نداء الى كل البيتلزاوية افيدونى

[wael61]

انا قررت اشترى محبوبتى الفولكس بيتلز بس انا عايز مواصفاتها كالتالى

[sor2]http://www13.0zz0.com/2012/04/25/14/669788005.gif[/sor2]

1600 cc
انا محتار انهى احسن 1300 - 1302 - 1303
برضو محتار البرازيلى ولا الالمانى
كمان يايت تنصحونى بالموديل من سنة كذا الى كذا ولو انى افضل من 1972 الى فوق
خلى بالكم بعد ما هاخدها همشى بيها 450 كم
كمان انا محتار هل اخدها مركونة واشدها لانى ناوى اعملها لونين ولا اجيبها مشدودة من الاول
وافحصها فين
وسعرها كام

وفقكم الله وجعلة فى ميزان حسناتكم

[Land_Cruiser]

من الاخر دور على 1303 المانى موديل ٧٣ اللى هى بتابلوه و زجاج بومبيه و تكون حالتها نضيفه و الموديل ده تحفه او ممكن لو ملقتش حاجه عجبتك تشوف مو ٧٤ ل ٧٦ بس انا ارشحلك موديل ٧٣ تحديدا و شكلها مميز فهى اكبر من البرازيلى و كبوتها أطول. بس لازم و انت بتشترى تاخد معاك ميكانيكى امين علشان يبص على الرقبه و حاله الموتور و كمان يتأكد ان مفيهاش بارومه و على فكره لو حاله الموتور كويسه تقدر تقفل عدادها سواء كانت ١٣٠٠ او ١٦٠٠ و ال ١٣٠٠ اكيد استهلاكها للبنزين اقل و هى لى الوان مميزه زى البرتقالى و الاصفر و السماوى ممكن لو مرشوشه كويس ما تحتاجش تعملها لونين و لا حاجه

[Land_Cruiser]

الافضل تكون مشدوده علشان ما تعدش تصرف عليها كل شويه و تقعد عند الصنايعيه علشان يخلصوا و خللى بالك هى قطع غيارها بالاضافه للميكانيكيه اللى بيشتغلوا فيها مخصوصين يعنى مش اى بتاع قطع غيار او ميكانيكى يقدر يشتغل فيها لكن ممكن الكهربائى يفهم فيها عادى و قطع الغيار بتاعتها معمره على فكره و طول ما انت بتحافظ عليها هتفضل ماشيه بيك كويس و طبعا هى تبريد هواء مفيهاش رادياتير و بساطتها دى بتقلل مشاكلها يعنى لا سير كاتينه اتقطع و لا الحاجات دى خالص اخرها لو سلك الدبرياج و لا البنزين يتقطع و برضه تقدر تمشيها من غيرهم. كل اللى فيها من الاخر ان الكهرباء و طقم الكهرباء يبقوا كويسين و زيت الموتور تخللى بالك انه ما ينقصش و يتغير بانتظام و تغسل الكاربيراتير كل فتره بالبنزين و هتلاقيها زى الفل معاك ان شاء الله و هى استهلاكها للبنزين ممتاز لو الكاربيراتير مضبوط يعنى اللتر يمشيك. ١٣ او ١٤ كم جوه البلد لو الموتور ١٣٠٠. و ١٠ كم مثلا لو ١٦٠٠

[wael61]

من الاخر دور على 1303 المانى موديل ٧٣ اللى هى بتابلوه و زجاج بومبيه و تكون حالتها نضيفه و الموديل ده تحفه او ممكن لو ملقتش حاجه عجبتك تشوف مو ٧٤ ل ٧٦ بس انا ارشحلك موديل ٧٣ تحديدا و شكلها مميز فهى اكبر من البرازيلى و كبوتها أطول. بس لازم و انت بتشترى تاخد معاك ميكانيكى امين علشان يبص على الرقبه و حاله الموتور و كمان يتأكد ان مفيهاش بارومه و على فكره لو حاله الموتور كويسه تقدر تقفل عدادها سواء كانت ١٣٠٠ او ١٦٠٠ و ال ١٣٠٠ اكيد استهلاكها للبنزين اقل و هى لى الوان مميزه زى البرتقالى و الاصفر و السماوى ممكن لو مرشوشه كويس ما تحتاجش تعملها لونين و لا حاجه

