رائيكم فى البورا ايه ؟

[Esam Mosaad]

للاسف انا جالى احباط شديد مش من هنا وبس ولا من عربيه بحد ذاتها
وانما من التفكير الى الغالبيه بيفكروا فيه

الواحد مش فاهم بيركب العربيه ليه عشان يصلحها ولا عشان يبعها ولا عشان ايه
الواحد المفروض بيشترى العربيه الى تريجوا نفسيا ديه اولا
وثانيا عربيه يتمتع بيها

لكن كل مسئل حد يقولى ي اعم خليك فى الانسر ديه عامله زى موبيل النوكيا بيتباع هوا !!!
والى يقولى خليك فى الانسر عشان قطع الغيار
واى حد بيشتغل فيها

طب بالنسبه للجرى والقوه والفرامل والامان !!! وغيره

[Karim Ibiza]

للاسف انا جالى احباط شديد مش من هنا وبس ولا من عربيه بحد ذاتها
وانما من التفكير الى الغالبيه بيفكروا فيه

الواحد مش فاهم بيركب العربيه ليه عشان يصلحها ولا عشان يبعها ولا عشان ايه
الواحد المفروض بيشترى العربيه الى تريجوا نفسيا ديه اولا
وثانيا عربيه يتمتع بيها

لكن كل مسئل حد يقولى ي اعم خليك فى الانسر ديه عامله زى موبيل النوكيا بيتباع هوا !!!
والى يقولى خليك فى الانسر عشان قطع الغيار
واى حد بيشتغل فيها

طب بالنسبه للجرى والقوه والفرامل والامان !!! وغيره

اسأل مجرب ولا تسأل طبيب
انا عن نفسى سوقت البورا 2001 اوتوماتيك 1600 وسوقتها لما صاحبها غيرلها موتورها بواحد 1800 سى سى 20 صباب ب 4500 جنيه على نفس الفتيس وغير معاه الشكمان بس وركبت جنبه كتير وروحنا الساحل بيها مع بعض 180 و 190 ولا حاسس بأى حاجة ولما يدوس فرامل بتلم بسرعة وغرز زى مانتا عايز على طريق البحر فى اسكندرية

وسوقت اللانسر 2006 1600 سبورت اوتوماتيك وجنوط وفتحة سقف تجميعها قبل ال 100 احسن من البورا بس بعد كده البورا تسحبها وراها وبصراحة كنت خايف وانا بجرى بيها لأن ثباتها وفراملها اقل من البورا بكتييير بس برده مقدرش اقول عليها عربية وحشة لانها يابانى واليابان مش بتعرف تعمل حاجة وحشة بس برده الالمان عندهم مقاييس مختلفة عن اى صناعة تانية

وبالنسبة للصيانة وقطع الغيار مفيش فرق كبير بين الاتنين لان الاتنين منتشرين جامد والفولكس عموما انتشاره اكتر من الميتسوبيشى

بالنسبة لأعادة سعر البيع ده بيكون على حسب اذا كنت من الناس اللى بتقلب العربيات بسرعة ولا ركييب لانك لو بتقلب بسرعة يبقى عايز حاجة متصرفش عليها عشان لما تيجى تبيعها بعد كام شهر متخسرش فيها يبقى خليك فى الانسر لكن لو انت راجل ركييب والعربية بتعمر معاك بالسنين زى حالاتى يبقى ساعتها مش هتفرق معاك جبتها بكام وبعتها بكام وصرفت عليها كام لانك بتركب بيهم وبتتمتع بيهم وفى الحالة دى يبقى البورا هى اللى لازم تجيبها لانك هتتمتع وهتتكيف وهتبقى راكب حاجة فخمة

[galalsherif]

