ينفع اعلى البولو ؟

[gabbbr]

الشكر لله تحت امرك يا استاذ خالد
هو انا مش عارف هو راكب ايه دلوقتى لانه بيغير العربيه كل شوية بس هو فعلا فى جسر السويس و مش بيصلح غير فولكس و سيات بعد 94 و اسكودا بعد 97

[windofchange]

تعلية العربية من الامام تؤثر علي ثباتها جداا ولا ينصح بها والله اعلم

[hamada_elzayat]

عيب بطاحات

ممكن توضحلى اكتر يا استاذ سيد ازاى عيب بطاحات ؟ مش البطاحات دى اللى بتمسك المساعد فى الفخده من فوق برضه ولا انا فاهم غلط ؟

وعلى الفكره الحمد لله انا حاسس ان العربيه ثابته جدا انا جربتها وفى الملفات بتاعه البحر فى اسكندريه والحمد لله ثابته

[Khaled Online]

الشكر لله تحت امرك يا استاذ خالد
هو انا مش عارف هو راكب ايه دلوقتى لانه بيغير العربيه كل شوية بس هو فعلا فى جسر السويس و مش بيصلح غير فولكس و سيات بعد 94 و اسكودا بعد 97

الله يكرمك يا أفندم ده بس من ذوقك :)
سألت طارق زميلي: هو الأسطة سيد اسمه سيد عبده وجمب محطة التعاون اللي في جسر السويس؟
قالي: أيوة هو
الدنيا صغيرة فعلا :)

[gabbbr]

ربنا يوفقك و يصلحلك شأن سيارتك
اما عن ثبات السيارة انا على قدر علمى ان السيارة ثباتها يرتكز اكتر على العجل الخلفى لانه محور ارتكاز فى المناورات (الغرز) زى مفصلة الباب بالاضافه ان العجل الامامى يتمتع بتقل الموتور و الفتيس خاصة فى السياراة الجر الامامى ( الكبالن) و الجز الخلفى خفيف الوزن و ابسط مثال على ذلك فى سيارات الفورميلا تجد ان العجل الخلفى اعرض بكثير جدا عن الامامى ليعطيه مساحة اكبر من الالتصاق و الاحتكاك بالارض ناهيك عن ان الجزء الامامى من السيارة يكون معرض للاحتكاك بالهواء مما يؤدى الى تولد قوة كبيرة من الضغط لاسفل على مقدمة السيارة لا تحظى بها مؤخرة السيارة مما يجعل البعض يركب سبويلار على مؤخرة السيارة لاعتراض طريق الهواء القادم من المقدمة و توليد قوة ضغط على مؤخرة السيارة مع زيادة السرعة لذا انا انصح نفسى و اياكم و خاصة من يقوم بقص ياي السيارة ان يحافظ على قدر من المرونة بالخص فى مقدمة السيارة نظرا لوجود حمل كبير ناتج عن الموتور و الفتيس حتى لا يتأثر شاسيه السيارة و تركيب كساحة هواء بالكصدام الامامى لتقليل الهواء المتدفق اسفل السيارة بديل عن توطيه السيارة من الامام بقدر لا يناسب الحالة المزريه لشوارعنا انا عامل كدة فى عربيتى و مع ذلك نزلت فى مطب و اتكسر الجنط الامامى و الكاوتش الجديد تمزق علما بان الكاوتش و الجنط الخلفى لم يصابوا باى ضرر رغم انهم نزلوا بالتتابع فى نفس المطب و الحمد لله جات سليمة و الله اعلم

[SYD]

البطاحات ليها دور كبير في رفع العربية من الأمام (طبعا بنسبة ليست بالكبيرة)
ولكن كلما تأكلت البطاحات كلما انخفضت السيارة من الأمام وكانت عرضة اكثر للتخبيط في المطبات
اما عن الثبات فالتأثير الكبير لأرتفاع السيارة من الخلف

وعموما
لا ينصح نهائياً برفع السيارة سواء من الأمام او من الخلف
وأشك ان العفشجي بتاع حضرتك - عفشجي لادا (خصوصا ان حضرتك في اسكندرية)

ايضا ارتفاع العربية يؤثر علي استهلاك الوقود بشكل كبير جداً

اكشف علي البطاحات ولو عايزة تغيير ينصح بالشراء استيراد لعدم وجود قطع غيار اصلية حاليا في الأسواق

http://www.nilemotors.net/Nile/284068-a.html#post3874252398

مع تحياتي