محتار افيدوني يا خبراء الجولف

[doktor3373]

السلام عليكم انا كنت محتار جدا بين انواع السيارات الالماني وبعدين قررت اني اشتري جولف بس حاليا محتار اكتر بين الجولف ٢ والجولف ٣ والجولف ٤ فممكن من حضراتكم. تقولولي احسن مواصفات للعربيات الثلاته من حيث قطع الغيار ويا ريت لو تقولولي لو هشتري اي واحده فيهم تبقي ايه احسن مواصفات انا مش بتاع جري بس عايز عربيه لما احب اجري ما تكسفنيش وعايز تكييف ممتاز وعايز عربيه من الاخر تستحمل الطرق في مصر وعلي فكره انا مش ناوي ابيع العربيه مش قبل ١٠ سنين علي الاقل وايه رايكم في البولو والكورسا بالمقارنه بالجولف. والحمد لله فلوس الشراء. ممكن لحد ٥٠ الف

[egyseadragon]

احسنهم طبعا جولف 4 ....بس صعب تلاقيها ب 50 الف بحالة كويسة

[Karim Ibiza]

لو تعرف تزود 10 الاف كمان ممكن تجيب واحدة جولف 4 اوتوماتيك وتكييف وكل حاجة, غير كده يبقى كله زى بعضه

[doktor3373]

شكرا لردودكم يا شباب انا ميال اكتر لجولف٣ علشان شكلها وايه احسن موديل فيها ويا ريت ماصفات الموتور الجيد اللي يستحمل التكييف والبنزين يعني قولولي المواصفات بالكامل علشان ادور عليها وشكرا

[KaReeM10]

الجولف عموما عربيه محترمه سواء 2 او 3 او 4

انا معايا جولف 2 ومرتاح معاها جدا في السفر والمرمطه

في كلام كتير بيتقال ان جولف 2 احسن من 3 معرفش ليه .. بس ناس كتير بتقول كده مع اني شايف ان 3 عربيه محترمه

عموما الجولف ليها مواتير كتيره جدا .. بس على حد علمي انه 2000 2e و 2000 edy هما من احسن المواتير في الاداء وفي نفس الوقت قطع غيارهم معقوله واستهلاك البنزين كويس

دي شوية لينكات لعربيات جولف 3 عليها المواتير دي ..

http://www........cars.com/UsedCars_...p?CarID=893266

http://www........cars.com/UsedCars_...p?CarID=891182

http://www........cars.com/UsedCars_...p?CarID=889250

http://www........cars.com/UsedCars_...p?CarID=885890

http://www........cars.com/UsedCars_...p?CarID=884078

http://www........cars.com/UsedCars_...p?CarID=866886

http://www........cars.com/UsedCars_...p?CarID=858847

[doktor3373]

شكرا لردودكم يا شباب

[ahmed_autogear]

على ما اعتقد ان الجولف ٣ أحلى من جوف ٢ انا راكب جولف ٣ و فيها متورady و بصراحة استهلاك بنزين كويس و التكييف ممتاز و الجرى رائع الحمد لله نعمة كبيرة من ربنا

[doktor3373]

الحمد لله ربنا يكفيك شرها وشكرا علي الرد

[kempel]

خليك فى جولف 3 احسن من 2 لان عفشتها انعم من جولف 2 وعربية ممتازة وهاتها بموتور من 1600 الى فوق والله الموفق

[doktor3373]

انا تقريبا قررت ادور علي جولف٣ ان شاء الله