لو سمحتم يا جماعة بعد اذنكم ارجو الافادة (ضرورى )

[Boyka]

بسم الله الرحمن الرحيم
السلام عليكم ورحمة الله وبركاته

اتمنى ان احد يفيدنى ويقولى لى ما هو احسن موديل فى الجولف 4 ولا كل موديلتها واحد وزى بعض وهل هى عربية قيمة وتستحق ان اشتريها خصوصا ان اللى معطلنى فقط اننى لا اريد ان اتسرع واريد صاحب الخبرة ان يفيدنى .

وايضا اريد من الشخص الذى سوف يرد على سؤالى ان عندما يقول لى ما هو احسن موديل للجولف 4 يقولى لى ايضا ثمنها سوف يتراوح ما بين ........ و ........

ومن خلال بحثى فى الانترنت وجدت كثيرا منها فبريكة جوه وراشة بره ووجدت منها ايضا 1400 و 1600 و 1800 cc . فأتمنى ايضا ان يقولى لى ما هو الفرق تحديدا بين الثلاثة وما هو الافضل منهم . فهل ما يوجد منها رشة بره يكون امر عادى ولا لازم اجبها فبريكة بره.

اتمنى ان تفيدونى يا اصحاب الخبرة فى هذا المجال ولكم جزيل الشكر وجزاكم الله كل خيرا

[SYD]

في البداية احب ارحب بيك واحييك علي اختيارك السيارة فولكس فاجن جولف الجيل الرابع

بداياً كدة الجيل دة انجح جيل في جولف علي مستوي كل الموديلات والأجيال والأكثر مبيعا في مصر والخارج

اول موديل في الجيل الرابع كان 96 واخر موديل كان 2004
اشتركت مع البورا والأودي A3 والسكودا أوكتافيا A4 والسيات توليدو MK2 في الشاسيه والمحرك والفتيس وآلات الجر والعفشة
نزلت مصر بمحركين 1.4 و 1.6 عادة واوتوماتيك
الأول 1.4 16v بقوة 75 حصان
الثاني 1.6 8v بقوة 99 حصان

قطع غيارها مرمية في الحرفيين جديد ومستعمل
عربية اعتمادية جدا ومتطورة جدا

ماتعملهاش facelift من اول لما نزلت لحد لما خلصت
مش هتفرق تجيب انهي موديل فيها - كلهم زي بعض تقريبا - الفيصل الحالة النظيفة

تحياتي

[Boyka]

اشكرك جدا جدا جدا يا استاذ سيد وعلى معلوماتك القيمة واللى اسعدتنى لانها اضافة الى معلوماتى.

احب اخد رأيك فى عربية انا شايفها من وجهة نظرى جميلة بس طبعا احب اعرف وجهة نظر حضرتك لان انت اعلى منى خبرة .

هى جولف 4 موديل 99 مانيوال فابريكة بره وجوه خدوش بسيطة جدا تكاد لا ترى بس اللى مخلينى متردد شوية انها عامله 255,000 كم .

بالنسبة للسعر هو طالب 60,000 الف وفى تفاوض فى السعر .

هل انت شايف ان الكيلو متر بتاعها العالى ده كويس ولا كده كثير اوى وهل سعرها مناسب واذا تفاوضت فى السعر مع صاحب السيارة احاول اوصل معاه الى كام .

اسف اذا كنت بعطل حضرتك يا استاذ syd

[Boyka]

وياريت يا استاذ سيد لو نصحتنى بهذه السيارة. واقبلت على شراؤها.

انا لا اريد ان اخذ ميكانيكى معايا لانى عندى عقدة منهم بسبب ان فى ميكانيكى قبل كده لبس واحد صاحبى فى عربية تعبانة اوى وقاله انها كويسة وطلعت العربية معيوبة.

فانا اريد ان اذهب بها الى البنزينة اللى على صلاح سالم او الى التوكيل.

فهل من وجهة نظرك ايهما افضل من حيث الاتقان ؟

[SYD]

اشكرك جدا جدا جدا يا استاذ سيد وعلى معلوماتك القيمة واللى اسعدتنى لانها اضافة الى معلوماتى.

احب اخد رأيك فى عربية انا شايفها من وجهة نظرى جميلة بس طبعا احب اعرف وجهة نظر حضرتك لان انت اعلى منى خبرة .

هى جولف 4 موديل 99 مانيوال فابريكة بره وجوه خدوش بسيطة جدا تكاد لا ترى بس اللى مخلينى متردد شوية انها عامله 255,000 كم .

بالنسبة للسعر هو طالب 60,000 الف وفى تفاوض فى السعر .

هل انت شايف ان الكيلو متر بتاعها العالى ده كويس ولا كده كثير اوى وهل سعرها مناسب واذا تفاوضت فى السعر مع صاحب السيارة احاول اوصل معاه الى كام .

اسف اذا كنت بعطل حضرتك يا استاذ syd

وياريت يا استاذ سيد لو نصحتنى بهذه السيارة. واقبلت على شراؤها.

