البولو 2001 بتاكل بنزين

[mido_antouhh]

مساء الخيرعلى كل الفلكسويه
انا معايا بولو 2001
انا حاسس ان العربيه بتاكل بنزين زياده عن المعدل الطبيعي الى قريت عنه فى المنتدى هنا
فكنت عايز اعرف اه هيه الاسباب الى تخلى العربيه
تستهلك بنزين زياده ؟؟؟؟؟؟؟؟؟؟؟؟؟؟؟
مع العلم انى لسه مغير
فلتر هوا وبنزين
ومنظف البوابه والرشاشات
وعامل باسيك سيتنج من الجهاز وسحب العربيه زي الفل
ياريت حد يفيدنا ونبى انا من اليكس وبعمل صيانتى كلها عند حد مشهور الوى فى اليكس فى الفولكس ومحترم وبيفهم اوى
ما شاء الله عليه
انا مستنى رد الفلكسويه واى حد عنده نصيحه
يقولها

[mgzaker78]

انت بتعمل معاك كام في الصفيحة ؟؟ وأية أخبار الحساسات هل عندك في ايرورز الكمبيوتر مطلعها ؟

[original]

طالما كل حاجة تمام ومفيش تسريب بنزين!! والبوابة مظبوطة والكمبيوتر مش بيديك مشاكل معينة!!
يبأا تمام
ممكن تشك فى البنزين والمحطة اللى بتمون منها
ممكن تشك فى الشكمان!!
ممكن اسطوانة الدبرياج!!
البوجيهات وكابلاتها!!
البوابة!!
المكنة أخبارها إيه؟؟
نوع الزيت اللى حضرتك حطيته آخر مرة؟؟ ممكن يكون مش كويس أو مضروب عشان سمعت إن فى أنواع مضروبة فى السوق!!
الكاوتش بتاع العربية وضغط الهواء!!
طرمبة البنزين؟؟

طمننا

[mido_antouhh]

الحاجه الى مش متظبطه الوحيده هو حساس الجاكمان بيدى ايرور على الكمبيوتر
انا منظف البوابه والرشاشات وعاملهم باسيك سيتينج عند هريسه
فى اليكس
مستنى ردك

[original]

أنا كنت بروح لهريسة أيام البولو 98 ومغير عنده مكنة لبولو 2000 بتاعة إبن خالى
حساس الجكمان!! لو حضرتك دورت على الكود اللى بيطلعلك على Ross Teck ممكن تلاقى كذا سبب منهم:
الحساس محتاج يتغير
نوع البنزين

Category:Fault Codes - Ross-Tech Wiki

[mido_antouhh]

استاز اوريجنال انا مش فاهم اى حاجه من الى حضرتك بتقولها
ممكن توضحلى انا اعمل اه ناو
اكشف تانى بالكمبيوتر ولا اغير الحساس واجيبه مستعمل من عند عدس
ولا منين وهل حيفرق معايا بعد التغير فى استهلاك البنزين
ممكن نصيحه يا استاز اوريجنال
حضرتك من اسكندريه صح
انا من اليكس
ممكن نكون صحاب
بعد ازنك
انا بصراحه بقابل ناس كتير فى المنتدى وببقي نفسي ااقابلهم
انا بعشق حاجه اسمها بولو
وبحبها اوى ومبخلش عليها باى حاجه
زى ما انت واستاز محمد مصطفى كان بيقول

[original]

استاز اوريجنال انا مش فاهم اى حاجه من الى حضرتك بتقولها
ممكن توضحلى انا اعمل اه ناو
اكشف تانى بالكمبيوتر ولا اغير الحساس واجيبه مستعمل من عند عدس
ولا منين وهل حيفرق معايا بعد التغير فى استهلاك البنزين
ممكن نصيحه يا استاز اوريجنال
حضرتك من اسكندريه صح
انا من اليكس
ممكن نكون صحاب
بعد ازنك
انا بصراحه بقابل ناس كتير فى المنتدى وببقي نفسي ااقابلهم
انا بعشق حاجه اسمها بولو
وبحبها اوى ومبخلش عليها باى حاجه
زى ما انت واستاز محمد مصطفى كان بيقول

أ/ محمد مصطفى حبيبى
مفيش مشكلة طبعا إننا نبأا أصحاب أنا ساكن فى سموحة وشغلى على البحر
مين مايحبش البولو!! العربية كانت ممتازة بالمقارنة بأى عربية جبتها بعدها
إكشف عليها وهات كود المشكلة قبل ماتمسحها ونشوف

[mido_antouhh]

انا بحطلها 92
والله
من موبيل الى فى شاطبى على البحر

[Ahmed Mubarak]

متابع

[mido_antouhh]

انا اخر حاجه وصلتها انى كنت مفول العربيه
ومشيت 400 كيلو وبعد كده دخلت البنزينه فولت العربيه
خدت 30 ليتر 92 ب 58.50
يعنى كده العربيه بتاخد كل
10 ليتر 130 داخل البلد والزحمه
مستنى ردكم كده العربيه اه بتاكل بنزين ولا اه
؟؟؟؟؟؟؟؟؟؟؟؟؟؟؟؟؟؟؟؟؟؟

[أبو_حمزة]

مرة واحدة لا تكفى للحكم على الاستهلاك
لكن 13 كم/ لتر معقول لو بتدوس كتير
كانت سواقتى هادية و كانت يتعمل معايا 16 ل 16.5
بالتوفيق ان شاء الله

[mido_antouhh]

طيب تنصحونى اكشق على اى فى موضوع البنزين الزياده ده ممكن حد يفيدنى
بجد انا محتاج مساعدتكم
؟؟؟؟؟؟؟؟؟؟؟؟؟؟؟؟؟؟؟

[ehab_mansour]

انا كان معايا الابيزا 98 بالمحرك ال 1000 سيسي و مكنتش بتقل عن 290 كيلومتر في ال 20 لتر و كان معدلها الدائم معي 320 كيلومتر في ال 20 لتر
انت عندك بتعمل 260 حسب كلامك بس ده ممكن يختلف من طريق لأخر
طيب ممكن تجرب مشوار سفر كويس و تقلنا عملت معاك كام و ياريت لو متزودش سرعه عن 100 كيلومتر في الساعه
ولو برده بتاكل بنزين يبقي غير حساس الشكمان اللي مديك ايورو لأنه سبب في زيادة الاستهلاك

[mido_antouhh]

شكرا لاهتمامكم يا حماعه

[Kabatsho]

أستاذ ميدو أنا معايا بولو 98 مكنه 1000 والمكنه عندي بتبتدي تخف وبعد حسابات دقيقه بعد كل تفويله اكتشفت ان اللتر معايا بيعمل 12.2 كيلو أعتقد ان المعدل عندك معقول جدا ومتقلقش بس حاول داما تفول لأن بعد نص التنك العربيه بتاكل أكتر ده عن تجربه شخصيه وليس معلومه أكيده وأصحاب الخبره مشكورين لو يفيدونا أكتر