البيتلز ممكن تتعمل كابروليه

[mohamed_mesho3]

السلام عليكم
انا شاب عندى 20 سنة معايا عربية 127 سوبر فيورا ببيعها اليومين دول
بفكر فى البيتلز بعد ما ركبت عربية واحد صاحبى بس السوال بقى ( ممكن تتعمل كابروليه )
يعنى السقف بتاعها ممكن يتقص و لو فى حد بيعمل الحكاية دى ياريت رقم تليفونه او عنوانه
و هل هحس بفرق لما انزل من ال 27 دى و اركب بيتلز ؟؟

[smsmxxxxxx]

بالنسبة للبيتل انها تتقلب كابورليه فليها عدة مشاكل
اولا مفيش صنايعي يعرف يعمل التعديل دا ويخليها زى الاصلي دا مبيعرفوش يعملوا فتحة سقف نضيفة
ثانيا المرور مش هيرخصوها

بالنسبة للفرق بين ال 27 والبيتل
فطبعا البيتل احسن فى الاداء وتناسبك جدا كشاب
انتا تلاقيها فى المطبات زى الجيب
وفى السحب والسرعة متحسش انك راكب عربية قديمة

بس في فروق لصالح ال 27 علشان تقدر تاخد قرار
اولا تقيلة فى البيع
ثانيا قطع الغيار اغلي كمثال الموتور 1600 سي سي بيعمل من 6000 الى 7000
ثالثا ليها كهربائي وميكانيكي مخصوصين يعنى لو عطلت بيك فى الطريق انسي ان حد يساعدك
رابعا مفيهاش شنطة وديقة فى القاعدة اللى ورا يعنى انسي ان حد يرضي يركب معاك ورا
خامسا استهلاك فى البنزين اعلى بتعمل 8 كيلو متر لكل لتر بنزين لو العربية مظبوطة

لو قررت انك تجيب بيتل متستعجلش فى الشراء وهاتها حالتها تكون كويسة جدا
وميكانيكي بيتل هو اللى يكشفلك عليها قبل ما تشترى

[gn4me442]

اسمحولي انا لي راي مختلف انا عندي فولكس بيتل 1303 1300 سي سي
اولا ليست تقيلة فى البيع نهائي فهي مطلوبه جدا بالرغم من قدم موديلها وذلك عن تجربه لان اعرف ناس بتجارو فيها

ثانيا قطع الغيار لسيت غاليه بالشكل المبالغ فيه المذكور بعاليه وبتعيش كتير لانها معمره يعني بتحط الحاجه وتنساها

ثالثا ليها كهربائي وميكانيكي مخصوصين دي ماشي لكن انت لو بتتعامل مع ميكانيكي بثق فيه ومحترم زي عاطف عبده فرج هيساعدك انا عطلت بيا الساعه واحده بليل وكلمته وقالي هقفل واجي وجالي الساعه 3 الفجر وصلحها

رابعا مفيهاش شنطة وديقة فى القاعدة اللى ورا دي مقدرش اتكلم فيها لان الكلام ده مظبوط

ااما بنسبه للسقف المفتوح ده انا فكرت زيك كده فعلا مش هنلاقي حد يعملها زي الاصلي وهتقابلك مشاكل كتير جدا في المرور لما تيجي ترخص

وفي النهايه هيا مريحاني جدا ولو سالتني عن رايي انا بنصحك بيها

[smsmxxxxxx]

اسمحولي انا لي راي مختلف انا عندي فولكس بيتل 1303 1300 سي سي
اولا ليست تقيلة فى البيع نهائي فهي مطلوبه جدا بالرغم من قدم موديلها وذلك عن تجربه لان اعرف ناس بتجارو فيها

[OVERLINE]طبعا التجار ليهم سككهم وبيكون مموت العربية اللى بيشتريها وبالتالي هتبقي بين نارين
يا تبيع بسرعة للتاجر يا تستني لما يجيلك زبون يديك قيمتها ودا بياخد شهور[/OVERLINE]

ثانيا قطع الغيار لسيت غاليه بالشكل المبالغ فيه المذكور بعاليه وبتعيش كتير لانها معمره يعني بتحط الحاجه وتنساها

[OVERLINE]لو تعرف مكان بيبيع مواتير ارخص من كدة ويكون استاندرد ياريت تقول لان الاسعار دى عند كل الناس
ياريت تسأل على ثمن علبة الدريكسيون الاستيراد بتاعة عربيتك هتلاقيها بتعمل من 600 الى 900 جنيه وقطع الغيار الجديدة كلها صيني والبرازيلي مشكوك فيه[/OVERLINE]

ثالثا ليها كهربائي وميكانيكي مخصوصين دي ماشي لكن انت لو بتتعامل مع ميكانيكي بثق فيه ومحترم زي عاطف عبده فرج هيساعدك انا عطلت بيا الساعه واحده بليل وكلمته وقالي هقفل واجي وجالي الساعه 3 الفجر وصلحها

[OVERLINE]كلامك صح بس لو اى ميكانيكي عنده شغل مش ممكن هيسيب الناس اللى معاه ويجيلك خصوصا لو انتا بعيد عليه دا غير انك لازم تعوضه فبالتالي مصاريف اكتر
لكن الانواع التانية بتلاقيلها ميكانيكي فى كل شارع واى سواق تاكسي بيعرف يصلحها لو عطل عادى[/OVERLINE]

