زيت البارو الأصلى G002000 or G004000 m2 فين وبكام؟؟؟

[original]

هوا التوكيل فيه الزيت ده وللا إيه؟؟
طيب لو حد غيره أبل كده ياريت يفيدنى بس المهم يكون فولكس الأصلى!!
G 004 000 M2
Made in Germany
فين وبكام؟؟

[original]

تم إحضار الزيت بنجاح من توكيل فولكس فاجن الإمارات
تمنه بالمصرى 75 جنيه
اللون أخضر شفاف
ألمانى أصلى فولكس فاجن

[fathelbab]

تم إحضار الزيت بنجاح من توكيل فولكس فاجن الإمارات
تمنه بالمصرى 75 جنيه
اللون أخضر شفاف
ألمانى أصلى فولكس فاجن

[أبو_حمزة]

استاذ فتح الباب
هل تقصد بمشاركتك ان الزيت موجود عندك
و سعره كام؟

[original]

أنا مش عارف مشاركته دى معناها إيه من ساعة ماكتبها!!!!!!!!!!

[elshrpeny]

استفسار بسيط يا جماعه هو انا اعرف امتى ان زيت الباور عايز يتغير ؟

[elshrpeny]

و كذلك زيت الفتيس ؟

[original]

السؤال هل إنتى عارف آخر تغييره كانت إمتى وللا ماتعرفش أصلا إذا كان إتغير قبل كده وللا لأ؟؟؟
وبعدين حسب حالة الفتيس يعنى لو فيه بلى خشن من جواه لأنه بيخلى الزيت حرارته تعلى عن الطبيعى؟؟
زيت الفتيس ممكن لحد 40 ألف كيلو ولو قبل كده يبأا محافظة أكتر على الفتيس وتروسه الداخلية..
الباور لو الزيت الأصلى ماتقلقش عليه خالص ممكن من 40 ل 80 أو 100 ألف حسب حالة الطرمبة والخراطيم والإسكاتره الباور!!
بس أهم حاجة تغيرهم مرة صح وبعد كده تبأا تظبط الكيلوات..
زيت الباور لو غامق يبأا محتاج يتغير وخللى بالك الأصلى أخضر وماينفعش غيره..
خد بالك إن بيبأا فيه رايش فى الزيت ممكن ماتشوفوش وده بيتعب الأجزاء الداخلية للطرمبة والفتيس..

[elshrpeny]

الله يخليك يا اورجينال
بس اصل انا مش فاهم فى الحاجات الى انت قولتها دى اد كدا
هو كل الى انا أقدر أقولهولك ان الفتيس عندى مهوش خشن بل مشكلته تكمن فى انه فيه بوش شويه يعنى لما دراع الفتيس بيكون متمور لما تيجى تطلعه فوق وتحت تحس كدا شويه ان المسافه بين طلوعه ونزوله كبيره شويه اما من ناحية النقل فهو زى ما قولتلك بينقل بسهوله عادى خالص فمش عارف بقى هل طلاما بينقل بسهوله يبقى زيته تمام ولا لاء ؟ والبوش الى فيه دا هل يستدعى اروح اعالجه ولا دا العادى ؟ وبالنسبه للباور مكان علبة الزيت بتاعته انهى عشان ابقى ابص عليها ؟ وعلى فكره انا من ساعة ما جبتها عامل بتاع 2000 كيلو بس ومعرفش بقى الى كنت اخدها منه عامل إيه فى الحكايه دى والعربيه عامله عامتاً 85 ألف وشويه .

[original]

زيت الباور هتلاقى غطاء أخضر أول ماتفتح الكابوت هوا ده زيت الباور تشوف العلامة بتاعة المقاس بين Min و Max واللون
زيت الفتيس ممكن تغيره أول مرة وتجيبه Esso 75w90
عصاية الفتيس لو مبوشة ليها قطع غيار أصلية محمد مصطفى كان ظبطها قبل كده..

[elshrpeny]

زيت الباور هتلاقى غطاء أخضر أول ماتفتح الكابوت هوا ده زيت الباور تشوف العلامة بتاعة المقاس بين Min و Max واللون

أكيد انت تقصد حاجه تانيه غير قربة المياه المكوره الخاصه بتبريد الماتور الى فيها برده علامتين ال min و ال max صح ؟

لان كمان غطاها أزرق مش أخضر انا طبعا عارف انها حاجه تانيه بس بتاكد منك

زيت الفتيس ممكن تغيره أول مرة وتجيبه Esso 75w90

يعنى أفهم من كلامك ان مفيش طريقه الواحد يقدر من خلالها يتاكد من درجة نقاء وصلاحية زيت الفتيس فأغيرها وخلاص على سبيل التأكيد والحرص والضمان صح ؟

عصاية الفتيس لو مبوشة ليها قطع غيار أصلية محمد مصطفى كان ظبطها قبل كده..

يعنى حلها بسيط يا حج أورجينال ولا بدها هده كبيره وفك وحل ووجع دماغ ولو حلها بسيط او عادى بتتكلف كتير ولا إيه ؟
وانا هسألك محمد مصطفى برده إن شاء الله