الجيتا مالها و ما عليها يا ريت اصحاب الخبره يشاركوو

[mostafassy]

انا كنت هشترى كروز و غيرت رأيى و قولت اركب المانى و سألت على الجيتا و كتير شكرولى فيها

بس الكل قالى خليك فى موديلات 2007-2008-2009 عشان مشاكل الفيتس المشهوره الموجوده فى 2010-2011

ايه الفرق بين الموديلات 2007-2009

و هل يوجد فرق بين الخليجى و المصرى

و اسعار قطع الغيار الاصليه منين و بكام لو فى امثله ؟؟

[minicooper20]

عربيه ممتازه بس دور على حاله
انتا هتجيب الماتور ال 1600 اتو 6 سرعات
متجبش الdsg ال 7 سرعات علشان سمعته وحشه
من 2006 الى 2009 هى هى نفس العربيه
من 2010 بقت 1400 تربو زى الباشات
قطع غيارها متوفره فى دمشق و فى الحرفين جديد و استيراد
اضعف حاجه فيها تكيفها
اكشف عليه عند هانى وراء حديقه بدر
الفرق بين الخليجى و المصرى اوبشن زياده بس
بس اعتقج ان الخليجى بتنزل 1800 مش عارف فى خليجى فى مصر ولا الا اصلن

[TOOLA]

كنت بدور بس نصيحة اتقالتلى, ابعد عن و 2006 و 2007 , 2005. يعنى ركز فى 2008 و 2009, و السبب ان ظهر عيوب عقل الفتيس فى كثير من الموديلات الأولانية فى الجيتا و أوكتافيا a5 و جولف 5 (بس بردو ماظهرش عند ناس تانية), و العيب ده تصليحة فى التوكيل بتغيير عقل الفتيس ب 14000 ج, او تجيب فتيس استيراد كامل فى حدود 15000 ج. و الاتقالى الموضوع ده ممكن يظهر حتى لو مغير زيت الفتيس.

مصدر المعلومة, كانت انى كلمت ورشة هانى سمير عشان اروح اكشف على اوكتافيا a5 موديل 2006, فلما عرف قالى فى التليفون (معرفش مين الرد عليا بضبط ساعتها بس غالبا مش هانى لأنه مبيرودش على تليفون الورشة) خليك فى موديلات فوق 2008 (طبعا الفتيس العادى ال 6 سرعات مش ال DSG), و ساعتها غيرت رأيى لارتفاع اسعار الموديلات ديه عن ميزانيتى ,وجبت بورا الحمد لله.

بس بصراحة كنت بكشف مرة عند هانى سمير و سألت بأه هانى نفسه على الموضوع ده, قالى مش لازم, المهم صيانة العربية و الكشف الدورى هوا البيحدد.

[tears]

صباح الخير
الجيتا الخليجى مختلفه عن الوكيل فى مقاس الجنوط مثلا الخليجى 17 والوكيل 16
الخليجى فيها فئات كتير الى كمفورت اعلى فئه كراسى كهرباء لكن الوكيل مفيهاش كراسى جلد ولا كهرباء
هتلاقى فى الوكيل سنسور امامى لكن الخليجى سنسور خلفى فقط
بالنسبه لعيوب العربيه واطيه جدااااا على الارض تكيف ضعيف فى بعض الموديلات 2006 و 2007 الفتيس فى مشكله فى نفس المودلين لكن من اول 2008 تمام الموتور ضعيف شويه لو بتحب الجرى اخرها 190 كم امان من الشركه
المميزات كتيره جدااا
1-ثبات رهيب
2-راحه داخل السياره ومكونات السياره متينه جداا من الداخل
3-قطع غيار رخيصه بالنسبه لسيارات كتير
بس متشتريش الفتيس 7 غيار بلاش
4-الشنطه كبيره جدااا
بس نصيحه لازم تشترى اقل حاجه هاى لاين علشان متزهقش من العربيه

[hany63]

مفيش حاجه تانيه تتقال الله ينور عليكم يا جماعه

[karimwaleed]

أنا معايا jetta 2011 خليجي ، الموديلات الخليجي إلي قبل 2012 كلها 1600 لكن من أول 2012 نزلة 2000cc برا فالسعودية . العربية مكلمتش معايا 2500 كيلو . مميزات العربية الاوبشنز إلي فيها حلوة جداً ورفاهية ممتازة . شاشة تتش، فتحت سقف ، سنسر أمامي وخلفي بيشتغل مع الشاشة يعني مش صوت بس ، 10 أير باج . 10 سماعات . جنط 17 ، زنون رهيب جداً ، مفش حد بيبقى في وشي إلا وبيعد يقلبلي نور . تسارع عادي بالنسبة لعربية 1600 مش وحش خالص . دركسيون multifunction . بالنسبة للتكيف فأنا شايف إنو كويس جداً . ثبات رهيب ماشالله ، في اوبشنز تانية كتير بس مكسل أكتبهم كلهم الصراحة . عيب العربية الوحيد في نظري انها وطية . لو مركب معاك 2 كبار هتضتر تاخد كل مطب بالعرض ويمكن تحك منك كمان . بس غير كدة عربية فوق الممتازة . وربنا يسترها على موضوع الفتيس ده وميمعملش حاجة معايا يا رب !!

[karimwaleed]

وذي ما tears قال . ال-jetta في رأي متتجبش غير highline ال-baseline مفيهاش أي حاجة ، اركب كوري highline ومركبش jetta baseline خالص

[sshafie]

i agree on the AC its perfect but needs adjust the settings properly

[islamaboelnaga]

واطيه فقط ...التكيف ممتاز جدا

[mostafassy]

شكراا للرجاله انا قدامى جيتا خاليجى 2009 بخلص فيها ان شاء الله

بس سؤال هى الخليجى بتاخد 92 ولا لازم 95 بنزين ؟؟؟؟

[amrsabet]

فى كتالوج الجيتا مكتوب 95 و لكن كل الناس و انا منهم بنستخدم 92 ومفيش مشاكل ولكن بيتم تعيير البوجيهات و فلتر البنزين كل 25 الف كم
فى المجمل حضرتك خليك فى موديلات 2008 و 2009

[tears]

باشا مكتوب على التنك بتاع العربيه البنزين من كام الى كام انا عندى من 91 الى 98 وعلى فكره للمحافظه على العربيه يرجى التغير البوجيهات وفلتر الهواء وفلتر البنزين و الزيت ونوع الزيت كاسترول كل 10000 كم وزيت الفرامل كله بيتغير عند 100000

[0101722295]

عاوز تستمتع بالعربيه ....ركب كاوتش ميشلان h ......هتلاقي عربيه لها مساعدين حرير ...بس الكاوتش ظالمهم