Tweet
يا جدعان انا معايا بيتل 1978 1200 سي سي كاربراتير الصغير المشكله الكربراتير بيطفح و بيخااي العربيه تشرق و هي دايره و تبطل الموضوع ده كان حصل قبل كده و انا عند الحج مديح اللي في شارع سنان - الزيتون و غير الابره و مشيت زي الفل المشكله دلوقتي انا ف بلد جمب طنطا و مش عارف ارجع القاهره ازاي انا ممكن افك و اعمل اي حاجه بس حد يقولي اعمل ايه بالظبط ارجو متتأخروش عليا في الرد و اسف على الاطاله
-
-
انتا اول حاجة تعملها تغير فلتر البنزين علشان اكيد دا هو السبب فى بوظان الابرة
دا هتلاقيه جنب الفتيس من ناحية العجلة الشمال
فى حل سريع لو وقفت بيك على الطريق اخبط على الابرة من برة ببنسة او يد مفك او حتى ظلطة صغبرة
والخبطة تكون بسيطة كأنك بتخبط على باب اوضة
اما الحل الصعب فخطواته كالتالي
فك العمة
فك خرطوم البنزين
اخلع السوستة بتاعة سلك البنزين
فك ال 5 مسامير اللى رابطين وش الكاربراتير
طلع الوش بهدوء وخللي الجوان زى ما هو على الكاربراتير
ابرة البنزين هتلاقيها عند الماسورة اللى كان مربوط فيها خرطوم البنزين
رش عليها wd40 واضغط على السن بتعها وسيبه ورش كمان فى الماسورة اللى كان فيها خرطوم البنزين
بص على العوامة هتلاقيها تحت ابرة البنزين علشان تتأكد انها مش واقعة جوة الكاربراتير
ارجع ركب كل حاجة مكانها
ودور وان شاء الله تشتغل
ملحوظة
خللي بالك الاسبراتير جنب الكاربراتير وخطر جدا ان الكاربراتير يفيض منه بنزين فخليك حريص[FONT=Arial Black][SIZE=5][B][COLOR=Blue]محمد سالم[/COLOR][/B][/SIZE][/FONT] -
الف الف الف شكر على المعلومه دي انا فعلا عملت كده بعد ما كتبت البوست ده بس انا مرشتش حاجه انا جربت انفخ فيها بس
و ركبت تاني طفح برضه جيت الصبح بادور دارت و مطفحض و كان زي الفل بس طرمبة البنزين كانت بجيب بنزين برضو فاكيتها و جبت ارانديد و ليست على ال جزء اللي كان بيطفح طبعا الموضوع ده فتي مني بس هو جاب نتيجه و انا وصلت الحمد لله بس كنت عاوز اسأل عشان انا لسه جديد فيها برضو هو في حد متخصص كربراتيرات يبص عليه او يشوف لو في حاجه تتغير عشان الحج مديح بيقولي اغيره و انا مش معايا تمن كربراتير بصراحه و مش مسدق انه بايظ اصلا ؟؟؟Comment
-
الكاربراتير ممكن تلاقيه استيراد اللى يناسبك نوعه 30pict
احسن من اللى عندك هتلاقيه 28pict
اسأل الاول على سعره فى اكتر من مكان
وبرضه ودى الكاربراتير لحد متخصص كاربراتير ويقولك تكلفة تصليحه كام
اشهر ناس هتلاقيها في شبرا بس للاسف معرفش حد فيهم
وشوف الارخص[FONT=Arial Black][SIZE=5][B][COLOR=Blue]محمد سالم[/COLOR][/B][/SIZE][/FONT]Comment
-
شكرا جدا يا باشا على تعبك معايا بس طلب اخير لو تعرف تجيبلي مكان اي حد متخصص كربراتير لان انا معرفش حد معاه بيتل اصلا ولا اعرف اوصل لحد فا لو تقدر حضرتك يبقى كتر خيرك ياعني و مرسي لزوقكComment
-
للاسف معرفش متخصص كاربراتير
بس انتا ممكن الميكانيكي بتاعك يكشف عليه تاني
ويقولك لومحتاج متخصص ولا لاء ويشوفلك واحد على ضمنته
واسأله برضه على اسعار الاستيراد[FONT=Arial Black][SIZE=5][B][COLOR=Blue]محمد سالم[/COLOR][/B][/SIZE][/FONT]Comment
Comment