طرمبة باور بولو2001 جديدة وبتزن !!!!!!!!!!!!

[elbaz45]

انا معايا بولو2001 وكانت طرمبة الباور بتزن وصوتها عالى المهم مكدبتش خبر وجبت واحدة جديدة زيروه وركبتها وتمام وبعد يومين الطرمبة الجديدة بدءت تزن بس زنة خفيفة قولت يا واد متحطش فى بالك وبعد كده الصوت بيعلى لحد ما بقى مزعج اوى بعد اسبوعين ولأنى جايبها جديدة ومعاها ضمان رجعتها وجبت واحد تانية جديدة برضه وركبتها ومن اول ما ركبت وهيا بتزن والميكانيكى قالى ان الطرمبة بايظة برده وعلى فكرة الراجل فى كل مرة بياخد الهوا من الدايرة وانا مش عارف اعمل ايه افيدومى ربنا يباركلكم !!!!!!!!!!!!!

[alzelafy]

و الله الحوار دة مؤرف جدا و موضوع الزن دة مش عارف من ايه فى حاجه غلط احنا مش عارفينها حصل معانا الحوار دة فى عربيه باسات موتورها باظ و كان عليه الطرنبه شغاله ميه ميه و لما سقطنا موتور تانى كانت طرنبته بايظه قلنا مفيش مشكله نحط الطرنبه القديمه كانت شغاله تمام التمام ركبناها لقيناها بتزن هيا كمان يعنى بمجرد الفك و التركيب بدات تزن يعنى الموضوع مش موضوع حاله الطرنبه موضوع فك و تركيب صح

[engmohfaw]

شوفها استعمال بس ابعد عن المنصوره حراميه بيبيعوها ب350
انا جايبها من اسكندريه ب250 وشغاله الحمد لله تمام وحطيت زيت ابيض العلبه ب50 جنيه

[elbaz45]

و الله الحوار دة مؤرف جدا و موضوع الزن دة مش عارف من ايه فى حاجه غلط احنا مش عارفينها حصل معانا الحوار دة فى عربيه باسات موتورها باظ و كان عليه الطرنبه شغاله ميه ميه و لما سقطنا موتور تانى كانت طرنبته بايظه قلنا مفيش مشكله نحط الطرنبه القديمه كانت شغاله تمام التمام ركبناها لقيناها بتزن هيا كمان يعنى بمجرد الفك و التركيب بدات تزن يعنى الموضوع مش موضوع حاله الطرنبه موضوع فك و تركيب صح

انا حاسس انه بنسبة 90% صوت الزنة ده هوا بيخش الدايرة باستمرار طيب السؤال هنا بيخش منين والجواب اننا لما بنفك الطرمبة ونركب واحد تانية بنفك خرطوم السحب والطرد وخرطوم الطرد ده بيبقى مسمار مفيش منه ضرر يتبقى خرطوم السحب لانه بيخش فى الزور وبيركب عليه افيز وده اللى انا شاكك فيه

[mody4990]

اتأكد ان الطرمبه وهي راكبه والسير مشدود عليها تكون على خط واحد من غير اي لوحات بسيطه علشان الملي بيفرق وبيبوظ الطرمبه والسير وحجات تانيه كتير حصل معايه وحطينا ورده صغيره على نفس الطرمه ورجعت زي الاول واحسن

[gabbbr]

احتمال كبير يكون عندك خرطوم من خراطيم الزيت متنى او مكسور راجع كل الخراطيم اللى واصله للطرمبة

[Ahmed Mubarak]

السلام عليكم

يا ترى اية الاخبار هلى المشكلة اتحلت وعرفت ايه سبب الزنة لان المشكلة دى عندى ومش عارف ايه حلها

[elbaz45]

بص حضرتك هو انا رحت لعفشجى ابن حلال وعنده صبر وبيشغل دماغه فتح الطرمبة القديمة الالمانى وفتح الجديدة الصينى وطبعا فى فرق واضح جدا المهم بعد ما فك الطرمبتين حتة حتة وغسل القديمة بالبنزين تمام اخد من الجديدة الكامة اللى ريش الطرمبة بتلف جواها واخد كمان بلف وبستم صغير خالص بالبلية بتاعته بسوسته صغيرة خالص وركبهم فى الطرمبة القديمة الالمانى لانه كان معجب بيها وبصراحة هيا تستاهل.



