1400 فى 1000 لبولو 98

[mohamed_nawar]

العربيه عندي جابت مايه على زيت ( طحينه)
والماتور الالف ما بيتقشطش
عشان كده الميكانيكي قالى لازم نغير
المهم انا لاقيت ان ال 1400 بنفس سعر الالف
ينفع اغير البلوك بس من غير كونترول و فتيس؟

[original]

بص تاجر قطع الغيار اللى يفيدك هوا والميكانيكى بس طبعا لو غيرته كامل يبأا أفضل
وا ل1400 أفضل طبعا طالما هتغير بس شوف واحد فاهم
المكنة ال 1000 نادرة أصلا لأن كل اللى بييجى من بره مكن كبير
طبعا لو كامل بفتيسه أحسن وأحسن وماتنساش الكنترول بتاعه وقبل ماتشتريه خد كود الموتور وإعرف نوع المكنة
يعنى مثلا ال1000 أول 3 حروف aer
كل مكنة ليها أول 3 حروف يعرفوك نوعها

[mohamed_nawar]

شكرا يا فاندم
انا هاجيب الماتور من غير فتيس
هاجيبه بلوك + كونترول
ووصلت لسعر 2200
بس ايه حكاية الاحرف اللى اعرف بيها نوع الماكنه
وايه كود الماتور ده ....وهايختلف الكانترول من ماكنه 1400 ل 1000
وشكرا

[Dr.cairoky]

السؤال الأول ممكن تشترى بلوك بس من غير كنترول ولا فتيس ؟

-- أه ممكن لكن يفضل انك تشتريه معاهم ، انما من ناحية ممكن فهو ممكن

أهم حاجه تتفق معاه على فترة شهر تجربه ومتدفعش الفلوس كلها مره وحده تبقى عندك 200 جنيه وتقوله لما اخد الورق هديهملك.

-- السعر كده عالى شويتين السعر العادل من وجهة نظرى للبلوك+ الكنترول فقط هو 2000 جنيه

[original]

رقم الموتور لو بصيت عليه هتلاقى أول 3 حروف بيبأا نوع المكنة والأرقام ده السيريال بتاع المكنة

[alzelafy]

ممكن عادى البلوك بس و على كنترول ال 1000

[alzelafy]

السعر دة سعر مكنه كامله بالدينامو بالمارش و ادوات التغزيه ...... البلوك و الكنترول 1700

[mohamed_nawar]

طب السعر ده وصلت له فين؟

[alzelafy]

الحرفيين و المنصورة و ادخل عند واحد و اتنين المواتير دى ملهاش قيمه عندهم وركنتها بخسارة عليهم و بيتمنو يبعوها باى حاجه عشان اعتمادهم على العربيات العاليه باسات اوكتافيا اودى المواتير العاليه

[MNabeih]

الفتيس بتاع ال 1400 غير بتاع ال 1000
النسب بتاعة الفتيس ال 1000 مختلفة و قصيرة هاتخلي الموتور حامي جدا و الار بي ام علي طول عالي
يعني مثلا تبقي ماشي علي 100 علي الغيار الخامس و الار بي ام علي 3750-4000
و دة غلط علي الموتور و هيقلل عمره الفتراضي
بس هايبقي حامي جدا و تجميع ماقولكش ممكن تمشي بيه شوية كدة و هاتطلع من عربيات كتيييييييير
دة عن تجربة شخصية علي فكرة

[patrek]

انا بعانى من المشكله دى يا استاذ MNabeih بس انا مسقط الموتور ال1600 كمان على فتيس ال 1000 وبجيب 100 على ار بى ام 3300 تقريبا عشان كده يفضل تسقيط الموتور بفتيسه عشان تقدر تمشى على سرعه عاليه

[MNabeih]

انا بعانى من المشكله دى يا استاذ mnabeih بس انا مسقط الموتور ال1600 كمان على فتيس ال 1000 وبجيب 100 على ار بى ام 3300 تقريبا عشان كده يفضل تسقيط الموتور بفتيسه عشان تقدر تمشى على سرعه عاليه

+1
100 المفروض بتبقي علي 2700-2800 ار بي ام
انت كدة بتحمل علي الموتور
حاول تجيب فتيس

[alzelafy]

خلاص هات موتورك ال 1000 الاوريجنال و خلاص وريح دماغك دا لو عايز توفر و الموتور ال 1000 مش وحش لكن لو هتخش فى ال 1400 و هتجيبو بقتيسه يبقى بالمرة بالكنترول بالضقيرة بتكويد المقتاح بالتسقيط و تظبيط التكييف هتخش فى 5 الاف