استشارة قيل ما انضم ليكو من قسم الديو

[mo3tazanas]

السلام عليكم
استشارة من قسم الفولكس وتحديدا لراكبي الجولف 4
ان شاء اللة ناوى اشترى جولف 4 مو 99 طبعا انا اول مرة اركب المانى بعد الكورى (نوبيرا)
كنت عايز اعرف ؟
اية اخبار العربية دى من حيث كل حاجة ؟(اداء العربية -واسعة من جوة وال لا -استهلاك البنزين - اعطالها كتير مثلا- اخبار قطع الغيار غالية رخيصة متوفرة وال نادرة ........الخ)
سعرها كام فى السوق ؟
انا اللى معروضة عليا منوال 99 1600ccوحالتها ماشاء اللة وجنوط اسبور واير باج وabs عاملة 115 الف كيلو فابريكة جوة وبعض الاجزاء الخفيفة برة نظافة
ارجوكم افيدونى ولكم جزيل الشكر

[mo3tazanas]

اية ياجماعة انتوا مخصمين بتوع الدايوا واللا اية؟

[mo3tazanas]

الف شكر يارجالة على المعلومات القيمة دى
اية هو الناس اللى فى القسم دة مسافرين وال اية

[gabbbr]

اهلا بيك فى القسم
بالنسبة للجولف 4 ممتازة و هتشعر بفارق الثبات و المتانه و التسارع بالاضافه ان صالونها شيك جدا اما عن قطع غيارها على سبيل المثال طقم السرفيس بالسيور و بلية الشداد فيتجاوز ثمنهم 1000 جنيه ده لو بتتكلم عن الموتور 1600 sr الكامه الواحدة نفس موتور البورا و الاوكتيفيا اما عن قطع الغيار الاستيراد فالموتور الاستيراد بدون وسائل تغذية و فتيس بيوصل ثمنه 3500 جنيه للموتور ال 2000 cc و ينفع يركب لل 1600 بدون اى تغيير اما الموتور ال 1600 cc بيوصل تمنه 4000 جنيه و الفانوس الامامى بيبتدى من 200 جنيه و الرفرف 350 للجوز و الكابوت حوالى 400 جنيه او اكتر الميزة ان كل قطع غيارها الاستيراد متوفرة و هترخص مع الوقت لكن هذه السيارة تحتاج ميكانيكى متخصص و يوجد منهم اسماء محدوده لكنهم ممتازين ان كنت تريد قطع غيار اقل بكثير فعليك بجولف 3 تقارب قطع غيار الدايو و ان قلت عنها
اما عن استهلاكها فى البنزين فاحسن من النوبيرا و التى تماثلها فى السعة اللترية
اما عن اعطالها فليست كثيره بس تجنب الفيتيس الاوتوماتيك يحتاج عنايه خاصة جدا
متوسط سعرها فالاسعار متفاوته يعنى ممكن تلاقى بداية من 50000 جنيه حتى 55000 جنيه
و الله اعلم

[Khaled Online]

اهلا بيك فى القسم
بالنسبة للجولف 4 ممتازة و هتشعر بفارق الثبات و المتانه و التسارع بالاضافه ان صالونها شيك جدا اما عن قطع غيارها على سبيل المثال طقم السرفيس بالسيور و بلية الشداد فيتجاوز ثمنهم 1000 جنيه ده لو بتتكلم عن الموتور 1600 sr الكامه الواحدة نفس موتور البورا و الاوكتيفيا اما عن قطع الغيار الاستيراد فالموتور الاستيراد بدون وسائل تغذية و فتيس بيوصل ثمنه 3500 جنيه للموتور ال 2000 cc و ينفع يركب لل 1600 بدون اى تغيير اما الموتور ال 1600 cc بيوصل تمنه 4000 جنيه و الفانوس الامامى بيبتدى من 200 جنيه و الرفرف 350 للجوز و الكابوت حوالى 400 جنيه او اكتر الميزة ان كل قطع غيارها الاستيراد متوفرة و هترخص مع الوقت لكن هذه السيارة تحتاج ميكانيكى متخصص و يوجد منهم اسماء محدوده لكنهم ممتازين ان كنت تريد قطع غيار اقل بكثير فعليك بجولف 3 تقارب قطع غيار الدايو و ان قلت عنها
اما عن استهلاكها فى البنزين فاحسن من النوبيرا و التى تماثلها فى السعة اللترية
اما عن اعطالها فليست كثيره بس تجنب الفيتيس الاوتوماتيك يحتاج عنايه خاصة جدا
متوسط سعرها فالاسعار متفاوته يعنى ممكن تلاقى بداية من 50000 جنيه حتى 55000 جنيه
و الله اعلم

