طلب تسعير صاروخ جولف 4 موديل 2002

[domty78]

السلام عليكم ورحمة الله الاساتذة خبراء ومحبي جولف 4 معروض عليا سيارة موديل 2002 العربية خاصة بأمير سعودي مواصفات خاصة المكنة 2400 cc تربو مانيوال طبعا 7 غيار جنوط وكاسيت cd العربية موجودة بالسعودية والمالك الاول ليها مصري عشان جابها من الامارات بيع وشراء من الامير السعودي فيعتبر المالك الاول ليها فكنت عاوز اسأل عن سعرها في مصر وجماركها هتكون كام واخدها منة بكام مع العلم اني سألت في المرور وواحد قالي انها مش هتقل في الترخيص عن 2000 في السنة ومش عارف الكلام دة صح والا تهيسس العربية ممكن يتعمل زيها هنا لكن الفبريكا شئ تاني طبعا وكمان هقدر انزل من سعر الشراء من الراجل صاحبها فتعتبر ميزة بالنسبة لية والرجاء الرد علي الاستفسار دة في اسرع وقت شكرا لكل من في الجروب المحترم

[eng.m7md.ali]

موضوع امير سعودي دي صعبة الواحد يصدقها عشان محدش بيقدر العربيات الالماني عندهم
والاهم من كدة
انك مش هتقدر تاخد العربية وتدفع الجمارك عشان مش انت المالك الاول وكمان مشترتش العربية في سنة الموديل بتاعها

[domty78]

ما انا قلت انة اخدها منة في دبي وكمان قلت ان الراجل اللي هيبعها دخلها السعودية المالك الاول ليها كدة وضحت اكتر لحضرتك

[eng.m7md.ali]

ما انا قلت انة اخدها منة في دبي وكمان قلت ان الراجل اللي هيبعها دخلها السعودية المالك الاول ليها كدة وضحت اكتر لحضرتك

ماهو بردو المشكلة ان حضرتك مش المالك الاول ومشترتهاش زيرو في سنة الموديل بتاعها
على العموم استنى اراء تانية وياعالم ممكن يكونو غيرو القانون واتمنى فعلا كدة

[domty78]

ايوة فهمتك بس هي هتدخل مصر بأسمة بس انا المنتج يعني هدفع الجمارك ولحد ما تترخص بعدين اخدها منة وادفعلة السعر المتفق علية اللي هيتحدد من حضرتك ومن خبراء الجولف وياريت تحدد سعر عشان اطمن وشكرا

[eng.m7md.ali]

ان كان كدة يبقى نقول مبروك
بس اهم حاجة تضمن حقك
هيا سعر العربية دلوقتي اصلا لو 1400 العادية بتعمل 60 الف تقريبا او اكتر شوية على حسب الحالة
فامش عارف دي نظامها ايه خصوصا انها مبتنزلش مصر
اعتقد كدة دي ال r32 من فئة ال gti

[domty78]

يعني كدة يا باشمهندس فيلكس ممكن ملقيش قطع الغيار بتاعتها ومعلش عشان انا مش خبير في الجولف الgti يعني اية بالظبط

[eng.m7md.ali]

قطع الغيار موجودة بس قليلة جداً في الحرفيين
لان ساعات يعني الواحد بيجيب نصين r32 ده بتحصل مرة كل كام سنة
GTi دي فئة من الجولف بتبقى تقريبا اول موتور منها 1800 سي سي متربنة وفيها مواتير كتير اعلى من كدة

[eng.m7md.ali]

عمتاً 2400 سي سي يعني الجمارك مش هتقل عن 150 الف جنيه
حاول تحط ده في بالك واحسبها صح

[domty78]

معقول 150 الف دي موديل قديم يا باشا عموما انا هيجيلي الرد بتاع الجمارك بكرة ان شاء الله
وهبلغك بية ان شاء الرحمن وشكرا لاهتمامك

[ahmed1981]

طالما اللي هينزل بيها مصر مش هو المالك الأول لها من الزيرو
يبقى مش هينفع تدخل مصر نهائي
ولا تشتريها ولا إمارات ولا سعودية

[eng.m7md.ali]

معقول 150 الف دي موديل قديم يا باشا عموما انا هيجيلي الرد بتاع الجمارك بكرة ان شاء الله
وهبلغك بية ان شاء الرحمن وشكرا لاهتمامك

بالتوفيق ان شاء الله
الجمارك بتتحسب على حسب السعة اللترية مش السنة للاسف :((
ان شاء الله ربنا يخيب ظني وتطلع اقل من كدة

[ahmedwagdy03]

أنا دارس الموضوع ده كويس لإنى كنت ناوى أنزل عربيتى من السعودية .
لازم تكون تاريخ شرائك للسيارة هو سنة 2002 -مافيهاش كلام - و معنى تاريخ شراء السيارة هو التاريخ بتاع برنت المرور يعنى شهادة المرور تكون مكتوب فيها إنك أول واحد طلعت إستمارة -رخصة- السيارة بإسمه و إنك إمتلكت السيارة سنة 2002 إلا إذا كنت مالى إيدك إن الأمير ده له سكك فى المرور يعرف يخلصها و أنصحك ما تدفعش الفلوس كلها إلا لو إدالك البرنت ده لإنه ممكن يخدعك و بعد ما تدفع تروح توثق فى السفارة ماتعرفش.
حاجة تانى حتقابلك هى توثيق شهادة المنشأ من الخارجية السعودية و دى لازم تبقى على فاتورة أصلية طالعة من البائع أو فى حالتك تبقى على أساس ورق الجمارك اللى العربية دخلت بيه من دبى .لازم يبقى بإسمك (إسأل فيها فى الغرفة التجارية الأول) لإن فى بعض الحالات بيعتبروا السعودى على إنه بديل للوكيل الأصلى

نيجى للجمارك . لاحظ إن أقصى خصم هو 10للسنة الأولى و 5 لكل سنة لغاية أول 5 سنين يعنى أقصاه 30% وبيتحسب من حاجة إسمها السيف وارد مش تمن العربية زى الناس فاهمة . السيف وارد cif يبقى تمن العربية + مصاريف الشحن 100دولار على كل مترمكعب من حجم العربية+التأمين 2.5% +التفريغ 1%
و خد بالك إن نسبة الخصم تطبق على سعر السيارة قبل حساب الجمارك بعد كدة حيحاسبك على 135% جمرك ثم 45% ضريبة مبيعات +8.5% رسم تنمية .تقريبى بيحسبوها 247.5 % من تمن السيارة قبل السيف . يعنى بالبلدى خد تمن عربيتك و إضربه فى 70% ثم إضرب فى 247.5%.

معلش أنا طولت عليك .سامحنى

[dramir1]

??????اتوماتيك