معايا جيتا الجديدة وعندي سؤال رجاء النصيحة

[dr_hitman]

انا جبت جيتا ٢٠١٢ وعندي حاجتين محيرني :
١- التكييف بيدخل هواء من برة وانا قافله وحتي لما بقفل التهوية الخارجية برضو بيدخل هواء بعد لما اقفله مش عارف اعمل ايه حد ينصحني !!
٢- لو غيرت الكاسيت او ركبت البلوتوث برا التوكيل هل هيضيع الضمان ؟؟!
وياريت حد يقوللي مكان كويس اجيب منو الكاسيت التاتش بتاعها
وشكرا

[ahmedaglan]

اولا الف مبروك يامعالي الباشا وربنا يباركلك فيها
ثانيا ممكن يكون في حاجه انت ظابطها غلط
لما تروح تعمل اول صيانه قلهم علي الموضوع ده وهما هيعلجوه وان شاء الله خير
اما عن موضوع الكاسيت التاتش هتلاقيه عن جو في مساكن شيراتون او شركه موتيفو في مدينه نصر

[mohamedkordy]

الف مبروك ياباشا وياريت تعملينا مقارنه سريعه بينها وبين الفورد الفوكس
هيا الفورد اللى معاك موديل كام ؟
ياريت المقارنه ديه ضرورى ضرورى ضرورى

[mohamedkordy]

متابع باهتمام

[Mahmoud Medhat]

طبعا لو غيرت كاسيت بره الضمان هيضيع

[dr_hitman]

الف شكر يا جماعة بس انا لسه مش عارف ايه الحل في التكييف ده !!
ويا استاذ احمد مفيش وجه مقارنة بين الاتنين انا معايا فوكاس ٢٠١٠ هيا حلوة جدا بس تقيلة اوي في مشيها الموتور بتاعها ضعيف جدا
التوكيل بتاعها محترم جدا بس قطع غيارها قليله بس رخيصة جدا تقدر تقول زي الفيرنا والله زي الفيرنا !!
اما الجيتا فا دي موضوع تاني خالص طبعا كل حاجة فيها اعلي زي التقفيل والموتور والثبات ،، بس توكيلها وحش وقطع غيارها متوفرة بس غالية جدا جدا !!
لو محتار بين الاتنين لا تتردد جيتا طبعا ولو عايز اي حاجة انا تحت امرك

[dr_hitman]

معلش يا استاذ محمد انا غلط وكتبت استاذ احمد اعذرني

[mohamedkordy]

الف شكر يا جماعة بس انا لسه مش عارف ايه الحل في التكييف ده !!
ويا استاذ احمد مفيش وجه مقارنة بين الاتنين انا معايا فوكاس ٢٠١٠ هيا حلوة جدا بس تقيلة اوي في مشيها الموتور بتاعها ضعيف جدا
التوكيل بتاعها محترم جدا بس قطع غيارها قليله بس رخيصة جدا تقدر تقول زي الفيرنا والله زي الفيرنا !!
اما الجيتا فا دي موضوع تاني خالص طبعا كل حاجة فيها اعلي زي التقفيل والموتور والثبات ،، بس توكيلها وحش وقطع غيارها متوفرة بس غالية جدا جدا !!
لو محتار بين الاتنين لا تتردد جيتا طبعا ولو عايز اي حاجة انا تحت امرك

متشكر اوى لحضرتك هوا انا معايا فورد ٢٠١١ بس علشان اخد منها اداء بحطلها بنزين ٩٥ هيا مع ال٩٥ معقوله بس ياترى حضرتك الثبات هيا هيا ولا مختلف والعفشه اخبارها ايه اصلى بفكر ابيعها واجيب جيتا او جولف الجديده وكنت عايز اعرف ححس بفرق ولا لا تحياتى

[dr_hitman]

بص يا باشا من حيث البنزين الجيتا موتورها tsi بس بياخد ٩٢ عادي جدا ومش هقولك الموتور عامل ازاي !!
ثانيا ثبات الجيتا لا يقارن بالفوكس احسن بكتير والعفشة تقريبا في نعومة الفوكاس وانا ابصملك بالعشرة هتحس بفرق كبير
يا راجل دا انا بقيت اكره اسوق الفوكاس مش عشان حاجة هي عربية تحفه بس موتورها عايز الحرق انا عشان اجيب بيها ١٦٠ ممكن اقعد ١٠ دقائق والجيتا تجيبها ف ١٥ ثانيه !!
نصيحة مني بلاش تجيب الجولف وهات جيتا اولا شكل الجولف اتحرق خلاص والجيتا شكلها مميز ولسا محدش شافها
موتور الجيتا tsi اما الجولف ١٦٠٠
وطبعا الجيتا اوسع من الجولف بس هي اغلي روح واتفرج علي الاتنين وان شاء الله هتجيب جيتا

[mazher_m]

ربنا يديك خيرها ويكفيك شرها
ويكفيك شر العين

[ehab_ramez]

بالنسبة لموضوع التكييف دة مالوش حل غير انك تفضل مشغل التكييف لانة وانت طافية ماتقدرش تتحكم في الابواب بتاعة التكييف ودة عن تجربة

[AMRPEGAS]

ياريت تقرير بالصور عن السيارة من فضلك

[dr_hitman]

ان شاء الله يا فندم هعمل تقرير مصور عنها قريب
استاذ ايهاب الف شكر لذوقك وبصراحة انا كنت حاسس ان لازم افضل مشغله علي طول