لمتخصصين البولو من فضلكم بولو 95 احسن ولا 99

[ahmed_newwwww]

السلام عليكم ورحمه الله وبركاته
بعد تفكير وحيرة كبيرة بين كذا نوع من السيارات اخيرا قررت اشترى بولو
ولكن للاسف وقعت فى حيرة ثانية اشترى بولو 95 وهى طبعا 1300 سى سى بس كربراتير وهاف انجيكشن وتلاقى طبعا اللى يقولك البولو 95 دى الفوكس والمانى اصلى وتقفيل المانى بس للاسف سألت واحد من المشهورين اللى متخصصين فيهم قالى لا بلاش عشان الهاف انجيكشن بيعمل مشكله
والبولو ال99 انجيكشن بس 1000 سى سى وتقفيل برازيلى
واللى يقولك دى احلى واللى يقولك دى احلى خلاص احترت قدامى واحدة 95 كامله وحالتها شكلها كويس بس طبعا هروح اكشف عليها كمبيوتر قبل ما اشتريها
يا ريت حد يفيدنى برد صريح وواضح افادكم الله

[SYD]

اولا اهلا بحضرتك في منتدي نايل موتورز

العربية البولو عربية محترمة جدا جدا
وعلامة فولكس عليها تجب اي كلام عن بلد الصنع (الماني - برازيلي)
الموضوع دة بيفرق نوعا ما مع البيتل لكن مش مع البولو وانا شخصيا اول مرة اعرف الكلام دة

اما بالنسبة للمقارنة بينهم
علي حد علمي
البودي واحد تماما مع بعض الأختلافات الطفيفة في الفوانيس والأكصدامات وايريال الراديو
اعتقد الصالون والطابلوه مفيش فرق
اما بالنسبة للموتور فطبعا الموتور ال1000 افضل وللعلم ان الموتورين نفس العزم ونفس القدرة الحصانية
مع اختلاف الأستهلاك وتطور الموتور والحساسات
الموتور ال1000 هيديلك الأمكانية انك تعدل بسهولة للموتور ال1400 لا قدر الله في حالة وجود مشاكل بيه ومش بس بسهولة لا وكمان باقل التكلفة لأنك هتغير شورت بلوك فقط

هتستفاد بالتكنولوجيا الجديدة سواء في الموتور او في العربية زي المفتاح بالريموت والأيموبلايزر والعدادات الديجيتال والساعة الديجيتال

اتمني اكون افدتك بالمعلومات البسيطة دي
والرأي للخبراء

والله المستعان
،
،

[ahmed_newwwww]

متشكر اوى انك رديت عليه بس انا كنت معتقد ان 1300 افضل ومكنتش واخد بالى من حكاية المفتاح بالريموت ده وشكرا ليك

[ahmed_newwwww]

يا رب يكون فيه ردود اكثر عشان اقدر اقرر

[ahmed_newwwww]

لا اله الا الله

[SYD]

يا باشا اصبر شوية علي الناس

هنا القسم ممكن يردوا بعد يومين او 3

لا تتعجل

انصحك خدلك لفة في القسم وقلب في الموضوعات
سواء حد بيبيع البولو
سواء حد بيشتري بولو
حد بيسقط موتور
الصيانات
قطع الغيار الجديد والأستيراد

وخدلك لفة بردو في قسم سيات
وشوف الموضوعات المتعلقة بالتسقيط وقطع الغيار الأستيراد

عشان تتعرف اكتر علي العربية وعلي بتوع قطع الغيار والميكانيكية بتوعها

والله المستعان
،
،

[ahmed_newwwww]

والله مش عارف اشكرك ازاى على ردك الدائم عليه وانا والله اللى مخلينى مستعجل انى عايز اخد قرار فى العربية 95 اللى قدامى يا اما اصرف النظر عنها وادور على 99 وانا فعلا اقتنعت بردك عليه وكنت يوم ما كتبت ليه الرد رايح اكشف عليها كمبيوتر بس بعد ردك عليه قلت استنى لما اشوف وحده 99 احسن والله المستعان

[ahmed_newwwww]

مستنى ردودكم يا ريت تفيدونى

[Mahmoudyoussif]

طب ما انا عربيتي 95 1300 و فيها ايموبليزر عايز اعرف ايه الفرق فعلا

و هل مممكن احول ل 1400 16 صباب بتاع 2001 بسهوله

[ashoub]

