اشتريت فولكس فاجن بورا 2002 ولما كشفت عليها وجدت الاتي ارجوا الافاده

[mohamedbook]

لما كشفت عليها وجت الاتي

العفشة
1. حساس بور
2. عدد 2 كارتيرة رفرف امامي
3. عدد 2 جلبة دنونجل
4. كساحة محرك سفلية
5. عدد 2 كوتش ميزان
6. عدد 2 بيض مقصات
7. كوتش الكبالن مش اصلي عايز يتغير
الموتور
1. سير كاتينة + بلية
2. سير ديماموا + بلية
3. خرطوم فايظ موتور
4. حساس حرارة علي ريداتير 2 بن
5. امبوبة سليكون عادي عشان الكشف علي الموتور(السبيكة ) وتغيير زيت البور والكشف علي زيت الكارونة لان مهندس هاني الي في جسر السويس قالي فية مشكلة ولازم اشوفوا فنا بحب اجيب من الاخر تنصحوني اعمل ايه
-----------------------
السوال هنا هل استنا امشي بالسيارة شوية عشان الموتور كده شكلة في مشكلة كبيرة عشان موضوع الصوت الغريب الي فية واستني واجيب موتور استيراد من بورسعيد عشان معدش اغير كل الحجات الي فاتت مرتين

1. سير كاتينة + بلية
2. سير ديماموا + بلية
3. خرطوم فايظ موتور
4. حساس حرارة علي ريداتير 2 بن
5. امبوبة سليكون عادي عشان الكشف علي الموتور(السبيكة ) وتغيير زيت البور والكشف علي زيت الكارونة عشان الحجات دي شكلها داخل في حوالي 2000ج
فنا اريح دماغي واجيب موتور بالمرة استيراد ومعاها اغير الحجات الي فاتت
وهل لو مشيت بالموتور وهو فية الصت الي مش مضبوط ده ممكن ياثر علي النتيس ولا عادي ارجوا الافاده ولكم جزيل الشكر اخواني في الله
ممكن اعرف سعر الموتور استيراد 1600 يعمل رنج كام واجيبة ازاي واجراته ايه وتركيبة ممكن يتكلف كام

[mohamedbook]

الموضوع عويص للدرجادي محدش عنده معلومة خالص

[minicooper20]

اكشف على الماتور الاول لو طلع تمام اعمل الصيانه و اتكل على الله
لو بايظ او عايز يعمر ارميه و هات استيراد و هو استيراد بيعمل بكل حاجتو 7 الف جنيه تقريبا
و ربنا يباركلك فيها جبتها بكام و عمله كام كيلو و كشفت عليها فين

[eng.m7md.ali]

هو ازاي حضرتك مكشفتش عليها الاول قبل ماتشتري؟

[mohamedbook]

هو ازاي حضرتك مكشفتش عليها الاول قبل ماتشتري؟

عشان سعر السيارة كان كويس
وكمان انا عارف حالتها كويس غير الفتيس والموتور هما الي كنت حاطت احتمال ان يكونوا في الضياع
لكن الحمد لله الفتيس تمام وكل اجزاء السيارة تمام
غير الحجات دي فق
ان شاء الله همشي بيه حوالي 6 شهور كده ولا حاجة ويعدين انزل بورسعيد اشتري موتور جديد بس كنت عايز اعرف الاسعار تقربيه وهية الي ممكن اجيبة استيراد منن الحجات الي فوق

[ehab_mansour]

السلام عليكم أخي الفاضل

علي فكرة حسين (sonesteel)كلمني علي عربيتك دي و لكن بصراحة مش فاكر تفاصيل الحوار و لكن فاكر اسم حضرتك

ممكن تشرح انت حالة العربية معاك عامله ايه عموما و ايه الصوت اللي بيصدر من المحرك عندك و السحب عامل ايه و ايه السوائل اللي حضرتك شايفها مثلا فيها تسريب و .... عايز منك شرح تفصيلي عن احساسك انت و علي اساسه هنحاول نساعدك في حل مشكلة عربيتك ان شاء الله

منتظر رد حضرتك

[mohamedbook]

