إعـــــــلان

Collapse

.

,
See more
See less

عربيتى البولو مش بتدور خالص بالله عليكم فيدونى

Collapse
X
 
  • Filter
  • الوقت
  • Show
Clear All
new posts

  • عربيتى البولو مش بتدور خالص بالله عليكم فيدونى

    السلام عليكم من فضلكم تفيدونى
    عندى بولو 2001 لسه شاريها من شهر كانت ماشيه كويس وقبل ما اشتريها كشفت عليها كمبيوتر وكان الكشف تمام المهم كان فيها مشكله فى السنتر والزجاج والانذار فودتها عند كهربائى ضبطهم وشغلهم وفك الدبرياش وعملى فيه صيانه وبعد ما طلعت بيها من عنده وقفت ومردتش تدور ابدا المهم زقتها وركنتها وبعدين رجعت دورتها دارت واتصلت بى قلت له وقفت قالى جيبهالى روحت الصبح اودهاله الانذار علق وفضل صوت الانذار شغال لحد ما وصلتله المهم اشتغل فيها وفك الدبرياش وعمله ثانى وقالى حوار كده ان فى سلك كان فاكك وربطه واحمد ربنا ومتكلمش فى الخمسين جنيه الجداد غير اللى خده قبل كده المهم دفعت وطلعت من عنده وقفت ثانى والمره دى مش راضيه تدور ابدا المهم اتصلت بيه بعث واحد من عنده بص على الكهربا وقالى شغاله وانها عايزه ميكانيكى شوفت كهربائى ثانى شافها وقالى ان الكهرباء شغاله بس الدبرياش عايز يتضبط المهم زقتها وودتها لميكانيكى فتحها وقعد يدور على السبب بس تقريبا معرفش لانه خلانى اشترى حساس وبعد ما ركبه لقى ان العيب برده مش منه وقالى انه شحن البطارية لانها كانت محتاجه شحن المهم انا مستنى بكره عشان قالى ان جاى له كمبيوتر عمومى هيعرف منه العيب فين فكنت عايز اعرف هل الميكانيكى ده كده فاشل بلاش اخلى يكمل فى العربية وبعدين ممكن يكون ايه اللى موقفها ثانى حاجه اديله كام لانى اديته خمسين جنيه وهومعملش حاجه ولا دورها قالى الخمسين جنيه دى ليه ولا للكهربائى الى عندى اللى خلاه يشوف العربية مع انى جيبهاله عشان ميكانيكى وقلت له انى وديتها لكهربائى وقالى ان الكهرباء شغاله انا من اسكندرية تنصحونى اعمل ايه مش عارف اوديها لحد متخصص عشان مش بتدور وانا قريب من محمد نجيب

  • #2
    مش عارف ليه انا حاسس انها مشكله بطاريه او دينامو من الاعراض التى ذكرتها دى . ما تدور على كهربائى بيفهم بجد يبصلك عليهم و يقولك ايه اخبارهم و على فكره هو تقريبا عرف كده انك لما تشترى عربيه مستعمله غالبا بتغير البطاريه و الكاوتش كمان لو ماشى كتير

    Comment


    • #3
      يا أخي الفاضل العربيات الألماني ليها ناس متخصصة فيها و بتفهم فيها فحضرتك مترحش بيها لأي ميكانيكي او اي كهربائي لأنهم هيعكو الدنيا و مش هيحلو مشكلتك حضرتك تدور علي ورشة متخصصة في صيانة فولكس عندك في اسكندرية و هناك هتتحل مشكلتك ان شاء الله لأن العربيات دي مش اي حد يعرف يشتغل فيها

      ثانيا موضوع انها مبتدرش دي ليها أسباب كتير محتاجه انك تعرف مبدأ اساسي لأي عربية في الدنيا عشان تدور لازم يجتمع وجود ثلاث حاجات ( كهرباء + بنزين + هواء ) يبقي حضرتك
      اولا تفتح كنتاك و تشوف هل فيه بنزين بيصل للمحرك ولا لأ و لو موجود تبقي طلمة البنزين سليمة و الفلتر نضيف ولو مش موجود يبقي تشوف العيب فين طلمبة ولا فلتر مسدود
      ثانيا تشوف هل فيه اشارة كهرباء بتصل للبوجيهات ولا لأ و دي بيختبرها اي ميكانيكي بسهولة ولو مش موجوده يبقي العيب في الموبينة بالأسبراتير الالكتروني عندك
      ثالثا شوف بوابة الحقن لما تفتح كونتاكت بتسمع صوتها بيفتح ولا لأ لو شغالة يبقي كده الهواء موجود
      رابعا تراجع علي كل فيش الحساسات و وصلات الكهرباء في العربية

      لو متعرفش تعمل الحاجات دي يبقي توديها لحد متخصص فولكس و هتتحل المشكلة ان شاء الله
      الله الموفق
      م / إيهاب منصور
      SEAT CORDOBA 2002 1.0 16V AVZ

      Comment

      Working...
      X