هقول لحضرتك على حاجه 95 لى 99 ده المانى مين قالك برازيلى البرازيلى فى 2000 وبالنسبه الى قالك الهاف انجكشن فى مشاكل بالعكس تماما الهاف انجكشن مريح جدا انا معايا بولو 97 1300 وفيها ايمولايزر وكل حاجه تمام انت محتاج جرى وسفر هات 1300 مشاويرك هاديه وسواقتك هاديه هات 99 لان طبعا الفتيس 1000 غير الفتيس 1300 والعربيتين مفيش فرق بينهم غير الماتور بس انت لما تنوى تشترى هقولك على ميكانيكى وكهربائى الاتنين فى الحرفيين دول من احسن الناس الى تتعامل معاهم لان لو روحت لميكانيكى مش فولكس بيحب يفتى ويجرب وده نصيحه منى سيبك من الناس الى بتشتغل فى كل حاجه واى استفسار انا تحت امرك وبالنسبه للكشف كمبيوتر مش هيفيدك قوى اهم حاجه الشاسيه يكون سليم لان اغلبيه العربيات الى فى السوق متهانه وثانى حاجه متجبش عربيه ملعوب فى الضفيره بتاعتها يعنى ميكونش مسقط ماتور مش بتاعها مثلا وربنا يكرمك ان شاء الله

[SYD]

الصراحة انا اول مرة اعرف ان البولو 95 فيها ايموبلايزر

وبالتالي يبقي اوجه الأختلاف بين spi و mpi

شكرا عشوب علي المعلومة

والله المستعان
،
،

[ahmed_newwwww]

هقول لحضرتك على حاجه 95 لى 99 ده المانى مين قالك برازيلى البرازيلى فى 2000 وبالنسبه الى قالك الهاف انجكشن فى مشاكل بالعكس تماما الهاف انجكشن مريح جدا انا معايا بولو 97 1300 وفيها ايمولايزر وكل حاجه تمام انت محتاج جرى وسفر هات 1300 مشاويرك هاديه وسواقتك هاديه هات 99 لان طبعا الفتيس 1000 غير الفتيس 1300 والعربيتين مفيش فرق بينهم غير الماتور بس انت لما تنوى تشترى هقولك على ميكانيكى وكهربائى الاتنين فى الحرفيين دول من احسن الناس الى تتعامل معاهم لان لو روحت لميكانيكى مش فولكس بيحب يفتى ويجرب وده نصيحه منى سيبك من الناس الى بتشتغل فى كل حاجه واى استفسار انا تحت امرك وبالنسبه للكشف كمبيوتر مش هيفيدك قوى اهم حاجه الشاسيه يكون سليم لان اغلبيه العربيات الى فى السوق متهانه وثانى حاجه متجبش عربيه ملعوب فى الضفيره بتاعتها يعنى ميكونش مسقط ماتور مش بتاعها مثلا وربنا يكرمك ان شاء الله

اولا شكرا لاهتمامك وردك عليه بس كنت عايز اسألك عن البولو 2001 لانى وانا بدور وقعت واحدة قدامى فعجبتنى اوى بصراحه شكلها تحفه ودورت فى المنتدى ملقتش حد بيشتكى منها وانا عرفت انها بتتقفل فى البرازيل فهل دى مشكله وهل فيها مشاكل ثانية هى طبعا احدث بس يا ريت تقولى اه احسن كمان انت قلت ان كشف الكمبيوتر مش هيفيدك معلش قصدك ايه لانى سمعت من ناس كثير ان اهم حاجه نكشف على العربية كمبيوتر لان ده بيبين الحاجات اللى الميكانيكى مش بيعرف يشوفها وللاسف انا فى اسكندرية بس لو تعرف ميكانيكى او كهربائى فى اسكندرية كويس يا ريت تقولى وكنت عايز اعرف ان الشاسيه يكون سليم يعنى ميكونش فيه اه لان احنا بنتكلم على مستعمل يعنى ممكن القى خبطه او اى حاجه فلحد ايه ممكن اشترى وشكرا للمره الثانية ومنتظر ردك

[amirgomaa]

السلام عليكم
انا فى عربية بولو موديل 98 معروضة عليا للبيع ب 29 الف جنية فيها شوية برومة بسيطة وعايزة تترش وش نضافة من برة وانا معرفش اى حاجة عن اسعار قطع غيار العربية وهل العربية دى كويسة ولا لاء واية العيوب اللى مومكن القيها فالموديل دة برجاء انكم تفيدونى بردودكم

[hanyalashkr]