السلام عليكم
انا معايا بورا 2002
هكلمك ف المشاكل قبل المميزات
1-الكنبه الى ورا ضيقه والى بيركب معايا بيعانى من كدا خصوصا انى طويل
2-قطع غيار غاليه مقارنه باى عربيه مش المانى
3- فى صوت تزييق تقريبا ف كل البورا من التابلوه والابواب بس بيبقا ليها حلول كتير
المميزات
1- العربيه ثابته ما شاء الله وبتجرى
2-شكلها بالنسبالى عاجبنى جدا
3-مستوى الامان فيها عالى مقارنه بالميتسوبيشى
4- العربيه فخمه من الداخل جدا بردوا مقارنه بالميتسوبيشى
5- صاج العربيه ما شاء الله قوى ودا عن تجربه
بص الاتنين ف نفس السعر تقريبا . استخير ربنا والله المستعان ولو عاوز تعرف اسعار قطع الغيار الاصلى عندك الشهابى ف شارع دمشق
العربيه مش اى حد بيشتغل فيها لازم يكون حد فاهم اوى

[alzelafy]

اللى يخليك تفكر فى البورا لا هات الباسات احسن عشان اوسع و افخم و نفس الموتور و العفشه و الفتيس للبورا و نفس الفئه السعريه و اشهر و اسرع فى البيع من البورا .... و الباسات منزله موديلات من 2006 ل 2012 و اسمها متداول فى السوق اكتر سواء فى الزيرو او المستعمل ... يعنى هتعرف تبيع اسرع

[shouk_1987]

اللى يخليك تفكر فى البورا لا هات الباسات احسن عشان اوسع و افخم و نفس الموتور و العفشه و الفتيس للبورا و نفس الفئه السعريه و اشهر و اسرع فى البيع من البورا .... و الباسات منزله موديلات من 2006 ل 2012 و اسمها متداول فى السوق اكتر سواء فى الزيرو او المستعمل ... يعنى هتعرف تبيع اسرع

أنا والدى كان معاه باسات 2003 2000cc عربية مالهاش حل ما شاء الله
و واسعة عن البورا بمرااااااااااحل
عربية ركوبة

[TOOLA]

بص يا باشا عشان كلنا اتحطينا فى حيرة زى شبيهة بالانت فيها, فى الأخر كلو بيرجع لاحتياجاتك.

البورا: أتفق مع الزميل جلال شريف فى كل القالو تقريبا بي اسمحلى اكتب بطريقتىيمكن ازود أو انقص :D.

العيوب:
1- ضيقة جدا من ورا خصوصا لو انتا طويل, يعنى لو حد هيقعد وراك لازم تطلع الكرسى لقدام, و فى جميع الأحوال متركبشى فى العربية اكتر من 3 معاك.
2- مركبتش بورا مفيهاش شوية كركبة و أصوات من التابلوه و الأبواب, لكن نسبة الكركبة او احساسك بيها بيفرق من عربية للتانية و من اسلوب قيادة و معاملة صاحبها ليها, بس عموما مع تعلية الكاسيت مبتحسش بالموضوع اوى خصوصا لو الحالة العامة للسيارة حلوة.
3- كارتيرة زيت الموتور واطية و العربية بشكل عام منخفضة شوية, يعنى تاخد المطبات بهدوء و تحرص جدا من اى طوبة و او مطب عمرك ماتاخدها فى نص العربية.
4- صوت الماتور فى الأتوماتيك عالى على السرعات فوق ال 120, و ده راجع ان الفتيس 4 نقلات و نقلاتهم بدرى (يعنى الالنترا القديم و السيراتو و المازدا 3 القديم كلهم 4 نقلات لكن على 100 ك ال RPM بيكون 2500 لفة تقريبا لكن فى البورا و الأوكتافيا 4 بيكون ال 3200 RPM لفة و طبعا كل ما تعلى بالسرعات عدد اللفات بيزيد و صوت الموتور بيزيد) لكن انا متوسط قيادتى على الطرق السريعة 160 ل 180\س و مشغل التكييف, و الحمد لله مفيش تأثير على الماتور.

المميزات:

1- شياكة و برستيج و مازالت قادرة على جذب الانظار
2- ممتعة فى قيادتها
3- موتور قوى و عمره طويل يوصل ل 190 بدون مشاكل (سيارتى م 2000) طول منتا محافظ على الصيانة
4- الثبات و قوة الفرامل و قلة احساسك بالسرعة بس طبعا و انتا محافظ على العفشة و الكاوتشات
5- مشاكل الفتيس بتظهر من الاهمال خصوصا مع عدم تغيير زيت الفتيس, وده مختلف عن مشاكل ظهرت من الجيتا و الأوكتافيا a5 حتى مع بعض قليلى الحظ الحافظوا على الصيانة.