السلام عليكم أخي الفاضل

علي فكرة حسين (sonesteel)كلمني علي عربيتك دي و لكن بصراحة مش فاكر تفاصيل الحوار و لكن فاكر اسم حضرتك

ممكن تشرح انت حالة العربية معاك عامله ايه عموما و ايه الصوت اللي بيصدر من المحرك عندك و السحب عامل ايه و ايه السوائل اللي حضرتك شايفها مثلا فيها تسريب و .... عايز منك شرح تفصيلي عن احساسك انت و علي اساسه هنحاول نساعدك في حل مشكلة عربيتك ان شاء الله

منتظر رد حضرتك

اولا جزاك الله خيرا
العربية تمام التمام عيزة شوية حجات بسيطة عشان تبقي تمام
بس موضوع المحرك فية نعرة كده مع دوسة شديدة علي الدبرياش مش جامده اوي بي انا بحب اريح دماغي ان شاء الله هجيب محرك جديد استيراد وكلمت واحد وهنزل بورسعيد ان شاء الله في القريب
اما سحب السيارة معايا ممكن 200 كيلوا معنديش مشكلة والطبيعي بتاعها الي انا بمشي بية 140 كيلوا
بس انا مبحبش الفك والتركيب وانت عارف الصنيعية لاني مش بفهم في ميكانيكا السيارة خالص
وانا اسمي محمد فوزي
ولك كل الشكر وجزاك الله خيرا

[ehab_mansour]

اولا جزاك الله خيرا
العربية تمام التمام عيزة شوية حجات بسيطة عشان تبقي تمام
بس موضوع المحرك فية نعرة كده مع دوسة شديدة علي الدبرياش مش جامده اوي بي انا بحب اريح دماغي ان شاء الله هجيب محرك جديد استيراد وكلمت واحد وهنزل بورسعيد ان شاء الله في القريب
اما سحب السيارة معايا ممكن 200 كيلوا معنديش مشكلة والطبيعي بتاعها الي انا بمشي بية 140 كيلوا
بس انا مبحبش الفك والتركيب وانت عارف الصنيعية لاني مش بفهم في ميكانيكا السيارة خالص
وانا اسمي محمد فوزي
ولك كل الشكر وجزاك الله خيرا

مش فاهم كلامك قوي يا أستاذ محمد
طالما العربية تمام و زي الفل و كما فهمت من كلامك انك عادي تمشي 140 كيلومتر في الساعه سرعه و ممكن تجيب 200 و لكن فيه صوت نعره في المحرك
لو فعلا زي مانا فهمت فوق فدي حاجه سهلة و صيانة بسيطة اننا نحدد العيب فين و نصلحه و احنا معاك نفيدك ان شاء الله ومن غير تسقيط ولا حاجه
لأن نصيحة من اخ :- متفكرش انك تسقط محركات في اي عربية إلا لو اضطررت لذلك لأن الموضوع فيه عكه كبيرة و صنايعية مصر ربنا يكرمهم أغلبهم فتايين و معندهمش ضمير إلا من رحم ربي
فأنصحك متفكرش في التسقيط غير لو لقيت ان مافيش طريق غير كده

منتظرك تعليقك علي كلامي عشان اعرف انا فهمت صح ولا غلط

[احمد فهمى]

اكشف على المتور الاول ولو اكيد محتاج تغيير تجيب نفس المتور 1600 بتاع نفس الموديل عشان متخشش فى مشاكل كنترولات ومبروك وبلاش الجرى ده ربنا يستر طريقك السكك مليانه بهايم بتقطع طرق وتمشى عكس الاتجاه

[mohamedbook]

مش فاهم كلامك قوي يا أستاذ محمد
طالما العربية تمام و زي الفل و كما فهمت من كلامك انك عادي تمشي 140 كيلومتر في الساعه سرعه و ممكن تجيب 200 و لكن فيه صوت نعره في المحرك
لو فعلا زي مانا فهمت فوق فدي حاجه سهلة و صيانة بسيطة اننا نحدد العيب فين و نصلحه و احنا معاك نفيدك ان شاء الله ومن غير تسقيط ولا حاجه
لأن نصيحة من اخ :- متفكرش انك تسقط محركات في اي عربية إلا لو اضطررت لذلك لأن الموضوع فيه عكه كبيرة و صنايعية مصر ربنا يكرمهم أغلبهم فتايين و معندهمش ضمير إلا من رحم ربي
فأنصحك متفكرش في التسقيط غير لو لقيت ان مافيش طريق غير كده

