معايا 2e اعمر ولا اغير

[bayooo]

السلام عليكم ورحمة الله وبركاته

زي ماهو واضح من العنوان ..انا معايا عربية جولف 2 فيها المكنة دي....وخايف اجيب واحدة استيراد تطلع حالتها مش كويسة لأن الإستيراد مستعمل بردو...والمكنة بتاكل زيت كتييير وعزمها مش اد كدة...

فانا بفكر اني اعمرها عند ميكانيكي كويس وخلاص

فأيه رأيكم ..وارجو اقتراح ميكانيكي كويس

والله الموفق والمستعان

[ahmedtunning]

بص اهم حاجة الصانيعي الكويس ولو تضمن واحد كويس هايظبط الكلام معااااااااااك جدا احسن متغير

[ahmedeihab]

عمر و سبها على الله

و لعلمك الرك على الخراط هو اللى بيخلى العمره حلوه ولا وحشه لان مللى واحد غلط يكسر كرانك و بستم

يعنى لو الخراط نضيف و قالك هاخد 2000 جنيه و مالو بس العمره تبقى كويسه

الميكانيكى لزمته يفك المكونات و يجمع المكونات و يقسم العربيه

تحياتى ليك و موفق ان شاء الله

^_^

[minicooper20]

ارمى و هات مكنه استيراد لو عمرت هتصرف كتير جداااااااااااا

[bayooo]

بس انا خايف اجيب استيراد وتطلع مضروبة

[nunoismaz83]

انزل بورسعيد وهات واحد شاطر معاك ده حلك الوحيد :)

[mando2002m]

انا معايا نفس العربية عملت عمرة ومنة لله المكانيكى رميت الفلوس فى الارض مقعدتش شهر واكلت زيت اكتر من الاول فغيرت جبت مكنة استيراد المكنة الاستيراد انتا بتجربها على العربية لو فيها حاجة بترجعها لو انتا ناوى تيجى بورسعيد انا ممكن اظبتك فى ميكانيكى كويس تشترى وتركبها وتجرب

[bayooo]

انا معايا نفس العربية عملت عمرة ومنة لله المكانيكى رميت الفلوس فى الارض مقعدتش شهر واكلت زيت اكتر من الاول فغيرت جبت مكنة استيراد المكنة الاستيراد انتا بتجربها على العربية لو فيها حاجة بترجعها لو انتا ناوى تيجى بورسعيد انا ممكن اظبتك فى ميكانيكى كويس تشترى وتركبها وتجرب

قدر الله وماشاء فعل
ممكن اسئل حضرتك العمرة كلفتك كام

والاستيراد كلفك كام بالتركيب

[mando2002m]

العمرة كلفتنى حوالى850 جنية وجبت مكنة ب2000 انا المكنة بتاعتى1300cc

[jackal]

hi

لو عايز تبيع الموتور القديم انا اشتريه

احمد 01064443049

[alzelafy]

اوعى تعمر هات استيراد و بتبقى عن تجربه و الموضوع مش مستاهل بورسعيد خليك فى الحرفيين و جرب و لو فيها حاجه بترجع و يجبلك واحدة تانيه

[mzkader]

الماواتير الجولف مابتتعمرش ممكن نص عمرة لكن عمرة كاملة لا عمرها مابترجع زى ما كانت خليك فى الايستراد من الحرفين

[bayooo]

انا مش طالبة معايا اجرب واغير خالص انا مش فاضي

[minicooper20]

باشا هو انات فامر العمره هتتعمل فى يوم
ده الخراط و الميكانيكى هيطلعو عينك
انتا هتروح لى مكينيكى محترم
و تقولو انزل معيا الحرفين نجيب ماتور و هركبو عندك
و ينزل معاك و هو فاهم هيجيب ايه و الحاور كلول مش هياخد يومين
هات الماتور يالكنترول
بس عمره يبقا انتا بتقدر نفسك وقت و فلوس و فى الاخر بلح

[ahmedtunning]

باشا هو انات فامر العمره هتتعمل فى يوم
ده الخراط و الميكانيكى هيطلعو عينك
انتا هتروح لى مكينيكى محترم
و تقولو انزل معيا الحرفين نجيب ماتور و هركبو عندك
و ينزل معاك و هو فاهم هيجيب ايه و الحاور كلول مش هياخد يومين
هات الماتور يالكنترول
بس عمره يبقا انتا بتقدر نفسك وقت و فلوس و فى الاخر بلح

+11111111111111
طالما انت عايز نفس الموتور
مش هتحتاج غير المكنه بس من غير اي حاجة تاني
برده لو حسبتها هتدفع اكتر من العمره
بس من ناحيه تانيه
مكنه مضمونه سليمه و وقت مش هاتخد اكتر من يومين تكون العربية ديره
وبالك مرتاح مش هتبقي ماشي بيها مقلق