باسات 2008

[Hussein_Ramdan]

انبارح كان معروض عليا بسات 2008 وكانت عاملة 24 الف كيلو
الصراحة هى كانت لقطة بس السعر الرجال كان بيستعبط شوية كان ماسك فى 154 الف
والمشكلة كمان هى بيز لين
هل السعر دة يستاهل ولاة لاء
عايز اعرف مكان كويس اعرف اكشف فى على العربية غير التوكيل عشان لما بحجز فى التوكيل بيقولو كمان خمس ايام بعد الحجز
وبردو هروح التوكيل اشوف الهسترى بتاعها والصيانات

[Hussein_Ramdan]

15 مشاهدة
مفيش رد واحد اية ياجدعان احنا فى صحرا ولاة اية

[hany63]

ياباشا امسك فيها بأيدك و سنانك و اكشف في التوكيل و روح من غير ميعاد و غلس عليهم و شوف اخر مره دخلت امتى و كانت عامله كام عشان تتأكد من العداد و بالنسبه انها بيز لاين هتعمل الاتي:
1-طقم جنوط سبور ب 3500 جنيه عشلن الطاسات عره
2-بلوتوث
3-طاره vw سبور من الحرفيين بالشيفت و بيتكود و بيشتغل
ومبروك مقدما و لو ما اخدتهاش انا مستعد

[Hussein_Ramdan]

هى ياباشا فيها جنوط
انا وصلت معا الراجل الى 150 الف بس الراجل بيلعبنى بقالو كام يوم بمطوح فيا اظاهر بيدور على اعلى سعر فهيا
شكرا ياباشا على ردك الجميل
هى عاملة 24700
هو بيقول عمل صيانة ال 25 فى التوكيل

[hany63]

حلو السعر بالنسبه انها تعتبر كسر زيرو بس حضرتك لازم تحسم الموضوع و متسمحش ليه يمطوحك و تبلغه بأنك في حالة انه ماخلصش معاك في نفس اليوم انك هتصرف نظر نهائي و لازم كشف التوكيل عشان تتحط على جهاز الاعطال و يتكشف عليها لتكون لاقدر الله عامله حادثه و بالتوفيق

[minicooper20]

انكل على الله و نفذ
150 كويس

[memo823000]

دووووووووووووووس
بس اكشف فى التوكيل كويس جدا جدا ولو مكشفتش فى التوكيل متشتريش
الحاجه الاهم لو مش المانى المانى برده متشتريش برده
انا والدى معاه الباسات الالمانى - خليجى وكان جايبها كسر زيرو كانت عامله 30 الف 2008 ومعاه لحد النهارده وعامله 165 الف كيلو وماشاء الله كانه لسه شاريها وعربيه بسم الله ماشاء الله لو فضلت اوصفلك مش هخلص ركوبه ركوبه وكراسى جلد على ابوها وجنوط 17 على 235 يعنى عرض وهم والعربيه فيها 8 اير باج وزينون اصلى وفتحة سقف والابانوس على الطاره والتبلوه والفتيس - تسخين كراسى - وطبعا abs - ebd - esp ومرايات ضم وتعتيم فى المرايا كلها وحساسا ركن من الابع اتجاهات والكنبه بتتقفل تلتين وتلت ستاير كهربا - مفتاح start stop engine -وكمان مكنة رفع للزجاج من الريموت و كمبيوتر رحلات واعطال كامل ومقياس درجة حرارة المكان - غير الوسع الرهيب والراحة والبرستيج العالى - فتيس ستيب ترونك 6 سرعات والطاره مالتى فانكشن وكاسيت سى دى محترم ومعاه ساوند سيستك 8 سماعات وطبعا الكشافات الاماميه عدسات بتتحرك لاربع اتجاهات
لو تعرف توقع واحده خليجى هاى لاين المانى زى اللى مع ابويه موديل 2008 وعامله كيلو متر قليل ومشعامله حوادث ومشمشكله لو كانت رشه باب ولا اكصدام وتكشف عليها فى التوكيل يبقى متعت نفسك بعربيه لمده 6 او 7 سنين على الاقل لان العربيات دلا مشبيبان عليها عجز مش زى اليابانى والكورى
لو مقدرتش وشايف ان اللى مع الراجل كويسه يبقى صلى استخاره وتوكل على الله

[lanos2004]

هيه عربيه جميله فعلا بس خلى بالك اخرها 195 كيلو وطلعتها بطيئه غير كدة كله تمام وقتها كان سعرها تقريبا 225 الف عند اوتو ميشو

[mody3on]

هيه عربيه جميله فعلا بس خلى بالك اخرها 195 كيلو وطلعتها بطيئه غير كدة كله تمام وقتها كان سعرها تقريبا 225 الف عند اوتو ميشو

هو في طريق الواحد يمشي فيه اكتر من 195 كيلو في مصر ؟ ( ده لو افترضنا انك مفروض تمشي على 200 كيلو مثلا او انها عربية سباق وكده )

[lanos2004]

هو في طريق الواحد يمشي فيه اكتر من 195 كيلو في مصر ؟ ( ده لو افترضنا انك مفروض تمشي على 200 كيلو مثلا او انها عربية سباق وكده )

الدائرى والمحور يعد الساعه 2 والصحراوى والسخنه امشى بالسرعه الى تقدر عليها --عندنا باسات هاى لين 2008 ومشيت بيها زراعى 190 بعد س 2 العربيه دى ثبات وفرامل جبارة قول عليهامرسيدس

[mina2210]

اتاكد من العداد ولو تمام اتكل غلي الله