جولف 93 ياريت الرد يا خبراء الجولف

[Vierry32]

السلام عليكم ورحمة الله وبركاته
معروض عليا جولف 93 بسعر 47000 جم وبصراحه حالتها جيده جدا ( استيراد خارج للمعاقين) وانا اول مره هركب فيها عربيه ان شاء الله وكنت بدور علي ابيزا 2000 او 2001 بس لقيت الجولف دي لأنها في نفس الرينج اللي معايا ,,,,, تنصحوني بايه الله يباركلكم اتوكل علي الله اشتري الجولف ولا ايه ؟؟

[Vierry32]

ايه يا رجاله مفيش رد واحد الله يباركلكم ساعدوني بخبرتكم لأني محتار ومش عارف اخد قرار شاكر جدا ليكم

[omenboy]

ازاي معاقين و موديل 93 و بالسعر ده ياباشا
المفروض اقل بكتير لانك بالسعر ده تجيب واحده مش معاقين و موديل اعلى كمان

[Vierry32]

لأ اقصد هشتريها مستعمله من واحد كان جايبها تبع المعاقين وبالتالي هي استيراد خارج ومتهانتش كتير أتمني الرد

[loda80]

مواصفتها ايه ولونها ايه؟

[Vierry32]

لونها زهري وكامله و 2 ايرباج فبريكه بالداخل ورش بعض الاجزاء من الخارج وحالتها جيده بس لسه مكشفتش عن موتورها لأني مقلق من الجولف بخصوص اسعار قطع الغيار عشان كده عاوزكم تفيدوني بخصوص كل حاجه عنها وهي ولا الابيزا ؟؟؟؟؟؟؟ ( طبعا سعر الجولف 1993 مثلا يعادل ابيزا 2002 كامله 1400سي سي) ارجو ردكم وجزاكم الله خيرا

[ashoub]

الجولف 3 من احسن العربيات الى ممكن تركبها واهم حاجه يكون الشاسيه سليم وميكنش الماتور متسقط وفى لعب فى الدفيره بتاعتها وربنا يكرمك بس حاول تنزل فى السعر شويه

[saba]

الجولف 3 عربية تحببك فى ركوب العربيات .