بشكل عام الباسات اوسع, لكن يعيبها ان الماتور 1600 قليل جدا عليها خصوصا كمان لو العربية اوتو, و الباسات عفشتها معقدة عنها بسبب حوار ال 8 مقصات, و عموما سعرها فى السوق ارخص من البورا و الطلب عليها اقل و لكن طبعا الباسات 2000 سى سى كسيارة اعلى من البورا و اقيم.

[amraction]

شوفت النهارده بورا 2300 سى سى موتور v5 .. وسألت صاحبها جايبها من الخليج ولا حاجه .. قالى لا مسقطلها الموتور ده .. حد سمع عنه قبل كده ؟؟ ايه ظروفه ده من حيث السعر و الصيانات وكده ؟

[TOOLA]

شوفت النهارده بورا 2300 سى سى موتور v5 .. وسألت صاحبها جايبها من الخليج ولا حاجه .. قالى لا مسقطلها الموتور ده .. حد سمع عنه قبل كده ؟؟ ايه ظروفه ده من حيث السعر و الصيانات وكده ؟

الموتور موجود كتير فى الحرفيين مش غالى, و بيقولوا ان قطع غياره منتشره عادى (بس مسألتش بنفسى عشان كده مش متأكد من المعلومة), بس الموتور ده سافل جرى و معاك لل 220 بسهولة (تقريبا بيطلع 150 حصان). الأحسن تنزل تسأل على توافر قطع الغيار الاستهلاكية بنفسك (سيور - فلاتر و كده)

[amraction]

محدش يعرف لو الواحد طيب هيشوف عربيه متسقطلها الموتور ده يكشف عليها فين عشان يتأكد من حاله العربيه والموتور ..؟؟ وضريبته هتكون كام ده ؟!!

[TOOLA]

ورشة هانى سمير فى ش الأربعين ورا حديقة بدر الفى جسر السويس, مفترض ان الكشف كامل على العربية بيكلف 150 ج, بس المشكلة انو علطول زحمة.

[hossam.h]

يا جماعة محدش يعرف مواصفات موتور البورا ال1800 تربو علشان قدامى واحدة 1800 تربو كنت عايز اعرف بيطلع كام حصان و بياخد بنزين 92 عادى ولا ايه الكلام برده

[TOOLA]

يا جماعة محدش يعرف مواصفات موتور البورا ال1800 تربو علشان قدامى واحدة 1800 تربو كنت عايز اعرف بيطلع كام حصان و بياخد بنزين 92 عادى ولا ايه الكلام برده

بص اغلب الموجود فى مصر بيكون الماكينة ال 148 حصان, و فى ماكينة معدلة بطلع 170 ل 180 حصان تقريبا بس ديه قليلة جدا, موضوع البنزين بردو عليه اختلاف ناس بتقول بنزين 92 يمشيها عادى, و ناس تقولك لازم بنزين 95 عشان تاخد خير الماتور و ميعطلش.

عموما انا ماشوفتش غير عربية واحدة فيها الماتور التربو ده فابريقتها (يعنى مش متسقط) بس كانت بفتحة سقف و تكييف عادى مش تاتش و فوانيس زينون بعدسات اوريجنال و جنط 16 ال bbs تقريبا و شاشة المعلومات زى الفى السكودا 2003 و مفتاح بريموت اوريجنال و كان لونها اسود (تقريبا العربية ديه مواصفات امريكية).

بص انا معنديش معلومات مؤكده بس هوا كلام منتشر ان الماتور التربو بيعطل و تصليحه مقرف بس احسنلك تسأل ورشة من الورش المتخصصين و انا لو عديت على الميكانيكى بتاعى هبأه اسألك.