بعد إذن صاحب الموضوع، كنا لسه بنتكلم في الموضوع ده في قسم السيات واللي فهمته من الناس إن فتيس ال DSG هو اللي عليه كلام سلبي إلى حد ما وده في الموديلات الأحدث، يعني آخر 5 أو 6 سنين

http://www.nilemotors.net/Nile/303396-dsg-7-speed-5.html

سامحني إني خرجت عن الموضوع بس أنا بفكر في جولف أو إبيزا 2000-2005 أوتو وموضوع الفتيس ده قلقني :)

[gabbbr]

دع ما يريبك الى ما لا يريبك

[Khaled Online]

دع ما يريبك الى ما لا يريبك

المانيوال الذي لا يريبني هيتعبني ههههه

[gabbbr]

على فكرة انا ابن خالى اشترى بورا حالة ممتازة اوتوماتيك و مكملتش معاه شهرين و جابت فتيس على الطريق الصحراوى
و اسمه خالد برضه

[Khaled Online]

على فكرة انا ابن خالى اشترى بورا حالة ممتازة اوتوماتيك و مكملتش معاه شهرين و جابت فتيس على الطريق الصحراوى
و اسمه خالد برضه

انت قفلتني كدة على فكرة هههههه
ربنا يعوض عليه
كانت موديل كام؟

[gabbbr]

افتكر كان موديلها 2002 عموما لو لسه مصمم فيه عربيه جولف مو 1999 اوتوماتيك 1600 cc معروضه على موقع سيارات طالب فيها 55000 بداية كلام و تليفونه 01022614745 بس انا معنديش اى معلومات عنها لانها من اعلان و حاول معاه على 50000 فى البداية و انتى معاه علشان ميفتكركش بتتكلم و خلاص و يشعر بجديتك و اطلع سنه سنه و اكد على حالة الفتيس و غير الزيت امتى و الافضل لو رخصة باسمه

[gabbbr]

انا مكتبتش اسم الموقع علشان نايل موتورز عنده موقع للسيارات و يفتكرنى بقطع عليه او بلغة السياسيين اللى قرفنا منها بزايد عليه

[Khaled Online]

افتكر كان موديلها 2002 عموما لو لسه مصمم فيه عربيه جولف مو 1999 اوتوماتيك 1600 cc معروضه على موقع سيارات طالب فيها 55000 بداية كلام و تليفونه 01022614745 بس انا معنديش اى معلومات عنها لانها من اعلان و حاول معاه على 50000 فى البداية و انتى معاه علشان ميفتكركش بتتكلم و خلاص و يشعر بجديتك و اطلع سنه سنه و اكد على حالة الفتيس و غير الزيت امتى و الافضل لو رخصة باسمه

تمام وألف شكر عالاهتمام والنصيحة الصادقة :)

انا مكتبتش اسم الموقع علشان نايل موتورز عنده موقع للسيارات و يفتكرنى بقطع عليه او بلغة السياسيين اللى قرفنا منها بزايد عليه

لا عادي
أنا مابحطش لينكات بس ممكن أكتب اسم الموقع نفسه
هو موقع واحد اللي ببص عليه ولو مفيش صورة في الإعلان مبهتمش: كو..... كا.