2009 باسات 2.0 tsi....رأيكم لو سمحتم

[Ahmed Selim]

السلام عليكم

عاوز أرائكم

قدامى باسات موديل 2009 كاملة موتور 2.0 TSI

أنا مش عارف الفتيس اللى فيها DSG ولا لأ مع أنه على الأغلب DSG و هو فيه بادل شفت paddle shift فى الدركسيون.

العربية تمنها حلو مقارنة باللى زيها فى السوق لأنها عن طريق مزاد بنك ( فى الإمارات الكلام ده )

دلوقتى أنا عاوز أعرف مميزات و عيوب بعد أذنكم.

أنا أسمع عن مشاكل ال DSG بس معنديش معلومات كفاية عنها.

و أسمع أنها فيها مشكلة فى كمبرسور التكييف.

العربية محتاجة كاوتش و إحتمال مساعدين كمان مع أنها ماشية 57 ألف بس.....و هى طبعاً خارج الضمان.

فيه حاجة تانية........كان فيه نور فى التابلوه منور بنور برتقالى مش عارف يتاع أيه

هو عامل زى دايرة مش كاملة و فى وسطها علامة تعجب........حد يعرف ده أيه ؟

[Ahmed Selim]

فين الردود يا شباب ؟؟؟

[Kareem.ElAraby]

السلام عليكم
متهايقلي و الله أعلم ان كل TSI بيبقي |DSG
و ال DSg بصراحه مشاكله كتير في مصر في معظم العربيات و ليس الكل و ممكن حضرتك تراجع المنتدي هنا و تشوف بنفسك
التكييف ما أفتيش الصراحه
اللمبه الصفرا و في النص ! فرامل اليد يمكن !؟
و ليه تحط فلوسك في عربيه عاوزه مصاريف و وجع القلب ده كله و الاهم وجع الجيب !
رأيي ايا كان المبلغ اللي معاك تجيب حاجه زيرو و نضيفه الموديلات عندكم كتير
يا راجل يا طيب حد يبقي ودامه السيفسك ال1800 أو الاكورد و الالتيما و ما يفكرشي فيهم
و ربنا يوفقك للي فيه الخير ليك ان شاء الله
و تقبل مروري

[Ahmed Selim]

يا باشا هو الموضوع مش موضوع عربية زيرو خالص

سعر الباسات مستعملة في السوق بنفس المواصفات ما بين ٥٥ ل ٦٥
العربية دي ممكن تخلص علي ٤٥ من مزاد البنك

و بعدين لو هنتكلم على أداء و ثبات الباسات دي اعلي من الأكورد
الأكورد ١٧٧ حصان و الباسات ٢٠٠

و لو كماليات برضه الباسات اعلى

عموماً أنا لو مليش نصيب في الباسات دي يبقى غالباً هاتكون اكورد

اللمبة مش لمبة فرامل اليد خالص.......لمبة الفرامل حمراء مش برتقالي

[zangry]

اللى اعرفه ان من بداية 2009 dsg

خليك فى الاكورد احسن

[minicooper20]

فى الخليج خليك فى اليبانى الاروبى حوراتو كتير
اما بالنسبه لل dsg فالسبب انو بيبوظ فى مصر الزحمه و الارف لاكن فى الامرات الدنيا سالكه فا عمره الافتراضى هيكون عاللللللللللللى
كل مشكله الفتيس ده فى الزحمه فقط لا غير و انا اتحدى و مستعد اوريك عربيات ماشيه فى مصر هنا 140 الف كيلو بالفتيس ده و مفيهاش الهواء
بالنسبه للعلامه دى انا ممكن اسال عامى يشوفهالك فى المانوال عندو بس ال هنا 1400 ياترى هو هو و لا متغير عمتن انا هسال و ارد على حضرتك
عربيه ماشه 57 الف كيلو ماهى لازم تعوز كوتش اتخن كوتش يمشى سيفتى 50 الف كيلو
اما بالنسبه للمساعد فده يبان بعد الكاشف التام و لو ختها غير الاتنين فى التوكيل و اخصم حقهم و دى مش حاجه تعبها نهائى
اعتقد فى الامارات البنزين ال 95 متوفر و الزحمه اقل و الطرق حرير هتلاقى العربيه مرتاحه
ربنا يكرمك يا احمد بيه

[Ahmed Selim]

