موتور جولف 2 بفتيسه بالضفيرة كاربيتر 1600 يعمل كام

[khaabas]

موتور الجولف 2 1600 كاربيتر بعفشته يعمل كام أو نص ادامانى كامل جولف 2 كاربيرتير يعمل كام
وفين احسن وارخص الاماكن اللى ممكن اشترى منها وتكون ناس ثقة ومعاملتها محترمة
برجاء الرد

[alzelafy]

الموضوع دة عايز لفه من حضرتك فى الحرفيين

[walids]

خد بعضك وأنزل الحرفيين أو جسر السويس ... يأما بورسعيد!

[shfee]

3000 جنية

[mahmoud_anwar]

ياعم ايه الي يخليك تشتري ماتور 1600 وكربراتير كمان اشتري ال1800 بي بي علي الاقل انجكشن وقطع غيارة مرميه
لو عايز تشتري ماتور انزل فيصل وسيبك من الحرامين الي في الحرافين
انتا تنزل نزله فيصل مريوطيه وتقنك رايح علي شارع فيصل هتلقي علي ايدك الشمال واحد بتاع قطع غيار بي ام وفي الشارع بتاعه من جوة واحد بتاع قطع غيار جولف اسم المحل عباد الرحمن واسم صاحب المحل ايمن هتلقي الماتور بي الفتيس بي الضفيرة ميعملش 2000 او 3000 ماتجبهوش بي اكتر من كده

[Eyerule]

ياعم ايه الي يخليك تشتري ماتور 1600 وكربراتير كمان اشتري ال1800 بي بي علي الاقل انجكشن وقطع غيارة مرميه

1800 بي بي قطع غياره مش مرمية ولا حاجة!
انا قلبت الحرفيين و فيصل و بورسعيد على ضفيرة الانجكشن علشان اللي عندي كانت خلصانة و في الآخر قلبتها كربراتير بسبب الضفيرة و طلمبة البنزين و شوية قطع غيار كانت مش مختفية تماماً.
كنت عاوز اوضح النقطة دي بس .. اما الاسعار معنديش فكرة بس الموجود بكثرة الهاف انجكشن "كربراتير كهربا" 1400 او 1600 سي سي.

ربنا يوفقك.