محتاج رايكم فى موضوع الفتيس عشان تعبنى اوى

[ahmedelfeky]

شباب السلام عليكم
انا عندى باسات موديل 2000 مانوال والحكايه كاالاتى الفتيس عندى بيبقى والعربيه بارده الغيار الاول والتانى تقيل شويه وبعد ما العربيه تمشى وتسخن الفتيس يخف ويبقى تمام رحت للمكيانيكى عشان اغير الزيت قالى الزيت كويس وقلتله على المشكله وقلت احط زيت بارو قالى لا حط زيت متور فى الفتيس بصراحه اول مره اعرف المعلومه دى وحاسس انه بيفتى فيها المهم حطيت الزيت وبجرب لسه بس حاسس ان الموضوع زى الاول مش عارف اعمل ايه هو الفتيس بياخد كام لتر اصلا والحل ايه معاه
عايز اعرف المفروض احط زيت نوعه ايه وهيا بتاخد كام لتر
والسلام ختام

[ahmedelfeky]

شباب السلام عليكم
انا عندى باسات موديل 2000 مانوال والحكايه كاالاتى الفتيس عندى بيبقى والعربيه بارده الغيار الاول والتانى تقيل شويه وبعد ما العربيه تمشى وتسخن الفتيس يخف ويبقى تمام رحت للمكيانيكى عشان اغير الزيت قالى الزيت كويس وقلتله على المشكله وقلت احط زيت بارو قالى لا حط زيت متور فى الفتيس بصراحه اول مره اعرف المعلومه دى وحاسس انه بيفتى فيها المهم حطيت الزيت وبجرب لسه بس حاسس ان الموضوع زى الاول مش عارف اعمل ايه هو الفتيس بياخد كام لتر اصلا والحل ايه معاه
عايز اعرف المفروض احط زيت نوعه ايه وهيا بتاخد كام لتر
والسلام ختام

نسيت اقلم الى كان فيها زيت تروس بس مش عارف نوعه ايه والزيت الى جبته 20w50 موبيل الى العلبه بتاعته لونها ابيض وحطيت 3 لتر

[ahmedelfeky]

16 مشاهده ولا رد واحد ايه الجو برد ومحدش عايز يكتب ولا الموضوع صعب

[farahat]

أي زيت في الدنيا بتتغير اللزوجة بتاعته مع الحراراه ، ينعي بيكون سميك في البرد وبيكون خفيف بعد ما يسخن ، لكن مع الاستعمال بيتغير وبتلاقيه أصبح خفيف ديماً أو يتملي رواسب ويصبح تقيل .


معلش مع احترامي ، حضرتك بتحتاج تغير زيت الفتيس كل فترة ، مثلاً كل 100 ألف دة وقت مناسب ،لكن بتغيره برضه بزيت فتيس مش زيت موتور ،
زيوت الفتيس ليها درجات زي الموتور ، لكن عادةً في محطات البنزين مش بيعرفوا فيها لأنها بتيجي عندهم براميل ولأن مفيش ناس كتير بتغير زيت فتيس ، بس هما بيبقو عارفين إن فيه زيت فتيس" خفيف" وزيت "تقيل "
رايي إن حضرتك تغيره تاني بدل زيت الموتور حط زيت فتيس لكن زيت خفيف ، واحنا كدة كدة في الشتا فهتكون اللزوجة بتاعته عالية

[ahmedelfeky]

أي زيت في الدنيا بتتغير اللزوجة بتاعته مع الحراراه ، ينعي بيكون سميك في البرد وبيكون خفيف بعد ما يسخن ، لكن مع الاستعمال بيتغير وبتلاقيه أصبح خفيف ديماً أو يتملي رواسب ويصبح تقيل .


معلش مع احترامي ، حضرتك بتحتاج تغير زيت الفتيس كل فترة ، مثلاً كل 100 ألف دة وقت مناسب ،لكن بتغيره برضه بزيت فتيس مش زيت موتور ،
زيوت الفتيس ليها درجات زي الموتور ، لكن عادةً في محطات البنزين مش بيعرفوا فيها لأنها بتيجي عندهم براميل ولأن مفيش ناس كتير بتغير زيت فتيس ، بس هما بيبقو عارفين إن فيه زيت فتيس" خفيف" وزيت "تقيل "
رايي إن حضرتك تغيره تاني بدل زيت الموتور حط زيت فتيس لكن زيت خفيف ، واحنا كدة كدة في الشتا فهتكون اللزوجة بتاعته عالية

تسلم على الرد انا ان شاء الله اغيره فى البنزينه بتاعه امارات مصر الى على الدائرى واقله زيت خفيف واجرب

[ehab_mansour]

حضرتك عربيتك بمحرك كام سيسي و كام حصان ؟
عايز أقول لحضرتك ان تقريبا 90 % من زيوت الفتيس اللي بتتباع في مصر غير صالحة للاستخدام في سيارات فولكس او بمعني أصح تنفع ولكن لن تعطيك نفس الأداء كالزيت الأوريجينال و ليست نفس لزوجته

