مشكلة في كمبروسور الجيتا

[ahmedmaklad]

الاول انا سعيد بانضمامي لعائلة الفولكس و الحمد لله ربنا وفقني و اشتريت الجيتا و الحمد لله العربية كويسة ال موضوع التكييف ده عشان حاسس اني سايق تاكسي دلوقتي في الحر ده
دلوقتي انا قدامي كذا اختيار في حاجتين
الاول الكمبروسور
1- اركب كمبروسور و سربنتينة جديد في حدود 4500 و ده مش في الامكانيات دلوقتي
2- اركب كمبروسور استيراد و سربنتينة جديدة و ده طبعا ارخص و ده الاقتراح الاقرب ليا بس خايف من الاستيراد و في راي ان كمبروسور الجيتا اصلا واحش و فيه مشكلة و لا اجيبه جديد و لا استيراد
3- كذا واحد قالي على الكمبروسور الساندن و ان في تعديل هيحصل منهم واحد مشهور هنا في المنتدى اللي هو احمد في ارض اللواء و ناس كتير بتشكر فيه و بيقول انه عمل كده في كذا عربية اوكتافيا و جيتا عشان مشاكل الكمبروسور بس انا بخاف من كلمة تعديل و الموضوع ده هيدخل في حدود 3500 و الاسعار متفاوتة و ساندن في المعادي قالي مش هيحتاج قواعد و هيركب على طول

الثاني مكان التركيب
1- اولاد عشم نوار كلمتهم بس في تناكة فظيعة في التليفون
2- احمد بتاع ارض اللواء راجل محترم جدااا و جربته مرة
3- مركز سكارو في الحرفيين
4- ساندن بتاع المعادي
انتم رايكم ايه اجيب الكمبروسور استيراد و لا اعمل التعديل
و لو تعرفوا حد كويس بتاع تكييفات يظبط الدنيا دي

[khalid_adel]

انا رأي لو التعديل ده متجرب وتمام اتكل على الله فيه
لان فعلا كومبريسور الجيتا مش قد كده وغالي اوي ومش بكفاءة الساندن
بس اسأل مجرب وروح للي عمله عنده افضل (يبقى كوبي وبيست يعني)

[MohammedAladel]

حتى الفولكس تكييفها ور ور

[mina2210]

الاول انا سعيد بانضمامي لعائلة الفولكس و الحمد لله ربنا وفقني و اشتريت الجيتا و الحمد لله العربية كويسة ال موضوع التكييف ده عشان حاسس اني سايق تاكسي دلوقتي في الحر ده
دلوقتي انا قدامي كذا اختيار في حاجتين
الاول الكمبروسور
1- اركب كمبروسور و سربنتينة جديد في حدود 4500 و ده مش في الامكانيات دلوقتي
2- اركب كمبروسور استيراد و سربنتينة جديدة و ده طبعا ارخص و ده الاقتراح الاقرب ليا بس خايف من الاستيراد و في راي ان كمبروسور الجيتا اصلا واحش و فيه مشكلة و لا اجيبه جديد و لا استيراد
3- كذا واحد قالي على الكمبروسور الساندن و ان في تعديل هيحصل منهم واحد مشهور هنا في المنتدى اللي هو احمد في ارض اللواء و ناس كتير بتشكر فيه و بيقول انه عمل كده في كذا عربية اوكتافيا و جيتا عشان مشاكل الكمبروسور بس انا بخاف من كلمة تعديل و الموضوع ده هيدخل في حدود 3500 و الاسعار متفاوتة و ساندن في المعادي قالي مش هيحتاج قواعد و هيركب على طول

الثاني مكان التركيب
1- اولاد عشم نوار كلمتهم بس في تناكة فظيعة في التليفون
2- احمد بتاع ارض اللواء راجل محترم جدااا و جربته مرة
3- مركز سكارو في الحرفيين
4- ساندن بتاع المعادي
انتم رايكم ايه اجيب الكمبروسور استيراد و لا اعمل التعديل
و لو تعرفوا حد كويس بتاع تكييفات يظبط الدنيا دي

اتوكل علي الله و اعمل التعديل ده
و هو في الحقيقة مش تعديل بالمعتي المتعارف عليه لانه بيركب علي نفس القواعد والمواسير و سير الدينامو الصليين بتوع العربية و الموضوع ده بيتكلف 2800 جنيه بس ممكن تكلمني عشات التفاصيل
01288614446

[minicooper20]

ايه ده انتا اشتريت الجيتا التكيفها مش شغال برضو ؟

[ahmedmaklad]

اتوكل علي الله و اعمل التعديل ده
و هو في الحقيقة مش تعديل بالمعتي المتعارف عليه لانه بيركب علي نفس القواعد والمواسير و سير الدينامو الصليين بتوع العربية و الموضوع ده بيتكلف 2800 جنيه بس ممكن تكلمني عشات التفاصيل
01288614446

انا فهمت غير كده عشان في حوار خراط و قاعدة بتتعمل و مش عارف المواسير كمان بتتظبط باين يمكن حضرتك قصدك على حاجة تانية على العموم هكلم حضرتك النهاردة ان شاء الله

ايه ده انتا اشتريت الجيتا التكيفها مش شغال برضو ؟

ايون انت ممكن تضربني و الله عشان صاحب العربية يعتبر صاحبي و العربية عجباني مفيش ال موضوع الكمبروسور ده و برده كشفت عليها و طلعت تمام ما عدا موضوع الكمبروسور و شوية تظبيطات صغيرة في العفشة الامامية يعني جلبة و بطاحة
في سؤالين كمان
1- زراير الزجاج اللي في الابواب في منها اتمسح و بقى ابيض هو زرارين بس دول بيتغيروا(حسوكة)
2- هو ينفع اركب مثبت سرعة

