لو سمحتوا مميزات و عيوب بولو 1995

[abomakram]

ارجو توضيح مميزات و عيون بولو 95 لو سمحتوا انا معايا 35 عاوز اجيب بولو ايه رأىكوا لو سمحتوا مع وضع العتبار انها اول عربيه و انا لسه حديث فى المجال

[abomakram]

انتوا فين يا جماعه مافيش حد عنده رد عليا

[Mahmoudyoussif]

عربيه ناعمه و جميله او حالتها كويسه لو حالتها مش كويسه هتكع مبلغ محترم عبال

لما تخليها تقف على رجليها ... اهم حاجه المتور بتاعها يبقى ستوك مش متسقط يعني

و تكشف عليه عند متخصصين فولكس

و العربيه قطع غيارها استيرلد و مرطرطه في كل حته

مساعدين امامي 250

خلفي 200

طنابير جداد 350

طرمبه بنزين استيراد 350

دينامو 250

شمعدان 100

كبالن كامله استيراد 300

موتور بتكيفه بفتيسه بضفيرته 5000

شورت بلوك 1700

فانوس امامي استيراد 100

خلفي استيراد 80

مرايات استراد 100 الواحده

مقص استيراد 100

ولو عزت اي حاجه انا في الخدمه

[hamada_elzayat]

انا معايا بولو 96 هيا هيا ال 95 بالظبط وقعدت ادور 6 شهور على عربيه يعنى خود راحتك فى التدوير ومتستعجلش اهم حاجه الحاله والفلوس اللى معاك يجيبوا لغايه موديل 99 حاله كويسه جدا وتكييف وباور كمان السعر ده كتير على بولو 95 وبرضه اهم حاجه ميكانيكى بيفهم واوعى تاخد عربيه متهانه خد عربيه من صاحبها الاصلى وبدون توكيلات نهائى لان صاحبها حيكون صاينها ومش حتتعب فيها انت زى بالظبط انا لسه جايبها من شهرين وبتعلم فيها عشان انت حتتعب العربيه معاك مادام جديد زى حالاتى فهاتها حاله كويسه من الاول عشان متقعش منك خالص
وربنا يوفقك للخير

اهم حاجه الحااااااااله

[طارق _عبد السلام]

احسنت الاختيار البولو عربيه اكثر من رائعه لكن
المهم الحاله ومتستعجلش اهم شى ء حاله العربيه
وقطع غيارها متوفره وسعرها مناسب جدا
بجد عربيه لو مظبوطه مش هتزعلك نهائى واقتصاديه جدا جدا جدا فى البنزين
35 يجيبوا لك عربيه 99 وحالتها حلوه جدا كمان

[abomakram]

الف الف شكر يا جماعه انا قدامى عربيه 95 حالتها كويسه جدا يعنى انا اعرف صاحبها و هو لسه عامل لها سمكره و لسه راششها و منجدها و مظبط مكنتها و عفشتها و هو مش بيهينها يعنى مشاويره قليلة لحد ما بس كان طالب 40 و انا قلت له ليه اخرها معايا 35 بس عاوز حد يفيدنى تمنها يبقى كام تقريبا مع العلم انى ما اعرفش تلاخيصها لحد امته و شكرا على كل اللى رد عليا

[hamada_elzayat]

بص عليها من كل حاجه حاله صالون داخلى وحاله البودى من بره وهات سمكرى وميكانيكى كويسين حتى لو بتاعه صاحبك لانه هو ممكن يكون اتغش فيها وهو بيشتريها وشوف الكاوتش لانه لو هلكان حيكلفك اكتر من 1300 جنيه وعلى فكره حتى لو حالتها فوق العاده حتى لو استيراد استخدام معاقين برضه متعملش السعر اللى هو بيقول عليه
اما السعر اللى انت بتقول عليه فبرضه عالى الا اذا كان فيها باور وانذار وسنتر وازاز كهربا وكمان جنوط و تكييف وانا اشك لان الموديل ده تقريبا منزلش بتكييف هنا فى مصر غير تقريبا استعمال المعاقين بس
انا قولتلك انى لسه شارى عربيتى والحمد لله حالتها كويسه جدااا ( بس انا عذبتها معايا عشان مبتدئ واتغابيت عليها بس دلوقتى بحترمها عشان هيا كمان تفضل شايلانى ) وكنت جايبها ب 33 جنوط وكاوتش جديد وباور وصالون محترم وبودى كويس فيها 20 سم بارومه فى العتب بس وكنت مستغليها لانى عارف رنج الاسعار بس ارجع اقولك متستخسرش فى الحاله النضيفه برضه
استخير ربنا واتوكل على الله العربيه كفاءه لكن حاول تنزل شويه حتى من السعر اللى انت قولته وربنا ييسرلك حالك
ربنا يباركلنا كلنا فى عربياتنا