هشترى بولو 2001 وعايز نصيحة

[khaledlithy]

السلام عليكم تقريبا دى اول مشاركة وان شاء الله اكون معكم على طول
بكره هشوف بولو 2001 انا هقول على كماليتها
موتور 1400 سي سي 16 صباب 100 حصان.عفشة رياضية.فرامل abs.جنوط و تكييف و باور و سنتر.طقم صوت كامل.العربية فابريقة دواخل بالكامل و دهان خارجي جديد.و بطارية جديدة

انا سألت صاحبها قالى ان ماتورها كان 1000 وهو غيره بالدفيره بس نسيت اسأل على الفتيس
سؤالى بقى
هل الموتور الجديد يكون اثر على العربية على القواعد والحوض مثلا ولازم يكون ركب ومعاه الفتيس ولا عادى
والريداتير والكونترول الحاجات دى لازم تكون اتغيرت ولا ايه
هوة عايز يبيعها على 42000
السعر ده كويس
معلش اخر طلب انا هاخدها مركز للكشف على الموتور والفتيس والعفشة والشاسيه اوديها التوكيل ولا اوديها فين وانا ابص بكره على ايه فيها قبل الكشف

[khaledlithy]

معلش ياريت اللى يفهم فى تسقيط الموتور يقولى ايه اللى لازم يتغير وايه اللى ممكن يتغير و ممكن لا

[أبو صلاح]

انا رايي سيبك من العربيات اللي ملعوب فيها طالما انت ملكش في الحوارات دي

[windofchange]

الموتور اساسي يتسقط بفتيسه علشان تستفيد بالقوة بتاعته كاملة والردياتير مش شرط يتغير لأن الفرق بين ال1400 وال1000 بسيط بس لو ردياتير ال1400 اكبر وراكب الصغير مش كويس اكيد لو مش عالمدي القريب المدي البعيد (تعرف روح الحرفيين بص عالمكنة دي في قطعيات وشوف الردياتير اللي معاها كبير ولا صغير) والكنترول اللي اعرفه بيتغيروالا المكنة تكون متبرجلة والله اعلم وممكن زي ماقال ابوصلاح تجيب العربية زي مانزلت من المصنع وتغير موتور زي ماتحب وممكن تقلبها اوتو بانك تسقط موتور اوتو بفتيسه وردياتيره وعفشته

[mohd7380]

نصيحة من راكب بولو 2001 قديم بلاش عربية ملعوب فيها خصوصا ان سعرها قليل و دة دليل على انها فيها مشاكل

[engmohfaw]

فعلا السعر قليل والنقطه التانيه ان الموتور ال1400 16 صباب بيحتاج فعلا تغيير ضفيره ومش كل صنايعى يعرف يقفل الموتور كويس
نصيحه يا اما موتورها ال1000 الاصلى
او 1400 8صباب لان كفيش فرق فى الضفيرتين