Bora 2001

[Ahmmansour]

dear VW owners
this is the first time for me in VW section, and I'd like to be one of VW owners, I'm looking for a good car and not to have problems many,there is a Bora 2001 manual and as per the buyer it is fabrique in and out 120 000 km
I'm afraid regarding to repair and spare parts,if you can encourage me and make the subject peace I'll be gratfull and many thanks.

[madsir]

اي عربية مستعملة معرضه انها تحتاج تغير قطع غيار لان عمرها الافتراضي بيكون خلاص بينتهي او بالفعل انتهي فمفيش حاجه اسمها انك هتجيب عربيه مستعملة وتستخدمها ومش هتلاقيلها مشاكل
العربية البورا ممتازه في الركوب و المشي والسرعات العالية وامكانياتها شديده اهم حاجه انك تبص علي الماتور وتكشف عليه كويس وتكشف علي الفيتيس و الشاسية وبودر العربية والبطارية و المارش والتكييف وتتأكد ان اللمض الخاصة بالاعطال كلها بتفتح اول ما تفتح الكونتاكت بتاع العربية وبتطفي تاني زي لمبة ال abs و البطارية و الحزام والايرباج و الزيت والمية و لمبة الماتور EPC
ولمبة تيل الفرامل ولمبة الهاند بريك المفروض كل اللمض دي تنور بمجرد ما تحط المفتاح في العربية وتلفه وبتقفل تاني
تبص كويس علي التابلوة وتشوفه فيه خدوش ولا لا,, تتأكد ان الماستر بتاع اللوك بتاع العربية ورفع الازاز وتنزيلة شغال كويس ,, تبص علي الكاوتشات والجنوط ,, وتدور العربية وتدوس بنزين وتشوف صوت المكنة عالي ولا طبيعي ده الى ممكن تشوفه بالنسبة للعربية
بالنسبة لقطع الغيار فدي اسعار بعض القطع كنت شاري بعضها وسألت علي بعضها
الاسعار دي كلها بالنسبة لقطع الغيار الاستيراد:
الفانوس الامامي سعر الواحد من 350- 400 جنية
الفانوس الخلفي سعر الواحد من 175-200 جنية
المراية يمين السواق(الصغيرة)سعرها من 120-150 جنية الكهرباء طبعا عشان في منها عاده
كباس التكييف كان سعره حوالي 350 جنية واسعار باقي القطع بتاعت التكييف مش غالية يعني الاسطوانة ب 100 الخراطيم ب 70 جنية والقطعة التانية الى بتخلي الفريون يتحول لهواء مش فاكر اسمها ايه كانت ب 50 جنية
ماستر التحكم في الزجاج والسنتر ب 200 جنية
طاره الدركسيون بالايرباج ب 350 جنية
الايرباج التانى ب 150 جنية
فتيس المانيوال بحوالي 4000-3500 جنية
كوبلن المانيوال ب 400 جنية
قاعديتن الماتور اليمين والشمال بحوالي 250 جنية
شداد الماتور بحوالي 120 جنية
قربة المية بحوالي 75 جنية
ماستر الفرامل بحوالي 100 جنية
المساعدين الامامي بالسوست من 500 -550 جنية
الخلفي ب 300 جنية
الدنجل ب 300 جنية
ده تقريبا الى انا فاكرة من الاسعار
بالنسبة للقطع الجديدة
فعندك مثلا طقم التيل الامامي بحوالي 130
الخلفي بحوالي 130 برضة
طلمبة البنزين في صيني ب 500 وشوية وفي الالماني بتعدي الالف تقريبا
فلتر البنزين ب 60 جنية
ديسك واسطوانة الدبرياج كانوا بحوالي 450 جنية
جلب المقصات في ب 35 صيني وفي اغلي
القواعد الجديده للماتور الواحده تقريبا ب 275
سير الكاتينة كان ب 120 جنية تقريبا
البوجيهات ال 3 شمعة كانوا ب 180 تقريبا
دي تقريبا اسعار بعض القطع الى ممكن تتغير في العربية نتيجة العمر الافتراضي ليها
واي سؤال عن العربية انا تحت امرك

