مفتاح الجولف اعملة فين و في حدود كام ؟

[midomansour]

لو سمحتوا يا جماعه بالنسبه لمفتاح الجولف 5 اللي زي الصورة دي ,اعمله فين برة التوكيل و هيبقى في حدود كام عشان انا سمعت ارقام فلكيه من الناس وبتهيئلي مش حقيقه ؟؟

[madsir]

كان في واحد في الحرفيين بعد الميدان بشويه اسمه المصطفي جمب حد بتاع عربيات فولفو كنت عملت عنده مفتاح بس عادي مش ريموت للبورا كان ب 125 جنية سألته قولتله ينفع اعمل للريموت قالي اه طيب بكام؟ قالي 300 جنية

[midomansour]

الف شكر ليك يا باشا انا كمان سألت واحد بتاع مفاتيح قاللي ب550 جنيه مش الاسعار الغريبه اللي الناس رعبتني بيها دي

[mina2210]

ممكن تعمله عند سعيد وعصام في جسر السويس هيكلفك في حدود 600 جنيه

[gabbbr]

فى واحد فى نصف شارع السودان بالمهندسين مش فاكر اسمه و امامه بنزينه و اسعارة رخيصة و عنده كل الانواع و انا جربته فى مفتاح مشفر لجولف 3 و كان سعره 100 جنيه و باقى الناس 150 جنيه

[mohamedbook]

انا لسة جديد معاكم في القسم لكن قديم في المنتدي
انا لسة شاري عربية بورا 2002 امبارح ومعاها مفتاح واحد فقط عايز اعملها ريموت ومفتاح كمان - وممكن اعرف سعر الاريل كام عشان مسروق من السيارة
ياريت توصفلي مكان الناس الي ذكرتوهم ولو رقم تلفون يبقي تمام

وجزاكم الله خيرا