افيدك يا استاذ احمد لو قولتلك ان البولو عربيه اكتر من رائعه .. اولا 99 مش تقفيل برازيلى دى تقفيل اسبانى .. البولو زى اى عربيه من مجموعه فولكس تمتاز بالدقه الشديده فى تناسق عمل اجزائها و بالتالى فان اصعب شىء فىيها هو العنايه الفائقه و المستمره و الصيانه الدوريه لتظل متمتعا بأدئها الممتاز و بالرغم من اهمال البعض للعنايه الا انها مش بتقصر و بتدى افضل اداء حتى اخر نفس .. يعنى لو بتفكر فى البولو هاتستريح من جهه الأداء و الأمان و لكن فى المقابل هاتواجه بعض التعب فى المتابعه و الصيانه الدوريه .. لكن اذا تابعت السياره جيدا و لا تترك عيوب او مشاكل تتراكم على بعضها ستفوز بسياره ممتازه

بالنسبهخ لموضوع الكشف على السياره فده اصعب شىء و اهم شىء و على اساسه اما هاتعيش تجربه سعيده مع العربيه او ايام سوده تتمنى ان تتخلص فيها من السياره و لو دفعت عليها فلوس

1- الكشف على الشاسيه و البودى .. لازم ترفع العربيه فى اى مركز صيانه و تتفصحها من اسفل بشكل دقيق انك تقف مره تحت صدر العربيه و هى مرفوعه فى المنتصف تمام و تبدى تتقارن النصف اليمين باليسار .. العربيه تتاز بالسيميتريه يعنى تتطابق النصفين يمين و يسار و بالتالى اذا كان فيه اى مشكله هاتبان من اختلاف الابعاد و هاتعمل ده مره كمان انك تقف تقريبا فى نص السياره من اسفل و هى مرفوعه وتنظر مره للأمام فى اتجاه الموتور و مره للخلف فى اتجاه الشكمان و برضه تقارن سيميتريه و تناسق اليمين و اليسار
طبعا مع ملاحظه اى اعوجاج او شكل غير منتظم و مش معنى كده ان العربيه لازم تبقى فابريقه طالعه من المصنع لبان ده نادر جدا .. لكن القصد انها تكون حاجات خفيفه و بسيطه
طبعا من المهم ملاحظه عتب السياره و هو الجزء اسفل ابواب السياره و بيكون ظاهر اكتر من اسفل عند رفعها و يجب ان تستخدم ايدك جيدا فى فحصه هل فيه صدأ و بارومه هل فيه لحامات او معجون و كل ده بيكون واضح او موجود و مغطى و برضه بيبان .. طبعا لازم تشيل جرايد القوائم عند الابواب و تعاينها هل بها اثار استعدال او معجون و ايضا ابحث عن الصدأ و البارومه فى شنطه السياره تحت الاستبن و اطراف الشنطه نفسها و مراجعه الصالون و التابلوه و الزراير و خلافه مش هاقولك لازم كله يكون سليم بس فيه حاجات عدم وجودها دليل على اهمال و بعضها نادر و صعب استبداله و شرائه لكن فى النهايه اذا كان غير موجود قد لا يعيب السياره و لكنه سبب كافى لخصم مبلغ من ثمنها
2- الفحص الميكانيكى ............. الفحص الميكانيكى للموتور و الفتيس و خلافه و الحساسات و انظمه التبريد و الفرامل .. الخ الافضل يكون اولا بالتجربه العمليه ثم الكشف بالكمبيوتر ةو مقارنه نتيجه الأداء العملى بكشف الكمبيوتر و ملاحظه العادم و تشغيل السياره و اطفائها اكثر من مره و متابعه رد الفعل و الاستجابه


لا توجد سيارة فى مصر خاصة على حالها منذ شرائها الا فى حالات نادرة جدا جدا و لذلك لا تدع احد يضحك عليك بأخبارك ان السياره على حالتها و فابريقه .. هذا وهم و فى نفس الوقت ليس عيبا فمن الطبيعى ان يتم تغيير و اصلاح و صيانه اى سياره تمشى على الطكرق فما بالك بطرق مصري .. و لكن لابد من عمل حساب كل قطعه ناقصه او معطله او معيوبه فى التفاوض على سعر افضل و لا يجب ان يكون حجتك هى انك ستضطر تشتريها او تصلحها بمبلغ و قدره كذا .. بل ان حالة السياره على هذا الوضع تساوى كذا

اتمنى ان اكون افدتك ..

[mohamedabdelmo]

السيد/SYD
انتهز فرصة وجودك ولى استفسار عاجل
املك بولو 1999 ومنذ يومين لاحظت اختفاء ماء قربة الردياتير - فذهبت للميكانيكى فلاحظ بعد رفع الجوان نقر فى الجزأالسفلى من الموتور ولعلك تعرف انه من الالمونيوم فقال انه لاعلاج له الا باخر فعرض على البحث عن هذا الجزأ والخاص ب بولو1400 سى سى لانه من الحديد الزهر ولا يسبب مشاكل الالمونيوم لمطابقتة لجميع اجزاء السياره - ما راى حضرتك- ارجو الرد للاهمية