بيتلز 1800 سي سي

[yousefkaram]

انا بسأل عشان انا في عربية قدامي الماني موديل 1968 فيها موتور 1800 سي سي بتاع الميكروباص على كلامه يعني انا مفهمش في البيتلز بس هو شكله مش نصاب و هو ثابته على الرخصه 1300 المهم انا معرفش الموتور ده يبقى حلو ولا وحش ياعني يعيب العربيه ولا لا و في حد بيصلحه و كده و له قطع غيار ولا لا و الكلام ده كله مع العلم ان انا ماليش في البيتلز دي اول عربيه ليا و مش عاوز البس بس انا حابب العربيه و ربنا ييسر اسف على الاطاله و اتمنى رد لإني فعلا محتار و خايف انها تبقى فرصه و تضيع

[Karim_Monir]

مواتير البيتلز الاستوك 1200
1300
1600
ال 1800 ده هاتلاقيه مخروط لكن اصلة 1300
خليك في موتورز ستوك لانك مش هاتحتاج العافية دي كلها في الموتور وانت مبتدء

[yousefkaram]

مع احترامي لحضرتك انا مبتدئ بيتل لاكن الحمد لله بسوق من زمان يعني و بعدين انا سألت سواق ميكروباص فولكس اللي هو زي بتاع الهرم قاللي ان الموتور بتاعه الستوك 1800 فعلا و بنزين فعلا بس كلهم بيحولوه غاز

[Karim_Monir]

يمكن في موتور 1800 لكن المواتير الميكروباص هي ال 1600 زي اللي كانت بتنزل في ال 1303

[yousefkaram]

الله اعلم يا باشا

[beetleMOSH]

بص يا كبير
مواتير البيتل نوعين
type 1 و type 4

type 1
اللى هو فى البيتل العاديه مش الميكروباص
و ده فى منه

ال 1200
1300
1500
1600
فقط

ال type4
1700
2000
فقط

و مبدئيا الtype 4 ماينفعش يركب فى البيتل العاديه

الاتنين تبريد هواء
و الاتنين نفس الشكل
بس ده ماينفعش يركب مكان ده

و ال موتور ال 1300 سهل اوى يتعدل 1600
و ال 1600 سهل جدا يتعدل ل 1800
و ممكن 2000 كمان

خلاصه الكلام عشان تتمتع بالبيتل صح
دور على عربيه بيتى متكنش متهانه
اساسيتها كويسه
و يفضل برضه تكون على ابوها مش متعدله ( يعنى متكونش خمسينات و متعدله سبعينات مثلا )
يفضل موتور 1600 بحاله جيده لو انت من محبى الجرى يعنى
و انا عن نفسى افضل موديل 1303 لراحه اكتر لان عفشتها احسن من 1300

و ربنا يوفقك :)

[yousefkaram]

والله متشكر جدا جداااا على المعلومه و انا الحمد لله جبت واحده بيتي فعلا لسه فابريكا دواخل بس 1200 سي سي بس الحمد لله انا راضي بيها يعني و فعلا شكرا جذيلا على المعلومة

[krash2020]

الف ممبروك ربنا يكفيك شرها