اشتريت بولو عيون 2005 محتاج استشارة خبراء التعديل

[marcomichael]

صباح الخير
انا اشتريت بولو عيون 2005 كاملة عيون العربية حالة فعلا فبريكة بالكامل فعلا عربية حلوة قوي بالنسبة ل 2005 المتور 1000 cc 16 valve مانوال ماشية 130 الف كيلو فيها جنوط 15 فولكس

عندي شوية اسئلة
هل ينفع تعديل وتركيب فتيس اوتوماتك علي نفس الموتور ولا الزم الموتور يتغير و لو لازم يتغير انسب حاجة اية و بكام واية تاني هيحتاج يتغير ( يعني الموضوع كلة )

سعر العربية دي تعمل كام

مميزات و عيوب العربية

ملحوظة تم تجربة السيارة وهي ممتازة فعلا سحب و فتيس وعفشة ( طبعا مع مراعاة ال 1000 cc )

شكرا

[SYD]

ربنا يباركلك فيها
بس هو حضرتك ليه اشتريتها ؟؟؟ لكونها سعرها لقطة ؟؟؟ طب مانت عشان تركب فتيس او موتور بفتيسه هتضيع حسنتها وهتبقي واقفة عليك بكتير
ماكنت جبت واحدة اوتو من الأول

انا مش قصدي اتدخل فيما لا يعنيني - بس انا قصدي انك تركبها وتستمتع بيها ولما تزهق منها خالص بيعها وهات واحدة اوتو فبريكة احسنلك واوفرلك

[marcomichael]

شكرا علي الرد استاز سيد بقالي اكتر من 4 شهور بدور علي عربية هاتشباك اوتو مفيش غير الكيا و طبعا هي حاجة و البولو حاجة و العربية التانية السيريون و كانت عجباني بس العربية الحالة منها كانت بتبقي غالية يعني فرق مش اقل من عربيتي عن 10000 جنية و لقيت العربية دي كويسة و اقتنعت بيها و انا اعرف ان الفولكس سهل تعديلة الي حد كبير ( علي فكرة العربية لبنت مش ليا فبحاول اسهل الموضوع بالفتيس الاوتو )

[marcomichael]

انا سالت علي العربية دي تعمل كام علشان انا مش عارف انا شاريها لقطة و لا غالية فلو ممكن حد يفيدني في السعر

[elking60309]

السعر المتوسط للسيارة على حسب الحالة العامة يتراوح من53000 الى 60000 والسعر الدارج بالسوق 55000 وهذا للعلم

[marcomichael]

السعر المتوسط للسيارة على حسب الحالة العامة يتراوح من53000 الى 60000 والسعر الدارج بالسوق 55000 وهذا للعلم

مشكوووووور و بالنسبالي كدة يبي انا واخدها لقطة لان العربية حالتها فوق الممتازة لاكن مفيش اي تعليق بالنسبة لموضوع الفتيس و المميزات و العيوب بتاعت العربية ؟

[elbaz45]

السعر المتوسط للسيارة على حسب الحالة العامة يتراوح من53000 الى 60000 والسعر الدارج بالسوق 55000 وهذا للعلم

حضرتك مش شايف ان الارقام دى عالية شويتين
انا بصراحة وانا بشترى عربيتى دورت على النت كتير وكنت بشوف اسعار غريبة انما فعلا لو عايز تعرف سعر عربية انزل السوق ولو حتى مش هتشترى من السوق بس اعرف السعر الصح لعربيتك من السوق
انما بولو عيون ب55 كتير اوى عليها متنساش دى 1000cc يعنى مهما كان موتورها ضعيف وبيضعف اكتر لما تحملها او تشغل التكييف حتى لو كانت حالة الموتور ممتازة

هل ينفع تعديل وتركيب فتيس اوتوماتك علي نفس الموتور ولا الزم الموتور يتغير و لو لازم يتغير انسب حاجة اية و بكام واية تاني هيحتاج يتغير ( يعني الموضوع كلة )

انت كده عاوز تجيب موتور استعمال مثلا 1400cc بفتيسه بضفيرته بكنتروله وده هيكلفك كتير لان الموتور 1400cc ناس كتير جبته فى حدود 3000من غير الفتيس وانت عاوز بفتيس اوتوماتيك يعنى هيكلفك اكتر من كده

تم تجربة السيارة وهي ممتازة فعلا سحب و فتيس وعفشة ( طبعا مع مراعاة ال 1000 cc )

لازم تحط فى اعتبارك ان الموتور اللى انت بتشكر فيه اوى ده انت هترميه لما تجيب واحد تانى لانى مشوفتش تاجر بيجيب مواتير 1000cc خالص والله اعلم طبعا
وعلى العموم ربنا يباركلك فيها ويديك خيرها ويكفيك شرها