استشارة عاجلة من وحوش الالمانى

[elbaz45]

انا معايا بولو 2001 وفيها كل حاجة تمام وسحبها حلو جدا وبسافر وبتجرى معايا اوى وتكييفها ممتاز
بس من اسبوع كده حد لعب فى دماغى علشان ابيعها واشترى هيونداى جيتز وخصوصا انى بعضق الهاتش باك وطبعا بيقنعنى بان الجيتز احدث وماتور اكبر 1600cc يعنى سحب اكبر وسرعة اعلى وتكييف اشد وقطع غيار ارخص بكتير وطبعا هدفع فرق فلوس علشان الجيتز اغلى
بس انا اللى مضايقنى من الجيتز ان مفيهاش ايموبلايزر "مفتاح شفرة زى البولو" وبحس انها اضيق من البولو حاجة بسيطة
يا ترى رأيكم ايه ؟؟؟؟؟؟؟؟

[amr_8800]

والله يا باشا انا شايف ان صعب اوي تنزل من فولس فاجن عشان تركب كوري
اه الجيتز بتجري جري السنين بس خلي بالك مبتقفش
الفرامل ضعيفه جدا وبتزحف
ومتعرفش يعني ايه stability

ده رأيي المتواضع
ممكن يكون صح وممكن يكون غيلط

[elbaz45]

والله يا باشا انا شايف ان صعب اوي تنزل من فولس فاجن عشان تركب كوري
اه الجيتز بتجري جري السنين بس خلي بالك مبتقفش
الفرامل ضعيفه جدا وبتزحف
ومتعرفش يعني ايه stability

ده رأيي المتواضع
ممكن يكون صح وممكن يكون غيلط

يا باشا شكرا على اهتمامك
وعلى فكرة موضوع الفرامل ضعيفة ده فى الكورى كله ولا ايه لانى سمعته على الانوس والفيرنا وحضرتك كمان بتقولى الجيتز دلوقتى
وموضوع stability بيبان بعد سرعة كام تقريبا ؟؟؟؟؟

[mido_antouhh]

البولو برقبتها
دهع رائي ولو انت غاوى جري سقط ماتور 1400
بكل حاجته 2 كامه
(تكييف باور الفتيس الدفيره الكنترول)
واتفرج على الجري والشد والستابل
بجد العربيه حتفرق معاك 360 درجه
وساعتها ولا حد حيفكر يشد جنبك

[elbaz45]

البولو برقبتها
دهع رائي ولو انت غاوى جري سقط ماتور 1400
بكل حاجته 2 كامه
(تكييف باور الفتيس الدفيره الكنترول)
واتفرج على الجري والشد والستابل
بجد العربيه حتفرق معاك 360 درجه
وساعتها ولا حد حيفكر يشد جنبك

والله كلامك ده دار فى راسى بالظبط قبل ما تقوله وكان نفسى اسمعه من حد علشان مبقاش لوحدى اللى فكرت فيه ويطلع غلط والبس فى الحيط وهو كلام مقنع الى حد كبير

[elshrpeny]

والله أنا عايز أقول لحضرتك حاجة برده
غير إن البولو أفضل فى كل الحاجات إلى الأعضاء الكرام قالو عليها , متنساش كمان إنها أجمد بودى وصاج و عفشة
+ كمان إن ليها إكسسوارات كتيييييييير أصلى و غير أصلى لما بيركبولها بتبقى عربية خرافة الصراحة
+ إن ليها خيارات تسقيط كتيرة فعلا يعنى ممكن تخليها بسم الله ما شاء الله صاروخ أرض جو ( دا طبعاً بعد طولة العمر إن شاء الله للماتور الحالى )
و أخيراً يوم ما تبيعها متفكرش فى أقل من الجولف 4 , بحيث يبقى الفلوس إلى دفعتها فوق البولو أبقى جبت جولف مش ابقى جيبت جيتز

وربنا يوفقك لما هو فيه خيراً لك

[elbaz45]

والله أنا عايز أقول لحضرتك حاجة برده
غير إن البولو أفضل فى كل الحاجات إلى الأعضاء الكرام قالو عليها , متنساش كمان إنها أجمد بودى وصاج و عفشة
+ كمان إن ليها إكسسوارات كتيييييييير أصلى و غير أصلى لما بيركبولها بتبقى عربية خرافة الصراحة
+ إن ليها خيارات تسقيط كتيرة فعلا يعنى ممكن تخليها بسم الله ما شاء الله صاروخ أرض جو ( دا طبعاً بعد طولة العمر إن شاء الله للماتور الحالى )
و أخيراً يوم ما تبيعها متفكرش فى أقل من الجولف 4 , بحيث يبقى الفلوس إلى دفعتها فوق البولو أبقى جبت جولف مش ابقى جيبت جيتز