[benmatar]

السلام عليكم
لسة إمبارح مشتري فولكس بورا 2002 أوتوماتيك لأخويا.... بسم الله ما شاء الله تبارك الله عربية محترمة فعلا، وكشفنا عليها شاسية وكمبيوتر وكانت فيها شوية حاجات زي حساس شكمان ومروحة ضعيفة شوية وحاجات في العفشة بس المهم الشاسيه والموتور والفيتيس، وطبعا هنبدأ في صيانات السيور والزيوت والفلاتر، بصراحة محترمة وكان معايا سكودا أوكتافيا a5 وحاليا بيجـــو 406، والحق إن البورا مفرقتش عنهم أبدا ومش عاوز أقول إنها أعلى من الأوكتافيا بجد مش هزار... المهم والنصيحة هي اختيار حاجة حالتها تمام التمام والكشف على الشاسيه والكمبيوتر عند حد متخصص.

[madsir]

طيب ياريت تقولنا عملتوا الكشف فين بالظبط للحاجات دي و ان شاء الله لما تشتري اي حاجه عشان الصيانه ياريت تقولنا اسعارها ايه ومنين ,, والف الف مبروك اختيار في محله

[benmatar]

طيب ياريت تقولنا عملتوا الكشف فين بالظبط للحاجات دي و ان شاء الله لما تشتري اي حاجه عشان الصيانه ياريت تقولنا اسعارها ايه ومنين ,, والف الف مبروك اختيار في محله

السلام عليكم
أولا: كشف شامل وكامل بالرفع بالكوريك على الشاسيه، والدواخل والحوض والشنطة في محطة بنزين كالتكس بمدينة نصر عباس العقاد.
ثانيا: التوجه لورشة محمد أصلان أخصائي سكودا وفولكس وقام بالكشف على المحرك بالكمبيوتر والتجربة العملية واختبار قيادة.
ثالثا: شراء جميع قطع الغيار المطلوبة لعمل صيانة شاملة
سير كاتينة- سير دينامو- فلاتر زيت وبنزين وهواء وفيتيس- بوجيهات- زيوت موتور وفيتيس.
تم الشراء من الحاج علاء هاشم 0106555017 بالمهندسين (شارع الرشيد) أسعاره ممتازة وعنده حاجة البورا. والعربية النهاردة العربية عند محمد أصلان لزوم الصيانة الشاملة ودعواتكو.

[madsir]

تمام يا باشا محطة كالتكس مقدور عليها انا كل جمعه هناك
بس محمد اصلان ده مكانه فين؟ وهوا بيجرب العربيه بنفسه يعني بيطلع بيها وبيسوقها بعد الكشف عليها بالكمبيوتر ولا ايه؟
ياريت اعرف من حضرتك سعر سير الكاتينة وسير الدينامو و فلتر الهواء والبوجيهات جبتهم بكام؟
ونوع البوجيهات وصناعتها ايه وكام شمعة الله يكرمك؟
وشكرا لحضرتك مره تانية

[benmatar]

السلام عليكم
محمد أصلان ورشته ممكن تدخلها لو مشيت شارع الطيران لغاية مطعم أبو رامي بتاع الكبدة وتدخل يمين هتمشي دقيقة وتلاقي مشجد على إيدك اليمين وبعده بورشتين ثلاثة تلاقي الورشة وعليها علامة سكودا واضحة وعنده عربيات سكودا وفولكس، وبيكشف كمبيوتر وبيجربها، وبالنسبة للبوجيهات 3 شمعة. وأسعار الفلاتر 60-80ج، والبوجيهات 80ج، والكاتينة كانت 100ج، وسير الدينامو120ج.

[madsir]

شكرا ليك يا باشا علي الرد والمساعدة
و جزاك الله خيرا