الافضل تكون مشدوده علشان ما تعدش تصرف عليها كل شويه و تقعد عند الصنايعيه علشان يخلصوا و خللى بالك هى قطع غيارها بالاضافه للميكانيكيه اللى بيشتغلوا فيها مخصوصين يعنى مش اى بتاع قطع غيار او ميكانيكى يقدر يشتغل فيها لكن ممكن الكهربائى يفهم فيها عادى و قطع الغيار بتاعتها معمره على فكره و طول ما انت بتحافظ عليها هتفضل ماشيه بيك كويس و طبعا هى تبريد هواء مفيهاش رادياتير و بساطتها دى بتقلل مشاكلها يعنى لا سير كاتينه اتقطع و لا الحاجات دى خالص اخرها لو سلك الدبرياج و لا البنزين يتقطع و برضه تقدر تمشيها من غيرهم. كل اللى فيها من الاخر ان الكهرباء و طقم الكهرباء يبقوا كويسين و زيت الموتور تخللى بالك انه ما ينقصش و يتغير بانتظام و تغسل الكاربيراتير كل فتره بالبنزين و هتلاقيها زى الفل معاك ان شاء الله و هى استهلاكها للبنزين ممتاز لو الكاربيراتير مضبوط يعنى اللتر يمشيك. ١٣ او ١٤ كم جوه البلد لو الموتور ١٣٠٠. و ١٠ كم مثلا لو ١٦٠٠

واشكر لك كل المعلومات الطيبة التى افدتنى بها

[Land_Cruiser]

العفو و تحت أمرك فى اى استفسار يا باشا

[zaynabawad]

عن تجربة تجيبها حالتها كويسة ولو اغلي من المعدل بس بصدق هتترحم من وجع القلب مع الصنايعية والمعدل بتاع الحالة المحترمة من 12 لحد 15 ده عن تجربتي في البحث والشرا والحمدلله ربنا اكرمني بواحدة 79 وكتير بيقولوي اتغلبتي فيها عشان خدتها ب 13و نص بس انا بقولهم اه اتغلبت بس بمزاجي لأني ماشية بمبدأ هين قرشك وكمان الغالي هو الرخيص وربنا يوفقك

[wael61]

عن تجربة تجيبها حالتها كويسة ولو اغلي من المعدل بس بصدق هتترحم من وجع القلب مع الصنايعية والمعدل بتاع الحالة المحترمة من 12 لحد 15 ده عن تجربتي في البحث والشرا والحمدلله ربنا اكرمني بواحدة 79 وكتير بيقولوي اتغلبتي فيها عشان خدتها ب 13و نص بس انا بقولهم اه اتغلبت بس بمزاجي لأني ماشية بمبدأ هين قرشك وكمان الغالي هو الرخيص وربنا يوفقك

اولا الف مليون مبروك على العربية ورنا يسعدك بيها
ثانياً اشكر مرورك الكريم على موضوعى
ثالثاً ارجو انك تحكيلنا عن انطباعاتك عنها فى سواقتها وسرعتها وكم المشاوير اللى بتقضيها بيها وهل انتى ندمانة انك جبتى بيتلزز ولا طاية بييها ولا يمكن تبدليها

[smsmxxxxxx]

الافضل تكون مشدوده علشان ما تعدش تصرف عليها كل شويه و تقعد عند الصنايعيه علشان يخلصوا و خللى بالك هى قطع غيارها بالاضافه للميكانيكيه اللى بيشتغلوا فيها مخصوصين يعنى مش اى بتاع قطع غيار او ميكانيكى يقدر يشتغل فيها لكن ممكن الكهربائى يفهم فيها عادى و قطع الغيار بتاعتها معمره على فكره و طول ما انت بتحافظ عليها هتفضل ماشيه بيك كويس و طبعا هى تبريد هواء مفيهاش رادياتير و بساطتها دى بتقلل مشاكلها يعنى لا سير كاتينه اتقطع و لا الحاجات دى خالص اخرها لو سلك الدبرياج و لا البنزين يتقطع و برضه تقدر تمشيها من غيرهم. كل اللى فيها من الاخر ان الكهرباء و طقم الكهرباء يبقوا كويسين و زيت الموتور تخللى بالك انه ما ينقصش و يتغير بانتظام و تغسل الكاربيراتير كل فتره بالبنزين و هتلاقيها زى الفل معاك ان شاء الله و هى استهلاكها للبنزين ممتاز لو الكاربيراتير مضبوط يعنى اللتر يمشيك. ١٣ او ١٤ كم جوه البلد لو الموتور ١٣٠٠. و ١٠ كم مثلا لو ١٦٠٠