وربنا يوفقك لما هو فيه خيراً لك

والله فعلا معاكم حق فى كل كلامكم لدرجة انى بدأت احس ان شركة فولكس هتحطنى بلاك ليست لو بعت البولو وجبت الجيتز

+ كمان إن ليها إكسسوارات كتيييييييير أصلى و غير أصلى لما بيركبولها بتبقى عربية خرافة الصراحة

اتقل عليك بعشمى معلش زى ايه الاكسسوارات الكتير دى يا باشا لانى من زمان بدورلها على حاجات اروشها بيها ومش لاقى

[elshrpeny]

لاء بالنسبة لشركة فولكس فهى مش هتحطك فى البلاك ليست لاء هى ممكن تفكر إن الثورة عندنا هنا فى مصر خلتنا نثور على كل حاجة منها عربياتنا إلى إحنا جايبينها حتى بإرادتنا كمان هههههههه ( بإعتبارة نظام قديم )

بالنسبة للإكسسورات فا أنا كان قصدى يعنى قطع الغيارالمعدلة و الأصلية , مش عارف بقى بتعتبر منها ولا لاء , على العموم أقولك على إلى عرفته إن شاء الله

- فوانيس أماميه عدسات ودى منها كذا شكل حلويين الصراحة
- فوانيس خلفيه ودى فى منها كذا شكل حلويين برده , أحسنهم وأشيكهم الليدات بجد جميلة .
- ممكن برده تاخد بعضك يا معلم وتقوم رايح لعرب كوم , و تقوم جايبلك طقم جنوط أصلى عشره على عشره فولكس 15 مثلا هو ممكن يبقى أغلى شوية من الصينى والتايوانى بس إيه على زى ما سمعت حاجة بسم الله ما شاء الله
- طقم كاسيت بايونير بسماعات بصب بايونير ومعاهم جى إم أكيد , و إسمع بقى الصوت يا باشا .
- عندك بقى لو إنت لسة مركبتش زجاج كهرباء , تروح تجيبلك 2 زجاج كهرباء أمامى إستيراد حالة زيرو بوحدات الرفع بالضفيرة بمفاتيح البابين , ولو فرش أبوابك قدم هاتلك كمان فرش أبوابهم الأصلى الى فيهم مكان لمفاتيح الزجاج , أما لو فرشك تمام هو هيقطعلك حتتين على مقاس المفاتيح ويبقوا شبة الأصلى إن شاء الله ( دا إلى أنا عملتة عندى الحمد لله )
حتى الكهربائى ساعتها قالى إن الفرش دا افضل من الفرش الاصلى بتاعهم والله أعلم
- + كمان لو لسة الطارة بتاعتك عادية مغيرتهاش , فتجيبلك طارة أيرباج أصلى فولكس بولو لحد 2001 ومتخليهوش ساعتها يقصلك زى فيشه كدا بتبقى طالعه منها ويقولك أصلك مش هتشغل الايرباج فملهاش لازمه قوله لاء انا عايزها ركبهالى زى ما هيه .
- عندك برده الفوج لايت الأمامى , بس يفضل تجيبهم بشبكهم مكنش تقص فى الشبك الحالى على ما تلاقى الشبك بتوعهم + المفتاح لان الحالى تكه واحده الفوج ب 2 تكة لبره .
- اه ممكن كمان تجيبلك مرايات كهرباء وعلى ما أفتكر إنهم ضم كمان بس انا قلقت منهم لان الراجل بتاع الابواب كان قالى مبيبقوش زى الى راكبين عندك تقريبا أصغر وبالتالى الرؤيه مبتبقاش كويسه منهم ( ودا مش كلام أكيد , مع إنه كان حكالى على واحد مركبهم ودا الى حصل معاه ) .
- دا غير بقى فى إكصدامات خلفية و شكومانات بس بصراحة مليش خبره ولا حتى معرفة صطحية فى الموضوع دا .
* بس أحسن حاجة بالنسبة للأكصدام الامامى إنك لو توقعلك حتة gti ( صدر أمامى , دا من وجهة نظرى ) ما شاء الله عليها تقريباً أجمد من الحالية + إنها أشيك + إنها هتوفر عليك موضوع الفوج لانه بيجى معاها كامل و كمان بتيجى بالشبكة بتاعة علامة الفولكس gti + فوانيس عدسات أصلى فهتريحك من الفوانيس الامامية الى كنت قولتلك عليها فى الاول ( ودا الى بفكر أعملة الصراحة ) .

