Golf II

[aliluka]

لو سمحت يا شباب أرجوا إفادتكم وعارف إنكم مش هتبخلوا عليه بالمعلومه
اوز أشترى عربيه Golf II وتكون مكيفه وطبعا حالتها تكون كويسه ممكن أعرف سعرها ممكن يكون فى حدود كام ومنين أعرف أشتريها
وشكرا مقدما

[hazem_khidr]

سعرها لو مكيفه و نضيفه مش حيقل عن ال 40 الف و نصيحتي لو عاوز تشتري ما تدورش علي موديل دور علي الحاله علشان معظم اللي في السوق تحت ايد شباب و مبهدلين فيها جامد ف نصيحتي ممكن تلاقي واحد مع رب اسره بس دا نادر جدا و لو من غير تكييف حتي بس علشان تركب تكييف حتضطر تغير الموتور بحاله بموتور فيه كمبروسر و دا حيتكلف 5000 جنيه الموتور بالفتيس بكامل الاجزاء

[aliluka]

شكرا جدا يا استاذ حازم على الاهتمام والرد

[ahmed1981]

جولف II موديل تسعين لو نظيفة جداً ومكيفة 1300 cc سعرها حوالي 40 ألف
جولف II موديل تسعين لو نظيفة جداً ومكيفة 1600 cc سعرها حوالي 42 ألف
ولا أنصحك بموديل أقل من 1990 لأنها هتبقى قديمة جداً ومعدل فيها حاجات كتير

لو لقيت واحدة نظيفة جداً وغير مكيفة إشتريها وتعمل حسابك لو 1300 cc تغيرلها موتور 1600 cc
وسعر الموتور 1600 cc بالمكيف يبــــــــــــــــــــــــــــــــــــــــــدأ مــــن 3500 جنيه
وأنا سائل عليه من شهرين في القاهرة ولو جبته من بـــــــــــــــور ســــعيد هتلاقيه أرخص
والصراحة أنا كمان بدور على جولف 90 1600 cc مكيفة تكون نظيفة جداً وربنا يسهل
م/أحمد :D

[hazem_khidr]

شكرا جدا يا استاذ حازم على الاهتمام والرد

لا شكر علي واجب يا اخي و ان شاء الله تجيب عربيه كويسه بس ما تتسرعش اتفرج براحتك و لو لقيت واحده نضيفه اوي بس اغلي الف ولا الفين هاتها طالما ناوي تركبها مش تبيعها و مش حتبقي خسران اهم حاجه الاساسيات شوف عربيه اساسياتها سليمه

[منتصر دراج]

يا اخونا انا دايخ باقالى ٣ شهور بين سماسرة ومعارض واعلانات بدور على جولف ٩٠ مكيفة بس مشلاقى حاجة كويسة وال] الى بيدور لازم ياخد بالة من اساس العربية وخلى بالك العربية بتبقى برة وجوة زى الفل وتروح ترفع فى البنزية تكشف عليها تلاقى الشاسية مش سليم واللة دة خصل معيا فى اكتر من ثالاث عربيات خالى بالك كويس الشباب مقطع الجولف فى مصر :shock:

[ehab_gman]

السلام عليكم

طب ايه اخبار جولف 3 لو 1400 مكيفة تكون بكام ولو مسقط موتور 2e2000cc بالتكيف والباور وحالتتها حلوة تعمل كام مو 94