طرمبة باور بولو 2001 !!!!!!!!

[elbaz45]

انا كان عندى طرمبة الباور بتزن بصوت عالى سواء كانت العربية باردة او سخنة وتعلى اوى الزنة لما تلف الدريكسيون يمين او شمال - وديتها لكذا عفشجى واجمعوا على ان الزنة دى من الطرمبة نفسها ونصحونى انى اكبر دماغى طالما الدريكسيون ناعم فى ايدى - بس الصوت كان عالى اوى ومزعج لدرجة انه اعلى من صوت الماتور نفسه
المهم قلت اريح دماغى وجبت واحدة جديدة ب 550 جنيه والزيت الاصلى ب 50 جنيه وركبت وكله بقى تمام بس المشكلة دلوقتى ان العربية لما تسخن يعنى تمشى بيها ساعة متواصل كدة تسمع زنة لما تلف الدريكسيون بس الزنة مش زى الاول طبعا بس مسموعة وتعلى اكتر كل ما كانت العربية سخنة ولو سيبت العربية تبرد ساعة كدة يرجع يختفى الصوت والدريكسيون يبقى ناعم اوى فى ايدك
رجعت للعفشجى قالى هعملك ايه هقولك هاتلى طرمبة باور جديدة تانى !!!!!!!!!!!
انا ليا رأى فى الموضوع ده وهوا ان زيت الباور لما بيسخن لزوجته بتقل فبيبقى زى الميه فالطرمبة تزن ولما تبقى العربية باردة الزيت لزوجته بتكون لسه عالية فمفيش صوت خالص والدريكسيون بيبقى ناعم
سؤالى هنا هل فى دائرة تبريد لزيت الباور فى العربية البولو 2001 ولا مفيش !!!!!!!!!!!

[Ahmed Mubarak]

متابع

[hanyryd]

هو حضرتك جبتها منين لأني سألت عليها قالولي الصيني ب750 والالماني ب1250 في شارع فيصل

[elbaz45]

هو حضرتك جبتها منين لأني سألت عليها قالولي الصيني ب750 والالماني ب1250 في شارع فيصل

انا جبتها من المنصورة من عند واحد واخد توكيل لقطع غيار العربيات الالمانى اسمه مكاوى والطرمبة دى بتركب لاغلبية العربيات الالمانى على حسب ما فهمت من الراجل
وموجودة استيراد تعمل حوالى 300 جنيه بس انت وحظك فيها

[engmohfaw]

المشكله نفسها كانت عندى صوت العربيه كان مزعج وده لان الزيت اللى كان فيها كان زيت احمرالمهم اشترتها استعمال ب250 وعلبة زيت ب50 وركبتها بنفسى طبعا حسيت انى راكب عربيه تانيه وردا على استفسار حضرتك بخصوص الزنه بعد سخونة الزيت انا ركبتها بالليل وصبحت سافرت بيها الصبح من الاسكندريه للمحله وجربتها الصوت طبيعى والباور خفيف فحاول تتاكد ان هوا الدوره متاخد كويس

[elbaz45]

المشكله نفسها كانت عندى صوت العربيه كان مزعج وده لان الزيت اللى كان فيها كان زيت احمرالمهم اشترتها استعمال ب250 وعلبة زيت ب50 وركبتها بنفسى طبعا حسيت انى راكب عربيه تانيه وردا على استفسار حضرتك بخصوص الزنه بعد سخونة الزيت انا ركبتها بالليل وصبحت سافرت بيها الصبح من الاسكندريه للمحله وجربتها الصوت طبيعى والباور خفيف فحاول تتاكد ان هوا الدوره متاخد كويس

الباور خفيف معايا انما المشكلة فى الزنة بس انا متأكد من ان العفشجى اخد الهوا من الدائرة كويس وبعدين الواحد مش عارف والله بس الحمد لله

[akramlail]

نفس المشكله عندى بس الدركسيون تقيل ساعات وحبه ينعم

[ahmed_autogear]

العيب ممكن يكون من الطلمبة (عيب صناعة) او البلوف نشفة سوء تخزين انا كان عندى البور تقيل غيرت طلبة عند محل فى المريوطية أسمة ملك الجولف وهمة بيدوك فترة تجربة لان عندهم عفشجى بيحدد العيب وعلى أساسة بيشتغل فلو حتى عندك عيب فى دائرة البور بيحلها الاول

[HISHAM80]

متشوف نوع الزيت ممكن يكون مس كويس

[elbaz45]

متشوف نوع الزيت ممكن يكون مس كويس

مهو انا جبت زيت الباور بتاع الالمانى اللى هوا ب50ج

[elbaz45]

العيب ممكن يكون من الطلمبة (عيب صناعة) او البلوف نشفة سوء تخزين انا كان عندى البور تقيل غيرت طلبة عند محل فى المريوطية أسمة ملك الجولف وهمة بيدوك فترة تجربة لان عندهم عفشجى بيحدد العيب وعلى أساسة بيشتغل فلو حتى عندك عيب فى دائرة البور بيحلها الاول

وهيا دائرة الباور فيها ايه تانى غير طرمبة الباور وتانك الزيت والباقى خراطيم

[titos_81]

وهيا دائرة الباور فيها ايه تانى غير طرمبة الباور وتانك الزيت والباقى خراطيم

الاسكاترا يا باشا
و ممكن يكون كان فيها زيت احمر عمل مشاكل مع الطرمبه و الزيت الجداد و عموما مش بيبوظ الطرمبه غير انك تحط زيت باور احمر بيجيب اجلها فى مفيش

[elbaz45]

الاسكاترا يا باشا
و ممكن يكون كان فيها زيت احمر عمل مشاكل مع الطرمبه و الزيت الجداد و عموما مش بيبوظ الطرمبه غير انك تحط زيت باور احمر بيجيب اجلها فى مفيش

طب ايه العمل دلوقتى
زى ما حضرتك شايف انا مغير طلمبة جديدة مش استيراد والزيت الاصل بتاعها
المفروض انى اعمل ايه !!!!!!!!!!!!!!!!