مساعدة ضروري من خبراء باسات موديل 2000-2003

[abdallaam]

انا عجباني جدا العربية دي و سعرها كمان مناسب بس كان ليا بعض الأسئلة
1-قطع الغيار
2-اجيبها مانوال ولا أوتو
3-اي موديل افضل؟
4-عيوبها بالتفصيل و مميزاتها بالتفصيل
ولو في حاجة نسيها ياريت خبراء الباسات يقولولي
واخيرا تنصحوني بيها اصلا ولا بلاش خالص؟؟

وشكرا رجالة فولكس الكرام

[Shido]

انا كمام معاك و متابع
انا بقارن بينها و بين ال بورا بس طبعا في فروق كبيره جدا اهمهم الحجم و الوسع
ياريت حد يساعدنا

[abdallaam]

انا كمام معاك و متابع
انا بقارن بينها و بين ال بورا بس طبعا في فروق كبيره جدا اهمهم الحجم و الوسع
ياريت حد يساعدنا

فعلا القسم هنا نااااااااااااااااااااااايم خااااااااااااالص مش عارف فية اية؟؟؟؟؟؟؟

[Shido]

انشاء الله يردوا مش نايمين ولا حاجه بس يمكن مش مع ناس كتيره هنا. نستني ونشوف

[alzelafy]

العربيه محترمه جدا جدا و حلال كل جنيه مدفوع فيها و هى لا تقارن بالبورا هو اوسع و افخم بكتيير قطع الغيار مش زى ما الناس متخيله دى بقت ارخص من اللنسر البومه الوقتى هاتها منوال 1600 عشان اغلى حاجه فيها فتيسها الاوتو ب 5000 بالتركيب و الزيت و لو باظ ما بيتصلحش بتجيب واحد تانى على طول اى قطع غيار تانيه فى المتناول العفشه الاماميه كامله ب 2500 الموتور ب 4000 اكصدام امامى ب 500 خلفى 500 بالشاسيه بتاعه و اى استفسار احنا تحت امرك 01005130446

[Shido]

شكرا جدا علي اهتمامك و الرد السريع و المفيد
انت شجعتني اكتر اني اجيبها بس اوتوماتيك . و ربنا يستر

[HaythamMohsen]

سلام عليكم
انا معايا باسات 2000 ممتازه اتكل على الله
لازم تجبها بحاله نضيفها عموما الالمانى كلوه كده اوعى تحط فى دماغك اشطه رخيصه واظبطها لو مشيت بالمبداء هتدفع كتير
-فانوس الاصلي امامي استيراد 350 فوانيس عدسات استيراد المانى الجوز 1500 لحد2000 فانوس عدسات جديد بس مش اوريجنال 300
-فانوس خلفى 250
اكصدام امامى 700
- طرمبه ميه 350
-فلتر بنزين من الشهابى 70
-فرامل بفيشه اللى يعرفك الفرامل بتخلص امتى 500 اللى منغير فيشه 350 وهاتو "اتاى" بس متجبش نوع تانى
-طنابير استيراد 350 طنابير جديده صينى 350 جيبها كويسه بقالها سنتين
ايه تانى ....اهم حاجه واكتر حاجه تزعل المقصات
المانى 3000 ل 4000. تركى 1800 ل 2000 التركى كويسه برده بس العربيه نشفه شويه مش عارف ده بسببهم والا ديه طبيعه الالمانى انا كنت راكب سوبارو انعم بكتير وثابته جدا بس برده ثبات المانى مفيش زيه 180 200بقلب جامد
كبلن 350
زجاج امامى 400

اوتوماتيك اريح بكتير ومصر لازم بصراحه بس انا سمعت ققل حاجه 1800cc العربيه 1600 على اوتوماتيك والعربيه بالحجم ده والتقل ده قليل قوى


اتمنى اكون افدتك

[Shido]

شكرا جدا لحضرتك. بس انت نسيت اهم حاجه. سعرها من كام لكام لو نضيفه عشان انت عارف السوق عامل ازاي

[HaythamMohsen]

ضيعه من ٦٢ ل ٦٥ كويسه من ٦٨ ل ٧٠ او ٧٢

[Shido]

ok thx haitham awy, isa a5er el seef ha3'aiar we kont ba7awel a5od karar, thx again i think passat will win

[mando2002m]

نصيحة هات وحدة مكنة1800 احسن لان الماتور1600 حيبقى ضعيف عليها