محتار جدا بين الجولف والجيتا 2012 رجاء النصيحة

[dr_hitman]

انا محتار يا جماعة بين الجولف والجيتا 2012
اولا الجولف 1600 والجيتا 1400 tsi !!
الجيتا الجديدة حلوة جدا بس الماتور هو اللي مخوفني جدا !
وانا برضو نفسي اعرف مين الاحسن في الاوبشن والثبات وكده
اشتري ايه رجاء النصيحة مع العلم اني بحب العربيتين جدا ومش فارق معايا الحجم والاتساع

[S O P H O S]

لو شاب ولوحدك هات الجولف واستمتع اكتر
لو اسرة هات الجيتا ومتتوقعش انها ضعيفة
مجري راي
تقبل مروري

[A7med7sn]

انا كنت محتار زيك بالظبط بس الحمد لله اخيرا جبت جولف 2012 ، العربيه جميله فيها options مش موجوده فى الجيتا الجديده ولا حتى الفئه الثانيه التى تزيد عن الجولف ب 22000 و كمان الجولف تقفيل المانى اما الجيتا تقفيل مكسيكى كمان الجولف بنزين 92 اما الجيتا 95 لأنها تيربو بس فى التوكيل بيقولك ممكن تحط 92 بس مش هتديك نفس الاداء بس انا الصراحه مش مقتنع ، لأن جميع السيارات التيربو 95 ، انا لحد دلوقتى مشوفتش اداء الجيتا بس اظن هيبقى افضل من الجولف بفضل التيربو طبعا ، و طبعا القرار فى الاخر يرجعلك

[dr_hitman]

طب بما انك معاك جولف انا عايز اجيب تاني فئة اللي ب 185,000
ايه الفرق بينها وبين الفئة الاعلى ؟؟
انا تقريبا اقنعت بالجولف خلاص وربنا يسهل

[cameeron]

ياعم بلاش تتغرز نفسك فى العربية ام فتيس وحش ده نصيحة شوف ماركة غير فولكس و سيات لان كل عربياتهم نفس الفتيس اللى بيبوظ بسرعة ده و سعره 70 الف جنيه

[A7med7sn]

الجولف فئتين بس واحده بـ 176000 و التانيه بـ 205000 و انا شايف ان اللى يخليك تدفع 205 نحطهم فى عربيه احسن ، و كمان 176000 فيها options كتيره زى المالتى فنكشن و كاسيت تاتش ( موجود فى اعلى فئه فى الباسات و الجيتا ) كمبيوتر رحلات و باقى الكماليات المعروفه ، الفرق بين 176 والـ 205 الجنوط و الكشافات الاماميه زينون و فتحه السقف و بارك سينسور و اظن انك لو اضافت الحاجات دى هتبقى برضو ارخص و بالنسبه للفتيس ، عيوب الفتيس كانت فى الفتيس القديم اللى موجود فى جيتا و جولف2011 بس هما عدلو جميع موديلات 2012 للفتيس الجديد اللى شغال فى الباسات الجديده بقالو اكتر من سنه و محدش اشتكى منه ، و الفتيس شغال معايا كويس الحمدلله مفهوش مشاكل

[AMRPEGAS]

الجيتا شكل جديد وموتور بقوة 160 حصان

[dr_hitman]

الف شكر يا جماعة علي النصيحة
بس هو اللي لازم اتاكد منه ان مشاكل الفتيس اتحلت
انا مش هدفع 200 الف فى عربية هتبوظ مني !!

[Falcon.Crest]

الف شكر يا جماعة علي النصيحة
بس هو اللي لازم اتاكد منه ان مشاكل الفتيس اتحلت
انا مش هدفع 200 الف فى عربية هتبوظ مني !!

بص حضرتك انا كان معاي جولف 2011 هاي لاين
الفتيس باظ بعد 2000 كم
الان بدلتها بي اودي a3 sport back 2012
الوكيل اداني جيتا 2010 لغايه مع العربيه الجديده تيجي
الحقيقه الفتيس مش فيه اي مشاكل العربيه معاي بقلها شهرين بسوقها في كل الاوقات زحمه و غيره
وبعاملها وحش علشان اجيب اخرها بس الفتيس كويس حتي النتشات الي كانت في الجولف مش موجوده
من التوكيل بقه
خليك في الجيتا او الباسات 2012
بلاش جولف لان حتي 2012 لسه الفتيس فيه نفس النتشه
هما مش عارفين ليه
تجياتي

[mody3on]

خايف من موتور الجيتا ؟
الجيتا موتور تربو tsi بيطلع 122 حصان عند 5000 لفة
الجولف موتور عادي 101 حصان عند 5600 لفة
مين اللي ضعيف فيهم ؟
ده غير ان الجيتا شكل جديد
في رايي اوعى تجيب الجولف ال 1.6 , متجيبش جولف الا لو نزلوها بموتور الجيتا