انا لا اريد ان اخذ ميكانيكى معايا لانى عندى عقدة منهم بسبب ان فى ميكانيكى قبل كده لبس واحد صاحبى فى عربية تعبانة اوى وقاله انها كويسة وطلعت العربية معيوبة.

فانا اريد ان اذهب بها الى البنزينة اللى على صلاح سالم او الى التوكيل.

فهل من وجهة نظرك ايهما افضل من حيث الاتقان ؟

ربنا يكرمك

الموضوع ملهوش مقياس محدد تحتاج عمره ولا لأ و بعدين حسب ما شفت تغيير الصبابات و جوان وش السلندر معاهم عشان الفك لا يؤثر علي شيء في المحرك و اتمني ذلك لما اجرب و اركب و اشوف لأني لسع مجربتش صح و مقدرش احكم صح حتي الأن

موضوع تحتاج عمره بعد 150 الف ده كلام فتي ملهوش اي مصدر صحيح لأني ركبت عربيات ماشية 300 الف من غير ما يتفك فيها اي شيء و مازالت دون اي مشكلة

موضوع التكلفة مبدئيا
طقم صباب 16 + طقم كاوتش صباب كامل + مصنعية تركيب و ردويه(تظبيط قواعد الصبابات) = 1200 جنيه
جوان وش سلندر = 160 جنيه
مصنعيه ميكانيكي فك و تركيب و خلافه = 500 جنيه
انا دفعت 1800 و بس و شايف ان كل ده كتييييييييييييييير جدا خاصة المصنعية لكن ادينا بنخوض التجربة و ربنا يسهلها

ولما تنتهي ربنا يسهلها و نشوف النتائج هتكون ايه

بالنسبة للكيلومتر انا عملت لحضرتك اقتباس من مشاركة احد الأعضاء وكان معاه ابيزا 98 بموتور فولكس طبعا 1.0 سي سي

عادة المواتير الأكبر عمرها الأفتراضي اطول

اما بالنسبة للسعر فهو ممتاز طبعا -

بالنسبة للكشف انا مش عارف الصراحة - ولكن في اكتر من بنزينة الناس بتشكر فيها وانا مش عارف بنزينة محددة
بس حضرتك ممكن تستفسر من صاحب هذا الموضوع في رسالة خاصة

http://www.nilemotors.net/Nile/316801-94.html#post3874610958

او لو تقدر تروح لحد شارع ال40 خلف حديقة بدر
هتلاقي هناك اكتر من ميكانيكي متخصصين فولكس تقدر تكشف عند اي حد فيهم وليكن احمد عزت ورشة اسمها فولكس هاوس

تحياتي
ولو محتاج اي استفسار اخر انا تحت امرك ولا تتردد في السؤال

[ahmed1981]

هل الموجود في السوق أوتوماتيك 1800 سم3 فبريكة فعلاً ولا متسقطله مواتير ؟؟

أنا شفت واحدة موديل 2000 تقريباً كاملة أوتو لكن الراجل بكل صراحة قاللي إنها كانت 1600 عادة وهو حولها 1800 أوتوماتيك

هل المتسقطلها موتور 1800 بفتيس أوتو وهي كانت في الأول عادة هتكون محترمة ولا تعبانة ؟

أنا عايز أوتوماتيك لكن على أبوها من الفبريكة مش متسقطلها موتور
فهل متاح إني ألاقي حاجة كدة ؟؟

وياريت تدونا فكرة عن مزايا وعيوب الجولف4 من حيث الأعطال والصيانة وقطع الغيار وغير ذلك ؟؟

وأخيراً الأسعار في حدود كام ؟؟

وجزاكم الله خيراً

[TOOLA]

بص يا باشا انا تجاربى كانت مع بورا لكنها متختلفش كتير عن الجولف.

مبدئيا معلوماتى ان العربية ديه كانت بتنزل وكيل 1400 مانيوال لأن البورا هيا الكانت بتنزل 1600 اوتو. فغالبا اغلب العربيات ال جولف ال 1600 بتكون جاية من بره يا متسقطة, و التسقيط فى حد ذاتو مش مشكلة لو المكن متسقط عند حد من مشاهير الفولكس الفى مصر.

ارشحلك طبعا الماتور ال 1600 لأنه اشد و منتشر اكتر خصوصا انه هوا هوا الموجود فى الأوكتافيا ال a4. اما موضوع الرش ده فيرجعلك انتا فى ناس بيفرق معاهاموضوع الفابريقة و ناس لأ, بس عموما العربية قديمة فصعب تلاقى عربية فابريقة, اهم حاجة تطمن ان دواخلها سليمة, لأن فى عربيات كتير فى السوق مشغولة و عاملة حوادث و لحمة نصين, و عربيتى البورا الأولانية عملت حادثة توتال لوس, و كان فى خناق عليها و انا ببيعها, و طبعا فى خلال اسبوع او 10 ايام كانت اتلحمت و خرجت واقفة على رجليها (عدت على صديق ليا بالصدفة فى الحرفيين).

