتير تانى مستعمل من عنده علشان تتاكد المشكله من الكاربيراتير الجديد و لا لا و فعلا لو مشكله كاربيراتير هتلاقى البوجيهات مهببه اما لو كان عليها زيت هتبقى مشكله فى الشنبر لو العربيه اتظبطت يبقى المشكله منه و الا هتلاقى العربيه بتآكل بنزين جامد و مخنوقه و بتبطل.و البوجيهات بتبوظ و لو طلعت مشكله كاربيراتير رجعه البائع على طول. البوبينه أمرها سهل و ممكن يركب لك واحده بتاعه ١٢٨ و مش هتكون غاليه بس جرب الكاربيراتير الاول و أبقى طمنا.

[arc_adham]

شكرا لكم

بس ازاى اقدر احكم هى مشكله كاربرتير و لا شمنبر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اعرف ازاى ؟؟؟

و ازاى اعرف ان البوجيهات عليها زيت ؟؟؟؟؟؟؟؟؟؟؟؟؟؟؟؟؟؟؟

[Land_Cruiser]

ما احنا قلنا لحضرتك اخلع البوجيهات و بص عليها ، لو لقيتها عليها هباب لونه اسود جامد كانها محروقه تبقى مشكله كاربيراتير اما لو لقيت عليها زيت موتور يبقى شنبر و طبعا لو لقيتها مهببه و عليها زيت يبقى عندك مشكله كاربيراتير و شنبر و علشان اسهل عليك قولتلك خليه يديلك كاربيراتير تجرب بيه و تشوف العربيه هتزبط معاك و لا لاء و عامه لو انت جايب الكاربيراتير لسه جديد و المشكله كانت منه يبقى تروح تغيره فورا بواحد تانى اما اذا كان عندك من زمان فبتوديه ابتاع كاربيترات بيغير له الاكس و الباب و بعد بيشتغل تانى كويس. المشكله ان قطع الغيار بتكون جديده اه لكن ممكن تكون مركونه بقالها سنين و علشان كده أجزاءها تلفت و أنا لاحظت كذا مره ان ممكن تلاقى قطع الغيار مكتوب عليها. صنع فى المانيا الغربيه و شوف بقى حضرتك المانيا اتوحدت من كام سنه

[mrcomputer]

السلام عليكم
من حوالى شهرين غيرت الكاربرتير
لان القديم كان بايظ و بكانت دايما البوجهات بتتطلع مهببه و مش كان مصبوط و بياكل بنزين
المهم غيرته
الى بيحصل دلوقت ان كل 10 ايام اغير بوجيهات ؟؟؟؟؟؟؟؟؟؟؟؟؟؟؟؟؟؟؟؟؟؟؟
بوجيهات الجنب اليمين بتبوظ دايما و تطلع مهببه و بوجيهات الجنب الشمال تطلع سليمه
و كل 10 ايام اغير بوجيهات و انا بياغير النهارده
الميكانيكى لقى شراره طالعه من الموبينه "؟؟؟
المهم هو قالى عده احتمالات
اما الكاربرتير بايظ
او الموبينه بايظه
او الشمنبر الى لسه عامله مش كويس و بايظ
انا كنت لسه عامل شنبر
دلوقت ايه الحل هل كل 10 ايام اغير بوجيهات
و ايه هو العيب ده ؟؟؟؟
انا مش فاهم حاجه
و ايه هى الشراره دى الى بتخرج من الموبيته ؟؟؟؟

شكرا

وعليكم السلام
حضرتك جبت كاربراتير جديد نوفي ولا تقصد استيراد ؟ لو استيراد يبقي اكيد كان بايظ وحتحتاج تجيب حاجه موثوق فيها - لكن حضرتك بتقول الهباب في جنب واحد بس يبقي اعتقد العيب مش من الكاربراتير والا كان البوجيهات كلها هببت - وهنا ارجح ان شنبر الجنب اليمين مش مظبوط .
حضرتك بتقول الموبينه بتطلع شراره طب العربيه بتقطع معاك ؟؟
لو بتقطع غير طقم السلوك بالكامل وده تمنه 55 برازيلي وممكن تغطي وش الموبينه بطبقة شحم وتشوف الشرارة راحت ولا لا وخلي بالك ام ممكن الهباب ده علشان شرارة الموبينه خارجه بره مش بتحرق ومش بتوصل للبوجيهات قويه .
ياريت تطمنا

[sakr84]

وممكن جمب وجمب ده بسبب التكيهات مش مظبوطه

[ahit]

جنب و جنب تبقى مشكلة تاكيهات أو صبابات