بولو Suv من فولكس !!

[Chicco]

قررت VW أطلاق موديل ذو دفع رباعي من سيارتها الصغيرة بولو ...السيارة الجديدة ستتنتمي لفئة baby SUV و ستكون منافس قوي للفوكسهول كورسا SUV و شقيقتها حاملة بادج شفروليه
تشترك البولو SUV مع شقيقتها Tiguan في كثير من ملامح التصميم بالاضافة الى ملامح من EOS خاصة في تصميم الفوانيس الأمامية
ستزود السيارة الجديدة بنظام 4MOTION four-wheel-drive system الخاص بفولكس الموجود أيضا بال-Tiguan و الموفر للوقود و ستكون أعلى بالطبع في خلوصها الأرضي من الموديل الاساسي لبولو ، مع وجود الكثير من التدعيمات الأضافية المعدنية للشاسيه و الكابينة لدعم ادائها على الطرق الوعرة
أما المحركات فتشمل الأتي
- محرك بنزين ٣ سلندر ١٢٠٠ سي سي ٦٠ حصان و ٧٠ حصان
- محرك بنزين ١٤٠٠ سي سي ٨٥ حصان
- محرك بنزين ١٢٠٠ سي سي TSI تيربو ١٠٥ حصان
- محرك ديزل ١٦٠٠ سي سي TDI تيربو ٧٥ و ٩٠ و ١٠٥ حصان

و ستتوافر الموديلات بجير بوكس يدوي ٦ سرعات كتجهيز أساسي مع توافر خيار twin clutch DSG ذو سبع سرعات

الموضوع منقول و مترجم بتصرف :)

[Ahmed Anwer]

جاااااااااااامد يا دكتور ،،

أنا بحب الفئة دي جداااا ،،

اقتصادية و قوية ،،،

بس للأسف مفيش منها في مصر مناسب غير التيريوس ،،

تحية لتعبك في التصرف ،،

:):):)

[Chicco]

الباشمهندس أحمد أنور.....ربنا يخليك يا صديقي ...دايما رافع روحي المعدنية بذوقك يا باشا :)
رأيي الشخصي الفئة ديه مناسبة جدا لينا في المحروسة بس فين التوكيل اللي يفهم

[mohamed_88sk]

رأيي الشخصي الفئة ديه مناسبة جدا لينا في المحروسة بس فين التوكيل اللي يفهم

أؤيد كلام حضرتك فين التوكيل اللي يفهم ومش بس كده !!!
ينزلها بسعر محترم معقول عشان يبيع ويشوف الأقبال المتهافت قد ايه
لأنها الفئه بجد اللي تنفع في المعارك الحربيه اقصد في الشوارع المصريه .

[M!NA]

فولكس... و 4x4 ... و كمان ديزل...

أنا كدا كل أحلامي اتحققت.... :D

[Chicco]

محمد السيد باشا ..كلامك مظبوط طبعا :)

فولكس... و 4x4 ... و كمان ديزل...

أنا كدا كل أحلامي اتحققت.... :D

لأ و تيربو كمان يا زعيم

[M!NA]

الله عليك و على مواضيعك يا chicco باشا :)

بجد دايما في الجوووووووووووووون :)

[Chicco]

العفو يا باشا ....و احنا نيجي إيه جنبك .....بنحاول بس :)

[wawoo]

اطلاق امتى يا شيكو , دول بيتكلمو فى سنة 2010 مين يعيش بقى

[Chicco]

اطلاق امتى يا شيكو , دول بيتكلمو فى سنة 2010 مين يعيش بقى

يا باشا ربنا يديك الصحة و طولة العمر ....سعادتك احنا في النص التاني من ٢٠٠٨ ...موديلات ٢٠٠٩ ابتدت تنزل فعلا ...كلها كم شهر و إن شاء الله موديلات ٢٠١٠ تبقى موجودة :)
و طبعا أخوك شيكو جايب الخبر سخن و طازة من مطبخ VW (ربنا يخلي لينا ألفيس بوك ;))