للاسف العربية لو طالعة من المصنع اللتر بيعمل 9 كيلو متر
دلوقتى اجدع عربية لو الكاربراتير مظبوط والموتور محصلش بتعمل 8 كيلو لكل لتر

ودا دليلي من اعلان شركة فولكس فاجن في السبعينات وكانوا بيتباهو ان العربية بتعمل 25 ميل لكل جالون ودا فعلا وقتها كان معجزة

[youtube]http://www.youtube.com/watch?v=9XUKOUbp_PA[/youtube]

[wael61]

للاسف العربية لو طالعة من المصنع اللتر بيعمل 9 كيلو متر
دلوقتى اجدع عربية لو الكاربراتير مظبوط والموتور محصلش بتعمل 8 كيلو لكل لتر

ودا دليلي من اعلان شركة فولكس فاجن في السبعينات وكانوا بيتباهو ان العربية بتعمل 25 ميل لكل جالون ودا فعلا وقتها كان معجزة

[youtube]http://www.youtube.com/watch?v=9XUKOUbp_PA[/youtube]

طبعا الاول اسمحلى احييك على دخولك موضوعى وطبعا هو لو الاستهلاك لتر لكل 9 كم يبقى كتير شوية بس انا مش عارف حابب العربية دى لية ممكن تعملنا تقرير عن عربيتك

[Land_Cruiser]

طبعا الاول اسمحلى احييك على دخولك موضوعى وطبعا هو لو الاستهلاك لتر لكل 9 كم يبقى كتير شوية بس انا مش عارف حابب العربية دى لية ممكن تعملنا تقرير عن عربيتك

لا يا فندم الاستهلاك اقل من كده بكتير لو الكاربيراتير و البوجيهات كويسين و بعدين خالى بالك قطع الغيار حصل فيها تطوير لان العربيه كانت بتنتج لحد قريب بالاضافه. الى ان رقم الاوكتان كمان على يعنى زمان كان بيتحطلها بنزين ٨٠ لكن دلوقتى الاغلبيه بتحط ٩٠ او ٩٢ وده بيخللى اللتر يعمل كيلومتر اكبر

[zaynabawad]

اولا الف مليون مبروك على العربية ورنا يسعدك بيها
ثانياً اشكر مرورك الكريم على موضوعى
ثالثاً ارجو انك تحكيلنا عن انطباعاتك عنها فى سواقتها وسرعتها وكم المشاوير اللى بتقضيها بيها وهل انتى ندمانة انك جبتى بيتلزز ولا طاية بييها ولا يمكن تبدليها

شكرا بس العربية بقالها سنة ونص وعموما العربية محترمة ومتينة وخصوصا للي لسه بيتعلموا اوللبيسوق في مصر عامة لان الحاجات بتطلع من تحت الارض بس لا قدر الله لو حد خبطك او انتي خبطة هو اللي بيزعل وانتي يتيقي في الامان..وانا بسوق مسافة طويلة يوميا علي طريق السويس بس مابعديش ال120 بالكتير والبيتل بتشد جامد وتسارعها عالي ما شاء الله ..وانا ما كانش في دماغي اصلا البيتل بس دلوقتي بنصح اي حد بيها وخصوصا اللي لسه بيتعلموا او عايزين عربية اقتصادية واعتمادية..وان شاء الله لما ربنا يفتح عليا واحب اغير مش هبيعها وهسيبها لاخواتي البنات يتعلموا عليها..بس نصيحة لحضرتك ياريت تحاول تعرف اقرب ميكانيكي بيتل لمنطقتك وكمان بتاع قطع غيار وخليك معاه علي طول..وحاول تسال ع اسعار القطع والشغل اللي عايز تعمله في العربية قبل ما تعمله عشان يكون عندك متوسط اسعار وخلفية عشان متحسش انك اضحك عليك او حد من المفتيين يحسسك بكده..وان شاء الله نباركلك قريب..عايزة اقولك مشكلتي الوحيدة مع العربية اني بتخبط كتييييير ودي طبعا مش مشكلة العربية