لحد كده انا مش مقتنع بحاجة لانه باللى عمله ده كانت الجديدة تشتغل من غير ما تزن فانا طلبت من انه يفك القربة بتاعت الزيت هتلاقى جواها فلتر معرفش يفكه قلتله يكسره وينضفه بالبنزين وبعد كده خليته يحضر الطرمبة وهيا على المنجلة قبل ما يركبها بحيث يحطلها زيت ويلف الطنبورة بايده وهتلاقيها تطلع فقاقيع من الناحية التانية لحد ما تحس انها اتملت من جوه بزيت الباور وده اللى انا كان نفسى اعمله من زمان بس مكنش فيه عفشجى راضى يسمع كلامى وكل اللى عندهم الطرمبة بايظة يا استاذ واحلفلهم انها جديدة يقولوا وماله كل الصينى كده وانا زى ما قلت قبل كده ان دى تانى واحدة جديدة وكويس ان الراجل وافق يرجعها مره قبل كده مش معقول كل اسبوع هروح ارجع للراجل طرمبة واخد واحدة جديدة وغير انى اساسا مش مقتنع انها بايظة
المهم بعد كده ركبها ووصل الخراطيم وحط الزيت فى القربة ودور الموتور ولف الدريكسيون يمين وشمال والحمد لله بسم الله ما شاء الله الله اكبر مزنتش بفضل الله

[Ahmed Mubarak]

السلام عليكم
اللي حضرتك تقصده والواضح من الكلام اني اخلي العفشجي يفك الطرمبه والخراطيم والقربه وينظفهم وان الطرمبه سليم ومحتاجه صيانه فقط صح كده

[elbaz45]

السلام عليكم
اللي حضرتك تقصده والواضح من الكلام اني اخلي العفشجي يفك الطرمبه والخراطيم والقربه وينظفهم وان الطرمبه سليم ومحتاجه صيانه فقط صح كده

بص حضرتك طالما الدريكسيون ناعم فى ايدك يبقى الطرمبة بتؤدى وظيفتها حتى لو بتزن انما لو الزنة مضايقاك فحاول تخلى العفشجى يعملك الحوار الطويل ده بس مفيش عفشجى عنده صبر يقعد معاك ساعتين واسهل حاجة عنده الطرمبة بايظة هات واحد جديدة ولو جبتله وزنت تانى هيقولك الطرمبة بايظة هتقوله دى جديدة هيقولك جديدة بس صينى هات واحدة استيراد احسن وتلف فى دوامة ملهاش نهاية

[SYD]

بص حضرتك هو انا رحت لعفشجى ابن حلال وعنده صبر وبيشغل دماغه فتح الطرمبة القديمة الالمانى وفتح الجديدة الصينى وطبعا فى فرق واضح جدا المهم بعد ما فك الطرمبتين حتة حتة وغسل القديمة بالبنزين تمام اخد من الجديدة الكامة اللى ريش الطرمبة بتلف جواها واخد كمان بلف وبستم صغير خالص بالبلية بتاعته بسوسته صغيرة خالص وركبهم فى الطرمبة القديمة الالمانى لانه كان معجب بيها وبصراحة هيا تستاهل.



لحد كده انا مش مقتنع بحاجة لانه باللى عمله ده كانت الجديدة تشتغل من غير ما تزن فانا طلبت من انه يفك القربة بتاعت الزيت هتلاقى جواها فلتر معرفش يفكه قلتله يكسره وينضفه بالبنزين وبعد كده خليته يحضر الطرمبة وهيا على المنجلة قبل ما يركبها بحيث يحطلها زيت ويلف الطنبورة بايده وهتلاقيها تطلع فقاقيع من الناحية التانية لحد ما تحس انها اتملت من جوه بزيت الباور وده اللى انا كان نفسى اعمله من زمان بس مكنش فيه عفشجى راضى يسمع كلامى وكل اللى عندهم الطرمبة بايظة يا استاذ واحلفلهم انها جديدة يقولوا وماله كل الصينى كده وانا زى ما قلت قبل كده ان دى تانى واحدة جديدة وكويس ان الراجل وافق يرجعها مره قبل كده مش معقول كل اسبوع هروح ارجع للراجل طرمبة واخد واحدة جديدة وغير انى اساسا مش مقتنع انها بايظة
المهم بعد كده ركبها ووصل الخراطيم وحط الزيت فى القربة ودور الموتور ولف الدريكسيون يمين وشمال والحمد لله بسم الله ما شاء الله الله اكبر مزنتش بفضل الله

معلش انا أسف جدا في طلبي

ممكن حضرتك تشرح تاني بتفصيل اكتر وتوضيح اكتر
لأني مافهمتش بالظبط حضرتك عملت ايه

انا كمان عندي الطرمبة بتزن ومش لاقي حل فيها

[elbaz45]

