استفسار بخصوص البوينتر

[bekatcho]

انا بفكر جديا فى البوينتر شكلها عجبانى ومع واحد صحبى لسة مشتريها وحاسس انها شبابية وعملية

طبعا هيا لسة جديدة مع صحبى فمش هيقدر يفيدنى اوى

انتو اية رايكم فيها ؟
عيبوها وكل حاجة

[bekatcho]

اية يا جماعة ماحدش يعرف حاجة عنها
الصراحة داخل دماغى وبفكر اجيبها
فعايز اعرف عيوبها
مساعدة لوجة الله

[survey]

هي قوية وجراية وبتستحمل البهدلة والاشغال الشاقة ..بس شكلها كلاسيكي مش منفوخة زي باقي العربيات الحديثة
وطبعا لازم المواظبة على الصيانة الدورية ... قطع غيارها اصبحت متوفرة خارج التوكيل بعكس السنوات السابقة والاسعار مناسبة جدا ...لسة جايب تيل فرامل ب 240 ..وفلتر زيت ب 30

العربية معايا بقالها حوالي6 سنين ..شافت مني بلاوي ...وانا ياما شوفت بلاوي من التوكيل ، تجاربي معاه معظمها سيئ

واي سؤال انا في الخدمة

[survey]

بالنسبة للتكييف بتاعها الصراحة مش تلاجة ..هو متوسط الاداء .. وبالنسبة لصوت الموتور فهو عالي بس مش لدرجة الازعاج يعني صوته مسموع ..دي العيوب اللي في بالي دلوقت

[minicooper20]

عربيه محترمه 1600 جرايه جدا
صالوناه حلو ثابنه جدا
قطع غيارها متوفره بيركبلها تيل الكورسا ب 140 جنيه
فلتر هواء 70 فلتر بنزين 90 بوجيهات 70
فوانيسها ديبو ب 190 جنيه
موفره فالبنيزن
بس قليله و ناس كتير بتقولك دى برازيلى
بس العربيه دى محترمه جدا
انا معيا اختها الكبيرا البراتى شيب 2

[survey]

عربيه محترمه 1600 جرايه جدا
صالوناه حلو ثابنه جدا
قطع غيارها متوفره بيركبلها تيل الكورسا ب 140 جنيه
فلتر هواء 70 فلتر بنزين 90 بوجيهات 70
فوانيسها ديبو ب 190 جنيه
موفره فالبنيزن
بس قليله و ناس كتير بتقولك دى برازيلى
بس العربيه دى محترمه جدا
انا معيا اختها الكبيرا البراتى شيب 2

هي فعلا مصنعة في البرازيل ..بس انا شايف ان ده عادي زي ما نيسان ليها مصانع في الصين
وشكرا على معلومة تيل الكورسا ..انا كدة لبست 100 جندي زيادة ...ممكن حضرتك تقول لي بتجيب قطع غيارها منين ؟ عشان انا بجيبها من اولاد فتح الباب في رمسيس او من خلف حديقة بدر اخر جسر السويس

ممكن اعرف برضه يعني ايه فوانيس ديبو ؟

معلش سؤال عبيط ..اي نعم العربية معايا بقالها كتير بس لحد دلوقت مش عارف وظيفة الزرار اللي في السقف اللي لازق في لمبة الصالون ..ممكن اعرف بيعمل ايه؟

[minicooper20]

بجيب من دمشق قطع الغيار
و على فكره التكيف بيتعها جامد
قوانيس ديبو دى ماركت فوانيس شركه بتعمل كل انواع الفوانيس
قصدك على انهى زورار لو كده صورهولى

[survey]

متشكر جدا على المعلومات دي
بالنسبة للتكييف انا عندي بيبقى قوي جدا لما الشمس تغيب بس ..لكن لما بتفضل منقوعة في الشمس بيبقى التكييف على قد الحال
بالنسبة للزرار هو غالبا اتشال من الشكل الجديد ..

[bekatcho]

بالنسبة للمشاكل الى انت قلتها غير قطع الغيار فدا عادى لانى معايا افيو وكل دا فية زيادة عن صوت تزيق مستمر
قطغ الغيار كدة اسعارها معقولة ومش غالية اوى متهيلى ؟
بس سمعت ان المساعدين ب1200 وكدة؟

[minicooper20]

المساعدبن الوراء مايلى ب 510 و قدام ب 610

[survey]

بالنسبة للمشاكل الى انت قلتها غير قطع الغيار فدا عادى لانى معايا افيو وكل دا فية زيادة عن صوت تزيق مستمر
قطغ الغيار كدة اسعارها معقولة ومش غالية اوى متهيلى ؟
بس سمعت ان المساعدين ب1200 وكدة؟

احب اطمنك اوي على المساعدين ...انا استااااذ في لبس المطبات والحفر والنقر ...وكل اللي بيركب معايا بيقول اني كنت اساسا سواق ميكروباص

يعني مش عايز اعدلك كمية المطبات اللي كلتها ..ده غير ان في طريق المطار لبست مطب (( هو مش مطب هو كوبري على صغير )) والعربية طارت وهبدت على الارض والحمد لله مافيش مشاكل
ده غير اني مرة طلعت على رصيف وانا على 120 ونزلت بسرعة والعجلة الامامية طرشقت من الخبطة...ولما كشفت على المساعدين كانوا الحمد لله تمام والمشكلة اتركزت في ان حصل لوحة في الدركسيون وغيرت البارات بتاعته

[bekatcho]

طيب مشكلة الدريسكون دى قولى بالراحة احلها ازاى لانى برضو طلعت على رصيف بالافيو بس على سرعة هادية جدا كان العربية لسة بتطلع على خفيف .. كنت للاسف مركز فى حاجة على يمين وانا بعدى تقاطع وماخدش بالى من الرصيف وفى لوحة فى الدريكسيون لحد دلوقتى

[survey]

بالنسبة للوحة الدركسيون دي ..انا روحت التوكيل وعملوا ظبط زوايا وحطوا جهاز ربطوه في الدركسيون متوصل بكمبيوتر ..ورجعت الحمد لله زي الفل ..انا الصراحة ما اعرفش برا التوكيل حد عنده جهاز كدة ..كله بيعمل ظبط زوايا وخلاص

[bekatcho]

فعلا كلة بيعمل ظبط زوايا بس طبعا مش اتحلت
واول مرة رحت لواحد راح فك الدريكسون وحاول يظبطة هو اتظبط حاجة بسيطة بس فى لوحة
والعربية للاسف فى بنى سويف مش القاهرة :(