اللى اعرفه ان من بداية 2009 dsg

خليك فى الاكورد احسن

شكراً يا باشا على الرد

فى الخليج خليك فى اليبانى الاروبى حوراتو كتير
اما بالنسبه لل dsg فالسبب انو بيبوظ فى مصر الزحمه و الارف لاكن فى الامرات الدنيا سالكه فا عمره الافتراضى هيكون عاللللللللللللى
كل مشكله الفتيس ده فى الزحمه فقط لا غير و انا اتحدى و مستعد اوريك عربيات ماشيه فى مصر هنا 140 الف كيلو بالفتيس ده و مفيهاش الهواء
بالنسبه للعلامه دى انا ممكن اسال عامى يشوفهالك فى المانوال عندو بس ال هنا 1400 ياترى هو هو و لا متغير عمتن انا هسال و ارد على حضرتك
عربيه ماشه 57 الف كيلو ماهى لازم تعوز كوتش اتخن كوتش يمشى سيفتى 50 الف كيلو
اما بالنسبه للمساعد فده يبان بعد الكاشف التام و لو ختها غير الاتنين فى التوكيل و اخصم حقهم و دى مش حاجه تعبها نهائى
اعتقد فى الامارات البنزين ال 95 متوفر و الزحمه اقل و الطرق حرير هتلاقى العربيه مرتاحه
ربنا يكرمك يا احمد بيه

هو فعلاً إنتشار الجولف هنا مش قليل..........خصوصاً ال GTI و ال R32
من أول ال Golf 5 و انت طالع.......معتقدش الأنتشار ده و هيكون فيها مشاكل فى الفتيس

أنا مش معترض أنها عاوزة كاوتش........أنا معترض أنها عاوزة مساعدين.......بدرى قوى على المساعدين أنها تبوظ.

و العربيات اللى فى المزاد هنا بيبقى مكشوف عليها فى مركز خدمة معتمد من المرور و التقرير بتاعها بيقول مساعدين و كاوتش بس........و مش جايب سيرة اللمبة اللى بسأل عليها.

أنا بدور على النت من أمبارح على صورة للعدادات تكون اللمبة دى منورة فيها.....و أكتشفت حاجات كتير بصراحة فى العربية دى.......منها لمبة تانية ليها علاقة بالدركسيون و دى ممكن تنور فى كذا حالة و منهم حالة غريبة قوى........لو فضلت العربية مركونة فترة طويلة أو البطارية متشالة فترة طويلة........و حلها برضه سهل جداً........تلف الدركسيون من أقصى اليمين لأقصى الشمال 3 أو 4 مرات ورا بعض و المفروض أنها تطفى..........إلا لو فيها عيب فى علبة الدركسيون بقى.

محتااااااااااار بصراحة.

[HISHAM80]

انا معايا باسات cc ٢٠١١ نفس الموتور الفتيس dsg 7 حضزتك عايز تعرف ايه وانا افيدك ان شاء الله

[HISHAM80]

انا كان معايه قبلها اكورد و مفيش وجه مقارنه خصوصا استجابة الموتور والتسارع لو حضرتك سوقتها مش هتصدق معدل التسارع خصوصا لما التوربو يشتغل

[HISHAM80]

الفتيس تحفه فنيه مميز جدا واستجابته سريعه جدا طبعا انا كنت عارف انه دبل كلتش بس سرعة النقل تحفه المفاجاة ان مش هتحس بالنقلات خصوصا علي السرعات العالية

[eng.m7md.ali]

اعتقد اللمبة دي ليها علاقة بالكاوتش او الجنوط والله اعلم

[islamaboelnaga]

اعتقد ان اللمبه دى معناها ان التيل خلصان و الله اعلم

[KHALED AYMAN]

كل الى اقدر اقوله ..ان العلامه الصفرا دى معناها ان ضغط الهواء فى الاطارات مش مظبوط :)

[Ahmed Selim]

انا معايا باسات cc ٢٠١١ نفس الموتور الفتيس dsg 7 حضزتك عايز تعرف ايه وانا افيدك ان شاء الله

كنت عاوز أعرف اللمبة البرتقالى دى بتاعت أيه

هى كانت فى العدادات ناحية اليمين

هو عموماً العربية اللى كانت فى المزاد أتخطفت خلاص

و لو فيه عيوب معينة.....يا ريت تقولى

و كمان فى عز الصيف..........التكييف بياخد وقت أد أيه علشان يظبط العربية ؟

انا كان معايه قبلها اكورد و مفيش وجه مقارنه خصوصا استجابة الموتور والتسارع لو حضرتك سوقتها مش هتصدق معدل التسارع خصوصا لما التوربو يشتغل

طيب لو مش لاقى حاجة كويسة..........أيه رأيك فى الأكورد ؟

اعتقد اللمبة دي ليها علاقة بالكاوتش او الجنوط والله اعلم

ممكن تكون ضغط هوا فعلاً.........بس مش متأكد.

اعتقد ان اللمبه دى معناها ان التيل خلصان و الله اعلم

لأ مش لمبة التيل............لمبة التيل عارفها.

كل الى اقدر اقوله ..ان العلامه الصفرا دى معناها ان ضغط الهواء فى الاطارات مش مظبوط :)

أعتقد كده برضه.

[bob12345]

كل الى اقدر اقوله ..ان العلامه الصفرا دى معناها ان ضغط الهواء فى الاطارات مش مظبوط :)

دي لمبة ضغط الهواء في الاطارات فعلا