[smsmxxxxxx]

لا يا فندم الاستهلاك اقل من كده بكتير لو الكاربيراتير و البوجيهات كويسين و بعدين خالى بالك قطع الغيار حصل فيها تطوير لان العربيه كانت بتنتج لحد قريب بالاضافه. الى ان رقم الاوكتان كمان على يعنى زمان كان بيتحطلها بنزين ٨٠ لكن دلوقتى الاغلبيه بتحط ٩٠ او ٩٢ وده بيخللى اللتر يعمل كيلومتر اكبر

يا باشا الاستهلاك اللى انا كتبته دا من اعلان شركة فولكس وهي بتسوق للعربية
يعنى العربية كلها جديدة الكاربراتير والبوجيهات وكله

هتلاقي الاستهلاك بيتكب فى اخر الاعلان خالص
25 mpg يعنى 25 ميل لكل جالون بنزين
بالتحويل
40 كيلو متر لكل 4.5 لتر بنزين
يعنى اللتر بيعمل 8.88 كيلو متر بالظبط

اما بالنسبة لتطوير قطع الغيار
فهو للاسف منزلش مصر لانهم خلوا الموتور انجيكشن ووقتها مكنش حد فاهمه

والكاربراتير الجديد للاسف مفيش غير صناعة صينى وبييجي بايظ بشهادة اللى جابوه
وكمان متصنع بنفس مواصفات القديم السوليكس ونفس التكنولوجيا

اما رقم الاوكتان
فعربيتي موديل سنة 1964 والكتالوج الاصلي مكتوب فيه اوكتان 87
اللى هو فى مصر بيقولوا عليه 90

البيتل عامة بنزين 80 بيخليها تسخن حتى لو اخرت الكهرباء

ملحوظة
مش عايزك تزعل مني علشان بقاوح معاك
بس صدقنى المعلومات دى من فيديو الشركة المصنعة ومواقع تانية

وغرضي الاساسي هو توضيح الصورة لصاحب الموضوع بكل صراحة
مش عايزه يشترى العربية ويتفاجئ بعد كدة

[smsmxxxxxx]

طبعا الاول اسمحلى احييك على دخولك موضوعى وطبعا هو لو الاستهلاك لتر لكل 9 كم يبقى كتير شوية بس انا مش عارف حابب العربية دى لية ممكن تعملنا تقرير عن عربيتك

بالنسبة لعربيتي
هي موديل 1300 انتاج سنة 1964 موتورها 1200cc
انا شاريها من حوالي 2.5 سنة
لما اشتريتها كان معايا ثمن انواع عربيات ثانية اكبر واحدث
بس اشتريت دى لحبي الشديد للبيتل من ايام ما كنت صغير وبتفرج على افلام هيربي القديمة

انا جبتها موتور وعفشة وفتيس كويسين جدا والصاج هو اللى كان عايز شغل كتير

جبتها ب 7500 جنيه وقلت اوضب فيها على مزاجي
لكن للاسف قرف الصنايعية وسرقتهم العلنية والبهايم اللى بيخبطوها وهي راكنة خلونى اكسل اظبطها بس ان شاء الله ناوى الفترة اللى جاية اشدها علشان الفحص قرب

انا مكنش عندى خبرة خالص بالعربيات ولا عمرى سوقت واتعلمت عليها السواقة
وشفت الويل من سرقات الميكانيكية
بس الحمد لله اتعلمت هنا من اخواتنا اصحاب البيتل حجات كتير جدا

فوصلت للمرحلة اللى ممكن اتعامل فيها مع الميكانيكي من غير ما يضحك عليا لانهم لما بيلاقوا واحد مش فاهم بيشتغلوه ويخربوا بيته