المزايا:

- عربية برستيج و شكل مبيروحش عليه اوى
- قطع غيار كتير و منتشرة سواء مستعمل او جديد اصلى "غالى جدا" او جديد مش اصلى بس سعره و جودته مناسبة.
- طبعا الثبات و الأمان هو من اكتر البيميز العربية ديه.
- الماتور كان قوى بمعايير زمنه, لكن دلوقتى فيه طبعا مواتير أشد منه و هنا بتكلم على ال 1600, لأنى مبفضلش ال1400 الا للسواقته هادية.
- انتشار الورش الفاهمين و الشغالين فيها كتير بس بيفرقوا فى اسعارهم و فى مدى فهمهم للسيارة.

العيوب:

- من النادر و تقريبا مقبلتهاش ان تلاقى عربية من غير اصوات من التابلوه و اوقات من الأبواب و الشنطة الورا, كلامى على الجولف 4 و البورا و الباسات. و أعتقد الأوكتافيا خامة و نوع التابلوه بتتحمل عوامل الزمن عنهم.
- فى الأوتو و كمان اعتقد المانيوال ال RPM بيكون عالى على السرعات يعنى على 100 ك بيكون 3200 لفة, على 160 بيكون 5000 لفة, على 180 بيكون 5500 لفة او اكتر, 190 ل 200 بيكون 6000 لفة و قرب يخش على الأحمر, و ده بيخلى صوت الماتور عالى شوية فى السفر و على المدى ممكن يتعب الماتور لو مبتغيرش زيت باستمرار و كمان زيت الماتور بينقص لازم تلاحظه, و هموما معروف ان الماتور ال 1600 بياكول زيت و كمان ال 1400, معرفش المواتير الأعلى ايه ظروفهاز

- الاشتغالات كتير فى العربية و لو حصل عطل و ملحقتهوش هتقرفك, يعنى لازم تعملها صيانتها و ماتهملهاش و تحل مشاكلها اول بأول و انتا هتمشى معاها مبسوط,, بس بردو لازم تعرف مختلف الميكانيكية و بتوع قطع الغيار الجديد و المستورد عشان كل واحد بأسعار و انواع شكل و فيه المضروب و فيه الكويس.

و أخيرا, لازم و لابد من الكشف على العربية عند متخصص, و انا بفضل هانى سمير ورا حديقة بدر فى الكشف.

[ahmed1981]

ألف شكر للأستاذ toola

[TOOLA]

ألف شكر للأستاذ toola

لا شكر على واجب, كلنا هنا زى الأخوات

[Boyka]

اولا شكرا لك من تكرم واعطانى معلومات قيمة .
شكرا كثيرا للاستاذ SYD و الاستاذ Toola

يا جماعة فى واحد قالى بدل ما اشترى الجولف 4 نصحنى اجيب الهوندا سيفيك موديل 92 او 93 او 94 هما اساسا شكل واحد. وقالى هاتها ماتور 1600 سي سي اتنين كامة v-tech هتكون اقوى من الجولف 4 1600 سى سى.

هل يا جماعة الكلام ده سليم ولا ايه انا كل ما يبقى فاضلى خطو واشترى خلاص اسمع كلام يخلينى ارجع تانى افكر.
بالمناسبة انا كنت عينى على السيفيك قبل الجولف بس واحد برده اللى قالى خليك فى الجولف احسن.

وهل فعلا السيفيك الموديل ده خفيف فى الجرى وعلى سرعة عالية بيبقى مش ثابت اوى ؟ لان انا بجرى وبحب السرعة والكلام ده . انصحونى يا جماعة انى افضل فيهم من حيث القوة والاتزان على الارض بسرعة عالية ؟

جولف 4 1600 سى سى او هوندا سيفيك 1600 V-tech ؟

[TOOLA]

بص انا مركبتش الموديل ده فى السيفيك من زمان, بس لو هتقارن مواتير فقط, نعم مواتير السيفيك 1600 بتطلع طاقة اقوى فى التسارع و غالبا السرعة القصوى من ماتور الجولف 1600 الهنا فى مصر, ماتور الجولف مش رياضى ده 8 صباب 102 حصان تقريبا, فى مواتير بره 16 صباب بتطلع طاقة اشد طبعا, لكن مواتير الجولف الرياضية هى 1800 هما كلهم 20 صباب, الأول ستوك بيطلع 128 حصان, الثانى ماتور تيربو بيطلع 148 حصان تقريبا, و ثالثهم ماتور تربو معدل و هو الأقوى و اسمع انه مش منتشر و بيطلع 180 حصان تقريبا, بس عموما الناس اشتكت من كتر اعطال المواتير التربو غير انها مفروض تمشى ببنزين 95 . و فيه ماتور 1800 تيربو لل اودى تى تى و ده بيوصل ل 220 حصان تقريبا, بس معرفش بينزل للجولف 4 ولا لأ.

الموضوع عائد ليك, بس اعتقد فى موضوع الثبات لو الجولف مشدودة كويس غالبا هتبقى اثبت من السيفيك القديم, انا مركبتش السيفيك ديه من زمان يجى من عشر سنين, فمش هقدر أحكم.