صيانة الجيتا

[zozobozo]

انا جبت جيتا 2008 خليجي وارجو من خبراء المنتدى اذا كان يوجد مراكز صيانة غير التوكيل وهل التوكيل يقبل الخليجى؟؟؟؟

[dr_3eshoo]

اولا الف مبروك على العربيه
التوكيل يقبل الخليجي بس هايقرفك في الصيانه مواعيد زي الزفت استنى كتير و كده
في مركز اسمه المركز الالماني في سته اكتوبر ده تبع عادل جوده تاجر العربيات في المنطقه الصناعيه
في جسر السيويس ورا حديقه بدر ميكانيكي اسمه محمد سمير و ده زيه زي التوكيل برضه كويس
في هاني بس ماعرفش مكانه
و ماتنسانيش بلفه

[zozobozo]

جزاك الله كل خير وانت تأمر يا باشا اللفة وميت لفة كمان بس البنزين عليك يا ريس!!!!!!!!!!!!!!!!!!!!!!!!

[Mostafa Taher]

يا ريت يا باشا تفاصيل اكتر عن المركز الالمانى ده


انا اول مرة اسمع عنه ..

انا اعرف محمد سمير بس

عايز كل التفاصيل يا ريت لانه ينفعنى تير لانى من سكان اكتوبر

[mohameduoser]

انا واحد صحبى التوكيل رفض يعملو الصيانة و هو معاة جيتا 2007

[rafeee2]

انا واحد صحبى التوكيل رفض يعملو الصيانة و هو معاة جيتا 2007

رفض!!!

ممكن تفاصيل؟

[mohameduoser]

السيارات المباعة عن طريق التوكيل بس هى الى بيدخلو للصيانة بس ممكن تشترى قطع غيار

[dr_3eshoo]

بص يا أستاذ مصطفى
المركز الاماني ده موجود في المنطقه الصناعيه بس مش فاكر فين بالظبط غالبا المنطقه الاتانيه
اسال عليه معرض عادل جوده الي موجود عند البنك العربي لانه هو الي قالي عليه

[rafeee2]

السيارات المباعة عن طريق التوكيل بس هى الى بيدخلو للصيانة بس ممكن تشترى قطع غيار

http://www.nilemotors.net/Nile/showt...336#post322336

[hamasatgirl]

طمنووووونى يا جماعة هية بجد الجيتا الخليجى مبيقبلهاش التوكيل صحيح الكلام دة انا هستلم عربيتى بكرة جيتا خليجى 2009 وعاوزة اعرف رايكوا فيها

[hamasatgirl]

محدش عبرنى:shocked:

[iBiZa]

عادة التوكيل مش بيقبلها, بس فية ناس كتير محترمة شغالة فيها و مش بتسرق زى التوكيل.

انا بتعامل مع محمد سمير و هو من اكتر الشخصيات المحترمة و الامينة و لو عايزة تروحيلة فى اى حاجة هيظبط العربية احسن من التوكيل و بسعر اقل.


و العربية دى هايلة بصراحة و انا بحترمها جدا و مبروك عليكى مقدما و متقلقيش, العربية هتعجبك.

[zozobozo]

انا جبت الجيتا 2008 فى شهر ابريل ورحت الشهر اللى فات عملت صيانة 5000 كم عادى جدا بس فى التوكيل اللى فى العبور بس حجزت قبلها وكان الميعاد الساعة 7 بعد الظهر ورحت بالضبط و المهندس اللى هناك اللى استلم منى العربية قمة فى الاحترام وبعد ما سلمت العربية قعدت فى الكوفى شوب اللى فى التوكيل وبعد ساعة ونصف خلصت العربية الصيانة كلها بس بالنسبة للمصنعية اغلى شوية من العادى بس مش كتير وبعدين انا اشتكيت من صوت صفارة قالى المهندس انه من فلتر البنزين وغير الفلتر والصوت اختفى وقالى ان الفلتر كده بعد ما اتغير بقى عليه ضمان ان لو حصل المشكلة دى تانى بيغيروه على حسابهم لان قطعة الغيار من عندهم........

[hamasatgirl]

يا جماعة اضم المرايات منين انا نسيت

[sshafie]

انا جبت الجيتا 2008 فى شهر ابريل ورحت الشهر اللى فات عملت صيانة 5000 كم عادى جدا بس فى التوكيل اللى فى العبور بس حجزت قبلها وكان الميعاد الساعة 7 بعد الظهر ورحت بالضبط و المهندس اللى هناك اللى استلم منى العربية قمة فى الاحترام وبعد ما سلمت العربية قعدت فى الكوفى شوب اللى فى التوكيل وبعد ساعة ونصف خلصت العربية الصيانة كلها بس بالنسبة للمصنعية اغلى شوية من العادى بس مش كتير وبعدين انا اشتكيت من صوت صفارة قالى المهندس انه من فلتر البنزين وغير الفلتر والصوت اختفى وقالى ان الفلتر كده بعد ما اتغير بقى عليه ضمان ان لو حصل المشكلة دى تانى بيغيروه على حسابهم لان قطعة الغيار من عندهم........

بتسمع صوت التيل مع الطنابير جامد وانت دايس فرامل و بتلف العجل فى نفس الوقت؟ انا عربيتى عاملة 4000 و بسمع الصوت من يوم ماجبتها بس زيادة اوى و كذا حد كان راكب معايا وانا بركن و علق على الصوت انه عالى