وانا اصلا من هواة التصليح وبفهم كويس فى الكهرباء سواء العادية او الكنترول
فالحمد لله دلوقتى باصلح فيها كل حاجة بنفسي وبظبط الموتور بنفسي
حتى زيت الموتور باغيره بنفسي علشان انضف مصفة الزيت

[smsmxxxxxx]

مميزات وعيوب البيتل من وجهة نظرى

المميزات
سحب وسرعة وسبات عالي على السرعات والغرز بشهادة اصحابي معاهم عربيات حديثة لانى مليش فى الكلام ده
عالية عن الارض مهما ركبت فيها مبتحكش
باطلع بيها على الرصيف وبامشي بيها فى الرمل والطين ومبتغرزش
انا نظرى ضعيف وساعات مبشوفش مطبات صناعي وبادخل فيها والحمد لله مبيحصلش حاجة

المميزات دى موجودة فى اى بيتل مش عربيتي انا بس

العيوب من وجهة نظري
ديقة من ورا يعنى اى حد كبير مش هيبقي مرتاح فى القاعدة
مفيهاش شنطة والمكان اللى ورا الكنبة يا دوبك الكوريك وعدة خفيفة والسماعات
والشنطة اللى قدام يا دوبك واخدة الاستبن علشان محوط فوق التنك وغطاء العربية وجيركن زيت وجيركن فاضي

قطع الغيار الجديد للاسف صيني والبرازيلي مضروب ودول اسعارهم عادية
اما قطع الغيار الاستيراد فهي مبالغ فيها جدا ولازم تكون فاهم علشان ميدكش حاجة بايظة
سعر الموتور الاستيراد ال 1200cc من 3500 ال 1300cc من 4000 ال 1600 من 6000 جنيه وبتشتريهم وانتا وحظك

العمرة بتكلف كتير من 3000 و بتوصل ل 5000 جنيه بس لو البلوك سليم والصنايعي شاطر وقطع الغيار نضيفة بتبقي كانك جبت موتور جديد

طقم الشمبر 700 وفي ناس بتقول 400 و 500 مش عارف تفاوت الاسعار ليه

علبة دريكسيون موديلات 1302 و 1303 استيراد بتبدأ من 1000 جنيه ازا لقتها

استهلاك عالي للبنزين لو مشاويرك كتير هتحس بيه

[smsmxxxxxx]

بالنسبة احسن اختيار ليك علشان المشاوير الطويلة

لازم الموتور يكون 1600cc

لو الطرق اللى هتمشي فيها مكسرة يعنى لو انتا مهندس وهتروح مواقع يبقي خليك فى موديل 1300 علشان عفشته ارخص واقوى من الموديلات التانية

ولو هتشيل حجات كتير ومحتاج شنطة كبيرة شوية يبقي خليك فى موديل 1302 لانها اعرض واكبر شنطة بس الطرق اللى تمشي فيها تكون كويسة

ولو انتا شاب وعايز احلي شكل ومشاويرك مفيهش طرق مكسرة يبقي خليك فى 1303

بس دا ميمنعش ان ال 1302 و 1303 تمشي فى الصحراء وقى الطين بنفس كفاءة 1300 وبيتفوقوا عليها كمان في نعومة العفشة بس انا باتكلم من ناحية تكاليف الاصلاح وقطع الغيار لان مشاويرك مستمرة

الاسعار لو العربية حالتها عادية
ال 1300 من 10000 وال 1302 من 13000 وال 1303 من 15000
دى متوسطات وانتا وشطرتك والفرصة اللى ادامك

نصيحة
متستعجلش فى الشرا
ومتنبهرش بالبوية والجنوط
اهتم بالاساسيات اللى هي الرقبة والشاسيه والعفشة والموتور والفتيس والفرامل
والصاج ممكن ترضي بالحالة المتوسطة لكن لو انتا ليك فى التعامل مع الصنايعية هاتها ووضبها على مزاجك
واهم حاجة تاخد ميكانيكي امين معاك هو اللى يكشف عليها وتجرب العربية كمان على السرعات العالية
والبايع اللى ميرضاش تسيبك منه لان بيبقي فى عيب خايف منه زى الفتيس بيرد فى الرابع
معلش طولت عليك
بس دى تقريبا كل المعلومات اللى اعرفها