استشاره من محبي الالماني

[doktor3373]

السلام عليكم انا كنت عامل موضوع بخصوص شراء وكنت محتار بين البولو والجولف ٢ و٣ والحمد لله الناس فادتني ولكن بالصدفه وانا بدور في النت علي العربيات لقيت فولكس بوينتير ولقيت ان فيها موديلات حديثه وبيطلب فيها ارقام كويسه يعني لما يطلب في موديل ٢٠٠٥ او ٢٠٠٦ من ٤٠ الي ٤٥ تقريبا فدا برجلي دماغي انا كنت مقرر اجيب بولو او جولف علي حسب الفلوس اللي معايا اكيد هتبقي موديل تسعينات وكده فرق الموديل كبير ودي حاجه مش سهله ان الواحد يعيد نظر في الموضوع فارجو من اهل الخبره ان يقيدوني ايه الفرق وايه اللي مخالي سعرها كده طيب لو قررت اشتريها هي عربيه حلوه ولا وحشه وايه اخبار قطع غيارها وثباتها ومعمره ولا اصرف نظر وادور غلي واحده بولو او جولف ٢ ريحوني من حيرتي

[mahamede]

البوينتر بيبقى الموتور الأساسى بتاعها1600سى سى ومع ذلك بتبقى 6 سلندر وهيا بتبقى متجمعة فى البرازيل ,, عشان كدا بتبقى رخيصة ,, لكن البولو والجولف بيبقوا ألمانى وبيبقوا فى الأساس 4 سلندر وطبعا أفضل بكتير من البوينتر .....

[akmm]

ماقل ودل .... ومفيش تعليق بعد التعليق السابق ...

[khaabas]

فولكس فاجن بوينتر






مواصافات الموديل
الفئه :هاتش باك
الشركه المصنعه : فولكس فاجن ( المانيا ) * تجمع فى البرازيل
عدد الركاب : 5
نوع الجير المتوفر : يدوى 5 سرعات
سنه الصنع : 2007

مواصفات المحرك
الوضعيه : L امامى بالعرض
السعه : 1598 سى سى
عدد الاسطوانات : 4
عدد الصمامات : 8
القوه : 96 حصان @ 5750 د / د
العزم : 14 كجم / المتر @ 3000 د / د
الوقود : بنزين
التلقيم : حقن

المواصفات العامه
نظام الدفع : امامى
الفرامل الاماميه : اقراص
الفرامل الخلفيه : طنابير

الاداء
التسارع من الثبات الى 100 كم / س فى زمن : 11.5 ثانيه
السرعه القصوى : 183 كم / س

استهلاك الوقود
داخل المدن : 170 كم / الصفيحه
خارج المدن : 245 كم / الصفيحه

الابعاد ( بالملى متر )
الطول : 3931
العرض : 1651
الارتفاع : 1414
قاعدة العجلات : 2468
الوزن : 1000 كجم
خزان الوقود : 51 لتر
الاطارات : 14/185/60

الكماليات ( للفول اوبشينز )
كاسيت شرائط
نوافذ كهربائيه
سنتر لوك مع وحدات رفع كامله
تكيف عادى
باور ستيرنج
جهاز انذار


التقيم الشخصى
3.5 نجوم اجمالاً

نصيحتى الشخصية متجبهاش قطع غيارها غير متوفرة والصيانة قليل جدا محترفى صيانة السيارات الالمانى
شوفلك حاجة يابانى او كورى افضل

[ashoub]

خليك فى الجولف 3 او البولو موديل 95 الى 99 لان البوينتر عربيه قطع غيارها غاليه ومش موجوده ابعد عنها خليك زى مقولتلك

[doktor3373]

شكرا يا شباب ردود كافيه وشامله جزاكم الله خير