رجة فى الماتور عشوائية

[yahiatnt]

يا رجالة ... البولو إلى معايا فيها حاجة غريبة مؤخرا ... خلال الشهرين إلى فاتوا عملت الآتى ٣ مرات.

رجة مستمرة فى الماتور سواء دايس بنزين أو لا. الشكمان صوته متناغم مع الرجة. الكلام ده بيحصل سعات الصبح و سعات بليل. الحركة دى عشوائية و لما مبتحصلش العربية بتمشى زى الفل بمعنى الكلمة.

كنت عند كهربائى فولكس من قريب عشان حاجة تانيا و قولت بالمرة أخلى يكشف على العربية بالكمبيوتر. طلع معنديش مشكلة غير فى ال "cam shaft sensor" الراجل قالى إن ده سنسور السماعة و هيحتاج يتغير لو حسيت برجة جامدة. هل الكلام ده مترابط, أنا بفكر أغير السنسور ده و أشوف. إيه رأيكوا . يريت لو حد ظهر معاه نفس المشكلة يقولى عمل إيه ... لو حد كمان غير السنسور ده بكام و جديد و لا إستيراد.

ملحوظة. أنا لسة عامل سيرفيس للعربية أقبل ممشى ٣٠٠٠ كم

شكرا

[Astra200]

cam shaft sensor ده معناه ان سير الكتينة مش راكب صح --- انت غيرت سير الكتينة ؟


اللي يقوله الكهربائي مش مفهوم -- لو ال error ده فعلا طلع يبقي تراجع تزامن تاكتينة تاني

[yahiatnt]

مغير سير الكاتينة من حوالى سنتين تقريبا ... دى حاجة إبتدت تحصل من حوالى ٤ شهور. روحت للكهربائى الجمعة إلى فاتت طلع سنسور الحرارة "٤ رجل" عايز يتغير, هل ممكن يكون هو سبب الحركة دى؟