منتظرك تعليقك علي كلامي عشان اعرف انا فهمت صح ولا غلط

انا اسف علي تاخيري في الرد علي حضرتك لان العربية فيها مشكلة في الكهربة وعطلت مني ان شاء الله هوديها لواحد متخصص عشان معكش كتير في حاجة
اما بالنسبه للموتور انا اعرف ان المشكلة ان الصوت العلي الي بيجي ده نتيجة احتكاك الكرانك مع جسم المحرك ده الي فهمتة المكانيكي قالي المكنة بتخبط
وانا من قراتئ في المنتدي عرفت ان تسقيط الموتور سهل مش صعب ولا حاجة ان شاء لله
هصرف علي العربية دي حوالي 10 الاف جنة وهتكون تمام ان شاء الله
وانا شاكر ليك اهتمامك ولو تقدر تفدني في حاجة جزاك الله خير بس للاسف انا مش بفهم في الميكانيكا خالص وكمان في السيارة بوجه عام يمكن مش عارف اوصلك الي فهمتة

[ehab_mansour]

انا اسف علي تاخيري في الرد علي حضرتك لان العربية فيها مشكلة في الكهربة وعطلت مني ان شاء الله هوديها لواحد متخصص عشان معكش كتير في حاجة
اما بالنسبه للموتور انا اعرف ان المشكلة ان الصوت العلي الي بيجي ده نتيجة احتكاك الكرانك مع جسم المحرك ده الي فهمتة المكانيكي قالي المكنة بتخبط
وانا من قراتئ في المنتدي عرفت ان تسقيط الموتور سهل مش صعب ولا حاجة ان شاء لله
هصرف علي العربية دي حوالي 10 الاف جنة وهتكون تمام ان شاء الله
وانا شاكر ليك اهتمامك ولو تقدر تفدني في حاجة جزاك الله خير بس للاسف انا مش بفهم في الميكانيكا خالص وكمان في السيارة بوجه عام يمكن مش عارف اوصلك الي فهمتة

ربنا معاك ... هو ايه عطل الكهرباء اللي حصل ؟
انا فقط عايز أفيدك و مش مقتنع بموضوع الاحتكاك ده لكن الله المستعان
ربنا يوفقك لما فيه الخير ولو احتجت اي مساعده احنا تحت أمرك اي وقت

[mohamedbook]

اكشف على المتور الاول ولو اكيد محتاج تغيير تجيب نفس المتور 1600 بتاع نفس الموديل عشان متخشش فى مشاكل كنترولات ومبروك وبلاش الجرى ده ربنا يستر طريقك السكك مليانه بهايم بتقطع طرق وتمشى عكس الاتجاه

ان شاء الله هجيب نفس الموتور وهقلبة غاز ان شاء الله عشان البنزين بقي حاجة شلل وربنا يسترها علينا جميعا
وشاكر لاهتمامك استاذ احمد

[Hussein_Ramdan]

ربنا معاك
ممكن اعرف حضرتك كشفت عليها فين ؟

[mohamedbook]

ربنا معاك
ممكن اعرف حضرتك كشفت عليها فين ؟

انا كشفت عليها عند مهندس هاني عصمت الي في جسر السويس خلف حديقة بدر بعد مزلقان القطار علي اليمين علطول اسمها الشركة الهندسية لصيانة السيارات
وهو تخصص في الفولكس والاودي وكمان الاسكوده والسيت
وفعلا طلعلي كل حاجة في السيارة

[TOOLA]

أبو حميد, الحمد لله على انتهاء مشاكلك و ان شاء الله متفتحش بقها تانى, بس الرحناله ده هانى سمير مش هانى عصمت, هانى عصمت ده قبل المزلقان على الشمال, لكن هانى سمير الرحناله هو البعد المزلقان على اليمين