بص هديك نصيحة بس ده راى شخصى, ياما تصبر و توقع عربية لقطه كل حاجة فيها ب فابريقتها, ياما تجيب عربية وقيع يعنى العفشة و الموتور تعبانين بس اساسيتها سليمة (شاسيه و دواخل) و توقع جامد فى سعرها يعنى تجيها ماتزيدش عن 60,000 ج, و تروح تشترى ماتور بفتيس بعافشة و تجيب ماتور 1800 عادى ابو 130 حصان او ال 2000 سى سى ابو 118 حصان, بس اهم حاجة تختار الورشة الهتعملك الشغل و المحال الهتشترى منو الكلام ده.

[buddha]

ممكن هـــوندا افضل من كل اختياراتك
وممكن افضل جولف 4

[hossam.h]

بص اغلب الموجود فى مصر بيكون الماكينة ال 148 حصان, و فى ماكينة معدلة بطلع 170 ل 180 حصان تقريبا بس ديه قليلة جدا, موضوع البنزين بردو عليه اختلاف ناس بتقول بنزين 92 يمشيها عادى, و ناس تقولك لازم بنزين 95 عشان تاخد خير الماتور و ميعطلش.

عموما انا ماشوفتش غير عربية واحدة فيها الماتور التربو ده فابريقتها (يعنى مش متسقط) بس كانت بفتحة سقف و تكييف عادى مش تاتش و فوانيس زينون بعدسات اوريجنال و جنط 16 ال bbs تقريبا و شاشة المعلومات زى الفى السكودا 2003 و مفتاح بريموت اوريجنال و كان لونها اسود (تقريبا العربية ديه مواصفات امريكية).

بص انا معنديش معلومات مؤكده بس هوا كلام منتشر ان الماتور التربو بيعطل و تصليحه مقرف بس احسنلك تسأل ورشة من الورش المتخصصين و انا لو عديت على الميكانيكى بتاعى هبأه اسألك.

بص هديك نصيحة بس ده راى شخصى, ياما تصبر و توقع عربية لقطه كل حاجة فيها ب فابريقتها, ياما تجيب عربية وقيع يعنى العفشة و الموتور تعبانين بس اساسيتها سليمة (شاسيه و دواخل) و توقع جامد فى سعرها يعنى تجيها ماتزيدش عن 60,000 ج, و تروح تشترى ماتور بفتيس بعافشة و تجيب ماتور 1800 عادى ابو 130 حصان او ال 2000 سى سى ابو 118 حصان, بس اهم حاجة تختار الورشة الهتعملك الشغل و المحال الهتشترى منو الكلام ده.

اصل انا قدامى بورا 2002 موتورها 1800 تربو بس متبهدلة من جوه و لسه مكشفتش عليها بس المشكلة فى سعرها هيه ب65 مش عارف السعر ده مهيألى رخيص ولا حضرتك شايف ايه و انا مش بحب تسقيط المواتير بحب العربية اوريجنال فهيه داخلة دماغى العربية ديه بس حاسس انها رخيصة

[TOOLA]

اصل انا قدامى بورا 2002 موتورها 1800 تربو بس متبهدلة من جوه و لسه مكشفتش عليها بس المشكلة فى سعرها هيه ب65 مش عارف السعر ده مهيألى رخيص ولا حضرتك شايف ايه و انا مش بحب تسقيط المواتير بحب العربية اوريجنال فهيه داخلة دماغى العربية ديه بس حاسس انها رخيصة

بص: أولا: هيا العربيات البمواتير تربو ثقيلة شويتين فى بيعها فده ممكن يكون سبب لنزول سعرها.

ثانيا: الحالة بتفرق كتير جدا فى السعر فى العربيات ديه.

ثالثا: احتمال كبير يكون الموتور ده متسقط اساسا.

رابعا: خلى بالك جدا العربيات ديه قديمة و فى كتير عمل حوادث و اتركبلوا انصاص كاملة.

فمبدئيا كده, اركب العربية و اقفل الزجاج و افتح التكييف, و متشغلش كاسيت و ابتدى سوق العربية و قيمها اجرى بيها شوية اعمل كيك داون و شوف فى تنتيش فى الفتيس ولا لأ, اخبار اصوات العفشة و تماسك الدركسيون فى ايديك, تماسك التابلوه و اصواته, كل ده بيديك انطباعات عن حالة العربية, لو حسيت انك مرتحلها يبقى تحجز ميعاد و تروح تكشف عند حد متخصص.