وجعت دماغك صح بس إنت إلى سألت هههههههههههه
بس يا باشا ولو فى حاجة عايز تسال عليها أسال
و أنا لو فى حاجة افتكرتها هقولك إن شاء الله

[elbaz45]

والله الواحد مش عارف يقول ايه بصراحة الاستاذ شربينى الواحد بينحنى ليه على اهتمامه وانه مبخلش حتى بالتفاصيل ربنا يجازيه خير يا رب وكمان كل اللى انت وضحته انا عاوز اغيره فعلا لان الفرش عندى وحش اوى والطارة بايظة وصرتها واقعة

- عندك بقى لو إنت لسة مركبتش زجاج كهرباء , تروح تجيبلك 2 زجاج كهرباء أمامى إستيراد حالة زيرو بوحدات الرفع بالضفيرة بمفاتيح البابين , ولو فرش أبوابك قدم هاتلك كمان فرش أبوابهم الأصلى الى فيهم مكان لمفاتيح الزجاج

بس والله اعلم طقم الفرش ده هيتكلف جامد لانى سألت عليه من زمان وسمعت رقم كبير اوى فيهم

- كمان لو لسة الطارة بتاعتك عادية مغيرتهاش , فتجيبلك طارة أيرباج أصلى فولكس بولو لحد 2001 ومتخليهوش ساعتها يقصلك زى فيشه كدا بتبقى طالعه منها ويقولك أصلك مش هتشغل الايرباج فملهاش لازمه قوله لاء انا عايزها ركبهالى زى ما هيه

دى بقه فعلا بجد كنت هجيبها من الحرفيين ب150 جنيه بس من غير الصرة بتاعتها اللى هيا اصلا واقعة من عندى علشان كده مجيبتهاش وبعدين مرضاش ينزل فى سعرها

- عندك برده الفوج لايت الأمامى , بس يفضل تجيبهم بشبكهم مكنش تقص فى الشبك الحالى على ما تلاقى الشبك بتوعهم + المفتاح لان الحالى تكه واحده الفوج ب 2 تكة لبره .

الفوجات موجودة الاتنين ب300 جنيه عند الشيخ حسن فى الحرفيين بس الشبك بتاعهم اللى مش موجود خالص وفى واحد قالى هديهملك ب300 فحرام عليا بصراحة ادفع فى شبكتين بلاستيك 300 جنيه

- اه ممكن كمان تجيبلك مرايات كهرباء وعلى ما أفتكر إنهم ضم كمان بس انا قلقت منهم لان الراجل بتاع الابواب كان قالى مبيبقوش زى الى راكبين عندك تقريبا أصغر وبالتالى الرؤيه مبتبقاش كويسه منهم ( ودا مش كلام أكيد , مع إنه كان حكالى على واحد مركبهم ودا الى حصل معاه ) .

دى بقى انا مش هعملها لان كل شوية موتوسيكل يجى من جانبى يخبط المراية لبرة او عيل غلس يلوحها علشان يجيب اخرها

* بس أحسن حاجة بالنسبة للأكصدام الامامى إنك لو توقعلك حتة gti ( صدر أمامى , دا من وجهة نظرى ) ما شاء الله عليها تقريباً أجمد من الحالية + إنها أشيك + إنها هتوفر عليك موضوع الفوج لانه بيجى معاها كامل و كمان بتيجى بالشبكة بتاعة علامة الفولكس gti + فوانيس عدسات أصلى فهتريحك من الفوانيس الامامية الى كنت قولتلك عليها فى الاول ( ودا الى بفكر أعملة الصراحة ) .