[أشرف العدوي]

دي مشكلة عندي انا كمان بس في ياريس
هو التعديل هيبقى في قاعدة الكمبوريسور الجديد و تعديل في كهرباء العربية و تعديل في المواسير و طبعاً هتجيب سير جديد بمقاس جديد ( ده كان هيحصل معايا في الياريس )
بس انا قلقت أعمله بصراحة
و فكرة التعديل دي كان نصحني بيها أتنين
لكن في 3 ناصحوني اني اركب بتاع العربية افضل منهم ساندن المعادي
و انا مع الرأي ده
تركب بتاع العربية افضل انت عربيتك غالية و حرام تلعب في الكهرباء و السيور و المواسير

[ahmedmaklad]

دي مشكلة عندي انا كمان بس في ياريس
هو التعديل هيبقى في قاعدة الكمبوريسور الجديد و تعديل في كهرباء العربية و تعديل في المواسير و طبعاً هتجيب سير جديد بمقاس جديد ( ده كان هيحصل معايا في الياريس )
بس انا قلقت أعمله بصراحة
و فكرة التعديل دي كان نصحني بيها أتنين
لكن في 3 ناصحوني اني اركب بتاع العربية افضل منهم ساندن المعادي
و انا مع الرأي ده
تركب بتاع العربية افضل انت عربيتك غالية و حرام تلعب في الكهرباء و السيور و المواسير

انا مستبعد فكرة التعديل دي و بيتهيالي الناس بتنصح عشان ممكن يكون فيه مكسب عالي شوية و معلش انا مش فاهم يعني انت في ناس نصحوك بساندن و لا ايه
لو حد يعرف حد كويس ممكن يبص على الكمبروسور و يشوفه لاني مثلا ديافيا قالوقلي ممكن يكون الكنترول بس اللي بايز

[أشرف العدوي]

لاء انا قصدي شركة ساندن نصحتني بعدم التعديل و اني اركب الاصلي بتاع العربية و اغير السربنتينه
و في 2 كمان اجمعوا على الراي ده
بس سعرهم كان غالي و كمان مافيش ضمان على الكمبوريسور الجديد !!!!!
مش عارف ازاي
ارخص سعر سمعته كان من واحد في السيدة عائشة طرف واحد صديقي
قالي الكمبوريسور جديد و السرنتينة جديدة و الشحن و التنظيف كله 3750
بس من غير ضمان بردو
ساندن كان الموضوع هيتكلف حوالي 4300 او 4500 حاجة زي كدة

أحمد بتاع بولاق انا ما استريحتلهوش علشان قالي سعر في التليفون و لما روحت قالي سعر تاني خالص و لما قولته ليه كدة
رد رد استفزني قالي كنت بجر رجلك !!!!!!!!!!

[ahmedmaklad]

انا ساندن قالي في نوعين كمبروسور واحد بـ 3500 و ده زي الاصلي بالظبط لان الجيتا الجديدة الكمبروسور اللي فيها ساندن و ده عليه ضمان 6 شهور
و نوع تاني بـ 2500 و ده صيني و مفيش ضمان و الاسعار دي بالتركيب و الشحن
انا شايف انه غالي لان انا ممكن اجيب كمبروسور العربية جديد بـ 3000 و هو اصلا في المحلات بـ 3300 فطبعا ساندن ده غالي
احمد انا اتعاملت معاه مرة واحدة و كنت رايح ان في مشكلة كبيرة في سربنيتة التكييف في الاوبل و الموضوع كبير الراجل قالي الموضوع مش مستاهل احنا نشحن و بس و فعلا الموضوع كان حاجة سهلة مع انه كان ممكن يعمل شغل
انا شكلي هروح ناحية الاستيراد و اريح نفسي

[أشرف العدوي]

أنا منتظر الاستاذ كريم منير كان نوهه انه في شركة تتكيف سيارات هتتعامل مع المنتدى و هيكون فيه خصم و كدة
فمستني الاعلان بتاعها

[ahmedmaklad]

انا حاسس انها كده تقريبا هي ساندن المعادي

[أشرف العدوي]

مش عارف ادينا مستنين

[adel_2346]

يا جماعة الخير كومبريسور الجيتا او vw عموما ساندن يابانى
شوف البارت numberوهات زيه من وكيل ساندن وهيركب عليه بالظبط

[ahmedmaklad]

يا جماعة الخير كومبريسور الجيتا او vw عموما ساندن يابانى
شوف البارت numberوهات زيه من وكيل ساندن وهيركب عليه بالظبط

النهاردة كلمت مهندس مينا و هو قال الكلام ده و انا كنت عارف قبل كده و مش محتاج تعديل في المواسير و الليلة دي بس هيحتاج كتاوت عشان الساندن بياخد فولت اعلى
و من الحاجات اللي مش بحبها هي الكتاوت برده تجربتي معاهم في عربية من زمان كانت سيئة حاجات بتسيح و حاجات بتضرب و مش عارف ايه بس مهندس مينا بيضمن الحل ده
لما سالت على نفس الكمبروسور الساندن في المعادي كان قال 3500 و انا شايفه غالي لان الكمبرسور الاصلي بتاع العربية بـ 3300 في المحلات و انا ممكن اجيبه بـ 3000