:ta_clap[1]:

ممكن حضرتك تشرح تاني بتفصيل اكتر وتوضيح اكتر
لأني مافهمتش بالظبط حضرتك عملت ايه

انا كمان عندي الطرمبة بتزن ومش لاقي حل فيها

يا خبر ابيض يا بشمهندس سيد ده انت تؤمر يا كبير

بص يا هندسة انا طرمبة الباور كانت بتزن ومع ذلك الدريكسيون ناعم روحت لعفشجية وميكانيكية المانى قالولى الطرمبة بايظة وبالفعل غيرتها بواحدة جديدة قعدت يومين وزنت ولفيت تانى على العفشجية والميكانيكية وقالولى برضه العيب فى الطرمبة ولما زهقت غيرتها تانى بواحدة جديدة تانية وبرده زنت وقالولى دى الطرمبة برضه بايظة فطبعا بما انى مهندس ميكانيكا "مش حلاق" يستحيل 3 طرمبات يطلعوا بايظين
وتحليلى الشخصى ان الزنة كانت بسبب هوا فى الدايرة وانك تفك الطرمبة وتحضرها بره وتتأكد انها اتملت زيت وبعد كده ركبها فى العربية وطلع قربة الزيت ونضف الفلتر كويس ولو معرفتش اكسره وريح بالك وتأكد من الخراطيم وخصوصا خرطوم السحب
ونصيحة متسمعش كلام الصنايعية لان فى واحد قالى العيب فى الاسكاترا ونفك ونشوف بس انا لقيته هيعورنى فى مبلغ ومدخلنى فى حتة تانية ونفضتله
فانت جرب وان شاء الله مش هتزن معاك

[SYD]

يا خبر ابيض يا بشمهندس سيد ده انت تؤمر يا كبير

بص يا هندسة انا طرمبة الباور كانت بتزن ومع ذلك الدريكسيون ناعم روحت لعفشجية وميكانيكية المانى قالولى الطرمبة بايظة وبالفعل غيرتها بواحدة جديدة قعدت يومين وزنت ولفيت تانى على العفشجية والميكانيكية وقالولى برضه العيب فى الطرمبة ولما زهقت غيرتها تانى بواحدة جديدة تانية وبرده زنت وقالولى دى الطرمبة برضه بايظة فطبعا بما انى مهندس ميكانيكا "مش حلاق" يستحيل 3 طرمبات يطلعوا بايظين
وتحليلى الشخصى ان الزنة كانت بسبب هوا فى الدايرة وانك تفك الطرمبة وتحضرها بره وتتأكد انها اتملت زيت وبعد كده ركبها فى العربية وطلع قربة الزيت ونضف الفلتر كويس ولو معرفتش اكسره وريح بالك وتأكد من الخراطيم وخصوصا خرطوم السحب
ونصيحة متسمعش كلام الصنايعية لان فى واحد قالى العيب فى الاسكاترا ونفك ونشوف بس انا لقيته هيعورنى فى مبلغ ومدخلنى فى حتة تانية ونفضتله
فانت جرب وان شاء الله مش هتزن معاك

ربنا يخليك الأمر لله

يعني قصدك افك اللي عندي دلوقتي واملها زيت وهي برة واركبها تاني ؟؟؟
ولا اشتري واحدة جديدة ولو زنت ابقي اخرجها برة ؟؟؟

انا شاكر جدا ليك علي الرد

[SYD]

انا حالياً الدريكسيون عندي خفيف (باور) بس الزنة واكله دماغي جدا
معلية صوت العربية مخلياها نص نقل

[elbaz45]

انا حالياً الدريكسيون عندي خفيف (باور) بس الزنة واكله دماغي جدا
معلية صوت العربية مخلياها نص نقل

والله عاذرك جدا جدا لانها كانت عاملة معاية كدة بالظبط وكانت مكرهانى فى العربية
ويمكن مش هتصدقنى لو قلتلك انى بالفعل كنت بدأت اعرضها للبيع لانى عجزت مع الطرمبة "اصلى كنت هعمل ايه اكتر من اللى عملته"

ونصيحتى ليك هات طرمبة استيراد وحاول متدفعش فيها اكتر من 250 ج واكد على اللى هتشتريها منه انك هتجربها ولو فيها حاجة خلال يومين هتاخد غيرها ومصنعية تركيبها حوالى 30 ج يبقى مسكنا العصاية من النص وفى نفس الوقت مخسناش كتير