دى فعلا جامدة جدا بس ياترى تتكلف كام ؟؟؟؟؟؟؟

ومرة تانية بكرر شكرى ليك

[elshrpeny]

والله الواحد مش عارف يقول ايه بصراحة الاستاذ شربينى الواحد بينحنى ليه على اهتمامه وانه مبخلش حتى بالتفاصيل ربنا يجازيه خير يا رب وكمان كل اللى انت وضحته انا عاوز اغيره فعلا لان الفرش عندى وحش اوى والطارة بايظة وصرتها واقعة

الله يكرمك ويخليك يا باز لا شكر على واجب دى أقل حاجة أقدر أقدمها ليك وللمنتدى كله والله , عشان الفائده تعم وفى نفس الوقت انا كنت فى يوم من الايام برده كنت ببقى محتاج أعرف حاجات كتير و كان بيبقى نفسى إن حد يفيدنى بالتفاصيل والاسعار بس أعضاء المنتدى الكرام الله يجازيهم خير مأثروش معاية فى حاجة أبداً , دا غير إنى أحب أن أعامل الناس زى ما أحب انهم يعاملونى ( أعمل يا ابن أدم كما شئت وكما تدين تدان ) والحمد لله رب العالمين على كل شىء

بس والله اعلم طقم الفرش ده هيتكلف جامد لانى سألت عليه من زمان وسمعت رقم كبير اوى فيهم

هو فعلا فرش البابين الاماميين , الخاصين بمفاتيح الزجاج الكهرباء كانوا عاملين 400 جنيه ساعة ما كنت بشترى ( ولسه مكنتش فاصلته يعنى كان ممكن يكرمنى فيهم شوية والله أعلم ) , بس لما خليته بص على فرش ابوابى الله يكرمة كان عنده ضمير وقالى لاء فرشك كويس وركب عليهم , والحمد لله وفرت ال 400 جنيه

دى بقه فعلا بجد كنت هجيبها من الحرفيين ب150 جنيه بس من غير الصرة بتاعتها اللى هيا اصلا واقعة من عندى علشان كده مجيبتهاش وبعدين مرضاش ينزل فى سعرها

طيب الحمد لله إنك مجبتهاش عارف لية ؟
أولاً مبدئياً كدا قبل كل حاجة الطارة دى خامتها سيئة شوية يعنى جبتها جديدة مجبتهاش جديده كدا كدا هتقشر معاك , اما الصره نفس الوضع مفيش عربية بولو فيكى يا مصر الاا ما هتلاقى الصرة مقشرة شكلها يقرف وكمان يا ريت على اد كدا لاء وباظة بره شبرين وكمان ممكن تلاقى الزمارة بتعلق حاجة تعكنن , دا غير إن واحد صاحبى معاه أبيزا 2000 قالى مالها كدا عاملة زى طارة العربيات النقل قولتله يا راجل , أنا إستغربت الصراحة ساعتها ههههههههه ( كنت لسة جايبها جديد ومعرفش حاجة بقى )

من الاخر عشان تريح بالك ودماغك هاتلك طارة أيرباج محترمة خامة نظيفة لا فيها صرة ولا مصراش شيك جدا هتحس إن شاء الله إن سواقتك للعربية إختلفت خالص ( الراجل وهو بيركبهالى قالى هتحس إنك سايق بورا .... قولت فى عقل بالى مش للدرجة أدى يعنى ..... ومقولكش بجد حسيت إنى سايق عربية محترمة بجد الحمد لله , فيها زمارة من أربع جوانب و هكذا
أنا جايب واحدة , كانت يوميها عاملة 300 جنيه ( على فكرة دى كانت بتوصل ل 600 جنيه )

الفوجات موجودة الاتنين ب300 جنيه عند الشيخ حسن فى الحرفيين بس الشبك بتاعهم اللى مش موجود خالص وفى واحد قالى هديهملك ب300 فحرام عليا بصراحة ادفع فى شبكتين بلاستيك 300 جنيه

لاء يا عم الباز هيه مبتتحسبش كدا , فعلاً الفوج لايت الأمامى كامل 2 شبكه و 2 فوج و المفتاح ال 2 تكة كان بيعمله 700 جنية عند أكتر الناس عندنا هنا فى دمياط إستيراد , فدا الطبيعى يعنى

دى بقى انا مش هعملها لان كل شوية موتوسيكل يجى من جانبى يخبط المراية لبرة او عيل غلس يلوحها علشان يجيب اخرها

فدى عندك حق مقدرش اقولك تلت التلاته كام , بس هو عموماً دى تخليها أخر حاجة خالص تعملها , بعد ما تخلص الحاجات الكتير الأهم والأولى بعد كدا بقى تفكر فى الزيادات

دى فعلا جامدة جدا بس ياترى تتكلف كام ؟؟؟؟؟؟؟

والله انا على حد علمى , وعلى أد إلى شوفته إن الصدر الامامى الكامل ال GTI بس حالة نظيفة إن شاء الله ب 5000 جنية , بدون تركيب ( ولسة مفاصلتش معاه , يعنى إحتمال تتهز شوية إن شاء الله )

ومرة تانية بكرر شكرى ليك