[ahmedelfeky]

حضرتك عربيتك بمحرك كام سيسي و كام حصان ؟
عايز أقول لحضرتك ان تقريبا 90 % من زيوت الفتيس اللي بتتباع في مصر غير صالحة للاستخدام في سيارات فولكس او بمعني أصح تنفع ولكن لن تعطيك نفس الأداء كالزيت الأوريجينال و ليست نفس لزوجته

شكرا على الرد العربيه 1600 cc موديل 2000 انا جربت النهارده طلعت بالعربيه بردو الغيار الاول والتانى تقيل حتى مع زيت المتور الى حطيته الى الزوجه بتاعه 25w وسله محتار مش عارف احط ايه فيه عشان المشكله دى

[marwanhady]

ازيك ياباشا انت انزل عند واحد اسمه سيد عبده في جسر السويس عند شارع سنان وغالبا زيت الفتيس عندك بيبقي زيت الماني ولونه ابيض مش احمر زي زيت الباور وكمان بيتهيألي ماينفعش تحط زيت موتور جرب كده سيد عبده وان شاء الله يحللك المشكله دي

[ahmedelfeky]

ازيك ياباشا انت انزل عند واحد اسمه سيد عبده في جسر السويس عند شارع سنان وغالبا زيت الفتيس عندك بيبقي زيت الماني ولونه ابيض مش احمر زي زيت الباور وكمان بيتهيألي ماينفعش تحط زيت موتور جرب كده سيد عبده وان شاء الله يحللك المشكله دي

تسلم على الرد يا باشا بس انا من طنطا وموضوع جسر السويس بعيد شويه طيب عندك فكره لزوجه الزيت الى بيتحط ليها رقمه كام

[farahat]

الزيت الابيض والاحمر دول زيوت هيدروليك ، بتوع الفتيس الاوتو ، لكن حضرتك بتسأل على زيت مانول! ، ولا أنا فاهم غلط ؟


لو زيت فتيس مانوال بيكون 75w90 ، لكن ذي ما قولتلك قليلاً ما هتلاقي حد أصلاً عارف لزوجة زيت الفتيس إلي عنده .

[windofchange]

نزل زيت الموتور فورا وحط زيت فتيس مانيوال عادة ودرجة لزوجته خفيف وهي متنوعة وشوف الكتالوج بيقول ايه وامشي عليه اعتقد عندك زي مافرحات باشا قال 75W 90 يعني لزوجته فال winter يعني والعربية بارد الصبح 75 او ماتسخن شويه يتقل ويبقي 90 وده متعدد الدرجات نزل زيت الموتور فورا وحط الزيت اللي لزوجته فوق عندك وهتلاقي عند بتوع الزيت او البنزينات وهات نوع يكون لزوجته زي كده شيل او اسو شل اللي موجود وشفته 80W 90 وممكن تجيب اضافة زيت الفتيس العادة من ليكوي مولي ب55 جنيه في شارع دمشق مصرالجديدة لهم فرع وادخل علي موضوعهم فالمنتدي عام واعرف اماكن باقي الفروع,,,ايهاب

[ahmedelfeky]

الزيت الابيض والاحمر دول زيوت هيدروليك ، بتوع الفتيس الاوتو ، لكن حضرتك بتسأل على زيت مانول! ، ولا أنا فاهم غلط ؟


لو زيت فتيس مانوال بيكون 75w90 ، لكن ذي ما قولتلك قليلاً ما هتلاقي حد أصلاً عارف لزوجة زيت الفتيس إلي عنده .

كلام حضرتك صح انا بدور على ....l 75/w90 gl-4 بس مش لاقى الزيت ده فى شيل والموزع بيقلى مش موجود اصلا مش عارف ايه الحل

[ahmed.zahra]

يا باشا زي ما تفضل الأخ سابقا و قال لك نزل زيت الموتور فورا لأن ده حيبوظلك الفتيس و روح شل أو موبيل و حط زيت فتيس مانيوال الخفيف و إن شاء الله حيفرق معاك

[ahmedelfeky]

انا لسه جاى من بره ونزلت زيت الماتور وحطيط زيت شيل 80w/90وان شاء الله بكره اطلع اجرب والعربيه تكون بارده يارب يكون بقى كويس

[farahat]

انا لسه جاى من بره ونزلت زيت الماتور وحطيط زيت شيل 80w/90وان شاء الله بكره اطلع اجرب والعربيه تكون بارده يارب يكون بقى كويس

ربنا يكرم إن شاء الله ، و نصيحة لو طلع كويس معاك و سعره مكنش غالي أقوي ممكن بعد ما تمشي بيه إسبوعين كدة تروح تنزله تاني وتحط على نضيف ، عشان يكون القديم لف في الدورة حقلها ويشيل معه بواقي زيت الموتور وأي حاجة داخل الفتيس وتبتدي على نضيف ، وإن شاء الله يعيش معاك ييجي 100 ألف كمان بدون قلق