رابعا مفيهاش شنطة وديقة فى القاعدة اللى ورا دي مقدرش اتكلم فيها لان الكلام ده مظبوط

ااما بنسبه للسقف المفتوح ده انا فكرت زيك كده فعلا مش هنلاقي حد يعملها زي الاصلي وهتقابلك مشاكل كتير جدا في المرور لما تيجي ترخص

وفي النهايه هيا مريحاني جدا ولو سالتني عن رايي انا بنصحك بيها

[gn4me442]

اسمحولي انا مختلف مع السيد الفاضل الذي قام بالرد
اولا
طبعا التجار ليهم سككهم وبيكون مموت العربية اللى بيشتريها وبالتالي هتبقي بين نارين
يا تبيع بسرعة للتاجر يا تستني لما يجيلك زبون يديك قيمتها ودا بياخد شهور

العربيه مطلوبه جدا وبيجلها مشترين وانت واقف ولو عربيتك كويسه الناس هيا الي هتجري وراك لان العربيه دي لها عشاقها انا الناس كل شويه تبيع تبيع لدرجة اني زهقت واني مقرر اني مفرضتش فيها

ثانيا
لو تعرف مكان بيبيع مواتير ارخص من كدة ويكون استاندرد ياريت تقول لان الاسعار دى عند كل الناس
ياريت تسأل على ثمن علبة الدريكسيون الاستيراد بتاعة عربيتك هتلاقيها بتعمل من 600 الى 900 جنيه وقطع الغيار الجديدة كلها صيني والبرازيلي مشكوك فيها

علبة الدركسيون دي ممكن تغيرها او لاء يعني حاجه مس سهله تبوظ الي ممكن بتغير طقم الكهربه البوبينا وكلها حاجات مش مكلفه اسطوانه الدبرياج انا غيرتها ب 200جم وخلاص مش هغيرها تاني الي بعد مده طويله لقدر الله
ودي اغلي حاجه انا غيرتها في العربيه
ثالثا
انت لو علاقتك كويسه باي مكانيكي مش بتاع الفولكس بس هتلاقيه لا بيستغلك ولا يبدوخك عشان يصلحك العربيه دي ملهاش علاقه بمكانكيكي الفولكس وحتي انت لو اشتريت فييات هتدور علي مياكانكي كويس وهتتعامل معاه وخلاص مش كل شويه هتدور علي غيره يعني لو لقيت حد كويس هستمر معاه وانتهت القصه
العيب الوحيد من وجه نظري انها ديقه من جوه
انما هيا عربيه كويسه جدا وبتسافر ومريحه بس عاوزه اعتناء
بس

[gn4me442]

ودي نمرتي لو احتجت اي مساعده او استفسار اخوك احمد مصطفي 01280301682

[smsmxxxxxx]

ودي نمرتي لو احتجت اي مساعده او استفسار اخوك احمد مصطفي 01280301682

يا باشا انا ليا الشرف انى اتعرف بيك

الظاهر انك فاهم غلط انى مبحبش البيتل
بالعكس انا بحبها من وانا صغير ولما احتجت انى اجيب عربية جبتها هى بالزات رغم انى كان معايا اجيب عربيات اغلى بس اخترت دى بالزات
وكل اللى اعرفهم وكانوا معترضين ليها لما ساقوها حبوها

بس لما حد يسأل لازم نجاوبه بكل صراحة ونقوله على العيوب والمميزات علشان يقدر ياخد قرار

انا حتى فى اخر كلامي رشحتله البيتل زيك بالظبط

اما بالنسبة للميكانيكية
انا اتعاملت مع عاطف وهو كويس بس بعيد عليا لان انا من فيصل

اما بالنسبة للاعطال والصيانة
فدى ثالث سنة ليا والعربية معايا والحمد لله اغلب الاعطال باعملها بنفسي
لانى بافهم فى الكهرباء كويس من قبل ما اجيب العربية والميكانيكا اخدت فكرة عنها

ومع انى وقتى ديق جدا ومبحتجش العربية غير يمكن مشوار كل اسبوع

بس كل ما بلاقى وقت باعمل فيها حاجة سواء صيانة او تصليح

والحمد لله وصلت لمرحلة تخليني ماحتجش لميكانيكي لو عطلت منى فى الشارع
وباعرف اظبط موتورى احسن من الميكانيكية

وانا زيك مش ممكن استغنى عن البيتل
بس ممكن ان شاء الله اشترى عربية كمان علشان محتاج عربية اكبر علشان الولاد

[gn4me442]

سلام عليكم
انا مش بهاجمك والهي انا بقول الي انا شفته مع العربيه دي وعلي فكره انا مش بقول انك لازم تتعامل مع عاطف بالزات مع ان مشواري يعتبر زيك او اقل شويه انا من شبرا وشغلي في مدينة نصر وسعات بطلع من الشغل عليه ممكن تتعامل مع غيره هما صحيح مش كتير لكن موجودين وانا برشح عاطف عن تجربه لان بصراحه عنده ضمير ونادر يكون في اي مكانيكي مش شرط بتاع فولكس اما لقطع الغيار فهي معقوله ومش مبالغ فيها غير انها فيها ميزه انها بتعيش فتره طويله بس انما والهي انا مقولتش انك مش بتحبها العفو وانا كمان ليا الشرف اني اتعرف عليك

[kar!m]

هى عربية حضرتك ال 127 حالتها ايه و عاوز فيها كام؟