مشاكل الفتيس الجديد

[manger2009]

هل تم حل مشاكل الفتيس الجديد dsg بالنسبة لل passat وال jeta فى التوكيل حتى الان ولا لسة فى مراحل تجاربة وتغيير الsoft وهكذ ارجو الافادة ممن هو متاكد من الحل النهائى بدون مشاكل وشكرا

[mohamedkordy]

لسا

[Hussein_Ramdan]

حرام والله عربيتين جمال زاى دول يظلمو الظلم دة
وكمان يعنى عكوها من كل ناحية الشكل الجديد مش حلو وكمان موضوع الفتيس انا مش عارف في اية الناس دى من كتر غرورهم اتجننو
فاكرين الناس اول ما تشوف الماركة بتاعتهم على العربية هيشتروها من غير مايبوصو على العربية ولاة الامكانيات والاة السعر

[hany63]

انا كنت في المعرض الجمعه اللي فاتت وانا بتفرج على الباسات cc كنت بدردش مع مسئول المبيعات وبسأله عن مشاكل الفتيس وصلت لحد فين اكد لي ان المشاكل موجوده في موديلات 2011 و عندهم امل الوضع يتحسن في موديلات 2012 قمت ضحكت و قلت ماهو تقريبا ماحدش اشتري السنه دي من سمعة الفتيس
ده فيه اعلان على الوسيط واحد عامله لجيتا الشكل الجديد2012 بجواب المرور يعني من الاخر بعد الاستلام ما استحملهاش مشوار واحد
ويامية خساره على vw في مصر

[mohamedkordy]

انا كنت في المعرض الجمعه اللي فاتت وانا بتفرج على الباسات cc كنت بدردش مع مسئول المبيعات وبسأله عن مشاكل الفتيس وصلت لحد فين اكد لي ان المشاكل موجوده في موديلات 2011 و عندهم امل الوضع يتحسن في موديلات 2012 قمت ضحكت و قلت ماهو تقريبا ماحدش اشتري السنه دي من سمعة الفتيس
ده فيه اعلان على الوسيط واحد عامله لجيتا الشكل الجديد2012 بجواب المرور يعني من الاخر بعد الاستلام ما استحملهاش مشوار واحد
ويامية خساره على vw في مصر

مش اوى كدا يابرنس بعد ٢٠٠٠٠ كيلو بتبان

[hany63]

مش اوى كدا يابرنس بعد ٢٠٠٠٠ كيلو بتبان

كلامك ينطبق على العربيات السليمه طب ايه رأيك ان كان فيه عربيات زيرو خليجي من غير نمر لسه بالورق اللي على الكبوت و الشنطه رايحه التوكيل على ونش بسبب ان الفتيس قاطع وده طبعا خلى كل تجار الخليجي يبطلوا يجيبوها

[mohamedkordy]

كلامك ينطبق على العربيات السليمه طب ايه رأيك ان كان فيه عربيات زيرو خليجي من غير نمر لسه بالورق اللي على الكبوت و الشنطه رايحه التوكيل على ونش بسبب ان الفتيس قاطع وده طبعا خلى كل تجار الخليجي يبطلوا يجيبوها

اوبا دانا ابن عمتى حجز جولف ٦ الحق اقولو بقا يصرف نظر عنها الغريب ان احنا دوخنا على جولف ٦ فى كل معارض القاهره ملقينهاش وحجزنا الدفعه الجديده الى حتيجى كمان شهر

[hany63]

اوبا دانا ابن عمتى حجز جولف ٦ الحق اقولو بقا يصرف نظر عنها الغريب ان احنا دوخنا على جولف ٦ فى كل معارض القاهره ملقينهاش وحجزنا الدفعه الجديده الى حتيجى كمان شهر

لو بتحبه قول له بلاش و هتلاقي 3 مواضيع للجولف لوحدها بتتكلم عن مشاكل الفتيس و الناس باعت العربيات زيرو تقريبا و خسرت دم قلبها
وياريت تقرا الموضوع المثبت بتاع اخونا استاذ فرحات فتيس dsg حقائق و معلومات و الردود بتاعتي

[mohamedkordy]

لو بتحبه قول له بلاش و هتلاقي 3 مواضيع للجولف لوحدها بتتكلم عن مشاكل الفتيس و الناس باعت العربيات زيرو تقريبا و خسرت دم قلبها
وياريت تقرا الموضوع المثبت بتاع اخونا استاذ فرحات فتيس dsg حقائق و معلومات و الردود بتاعتي

امال الراجل يجيب ايه يا جدعان هوا عايز حاجه المانى حلوه وصغيره يعنى مع استبعاد الفانتازيا كده ملوش حل غير فوكس

[inspiron]

وتبقي الفانتازيا هي الأفضل :)

[mody3on]

كده ملوش حل غير فوكس

بس كده

[inspiron]

امال الراجل يجيب ايه يا جدعان هوا عايز حاجه المانى حلوه وصغيره يعنى مع استبعاد الفانتازيا كده ملوش حل غير فوكس

أستبعاد الفانتازيا !!!! إذا كانت الفانتازيا كده هي أحسنهم أكيد...يبقي ليه إستبعادها؟

[mohamedkordy]

أستبعاد الفانتازيا !!!! إذا كانت الفانتازيا كده هي أحسنهم أكيد...يبقي ليه إستبعادها؟

اكيد عربيه. حلوه بس انا بقول هوا عايز عربيه صغيره

[KHALED AYMAN]

كورسا ..تحفه فى البانورما و الجنط ال 17
لو عاوز حاجه صغيره
عاوز اكبر يبقى استرا تيربو ..دلوقتى ب 214 سعر توكيل و تسليم فورى
بس اوعى تنسى انه توكيل زفت

[hany63]

للاسف الشديد اللي يجيب vw يبقى ضحى بصحته وده من الضغط و السكر اللي هيجيله بعد الشر
سيبك من الفلوس اهى بتتعوض انما الصحه لو راحت
لسه النهارده عربية مرات صاحبي جيتا 2010 اتغير لها ميكاترونيك و بعد شهرين طقم كلتش و برضه العربيه بترعش و زفت
فضلوا يمطوحوا فيهم لمدة 3 شهور لحد الضمان ما خلص و الوش التاني ظهر و مش عارفين هترسى على ايه ملحوظه العربيه عامله 26500 كم