ارجو الافادة فى نظام abs للفرامل

[samehalabhar]

نظام abs للفرامل مفصول
مش عارف اشغله ولا اسيبه مفصول

كل ما اسأل حد بيرود و يقول " خليه مفصول احسن "

حاجة كمان " بدال الفرامل عالى جدا "


ارجوا الافادة

[SYD]

لا طبعا
ازاي الكلام دة
لو تعرف ترجع تشغل الفرامل abs رجعها فورا
يعني الواحد يبقي عنده ميزة يقوم يلغيها ؟؟؟؟

[samehalabhar]

انا بقول كده ... بس بيقولوا ان نظام abs اوقات بيخلى الفرامل تحجر
مش عارف ايه صحة الكلام ده

بس انا موافق على كلامك

[mody4990]

انا هقولك كلمه لو حد مش فاهم هتلاقيه بيقولها في سبيل الهزار طبعا
(لو القطعه دي ملهاش لازمه المصنعه حطها في العربيه ليه ؟)
لو حضرتك ماشي على طريق سريع بعد الشر عليك طبعا وعديت من بقعة زيت وحبيت تفرمل مش ممكن هتقدر تتحكم في العربيه من غير ا بي اس
لو حضرتك ماشي سريع وخدت دوران وحبيت تفرمل فجأءه من غير اي بي اس مش هتقدر تتحكم في العربيه
لو حصل مشكله ميكانيكبه في الفرامل وجيت تدوس فرامل ولقيت الرعبيه بتغرز بيك وده في الغالب بيكون بسبب ان في عجله او عجلتين مش بيفرملو اصلا ودي وارده وبتحصل في اي عربيه لو فيها اي بي اس مش هتغرس بيك ابدا
وطبعا حجات كتير بس المواقف دي حصلت معايه فعلا بسبب عطل في الاي بي اس وطبعا صلحته فورا

[gomgom3]

abs مهم جدا هو اختصار الاول لكلمه Antilock Breaking System
ليه ضفيره كامله لوحده اولا : 4 حساسات علي كل عجله بتحس بسرعه دورانها كل حساس طالع منه سلك يبئا كدة عنجنا 4 سلوك ! ياتري رايحين فين دول داخلين علي الكنترول ويطلع من الكنترول بتاع العربيه سلوك بدرو تدي للتظام Hydrolic braking وتحت master الفرامل هتلافي الجهاز الكبير الي مسؤل عن صوت البدال بتاع الفرامل الي لو العربيه هتزحف مثلا يديك reflex في بدال الفرامل
طبعا reflex الي في بدال الفرامل الي بحسه صوت خبط كدة في الدواسه ناتح عن ان جهاز ABS بيفصل ضغط الزيت عن العجله الي هتزحف طبعا بيقل ويفتح الضغط حوالي 50 مرة في الثانيه حوالي مش اقدر اقولك الرقم بالظبط
فانت هتراجع علي كل الكلام دة وهتبص علي الكتوات بتاعته والفيوزات والحساسات ولمبه ABS وبعد كدة تقرر تعمل ايه وربنا الموفق

[svneleven]

مفصول ازاي يعني؟ و الا مش شغال؟ فيه مشكلة لكن أنت مش عارفها

[Moratoz]

إحنا بنروح ندفع فلوس زيادة في الكماليات وحاجة مهمه زي دي موجودة فعلا ولا نريد إصلاحها وبالإضافة الي كلام الزملاء الأفاضل من انه يمنع تحجير العجله وزحف السيارة فانه دائماً يتيح التحكم في السيارة من الدركسيون علشان العجل لسه ماشي مش العربيه ماشيه بقوة السحق والزحف وهو ما يؤدي هذا النظام أيضاً الي تقيل مسافة التوقف

[waleed nagy]

يا جماعه ارجو الافاده عايز كاسيت جيتا الجديد الدى فى دى الكامل وفوانيس الجيتا الزينون الاصليه بسعر كويس ارجو الافاده عن اى حد يعرف اى حاجه عن الموضوع ده