تقييم بسات 99

[dr_3eshoo]

الحمد لله معايا بسات 99 و بعد 4 سنين شقا قلت اقل تكريم ليها قبل ماابيعها
اولا الشكل كلاسيكي جدا
ثانيا الوسع الداخلي واسعه جدا و مريحه في الكراسي تشيل 5 مستريحه جدا
ثالاثا الاداء
المتور 1600 سي سي 101 حصان 8 صباب
طبعا اي حد يسمع بسات 1600 اول كلمه يقولها سلاحفاه
بس مع استعمالي ليها اثبتت انها معقوله مش بطه و مش جرايه
يعني محدش يقارنها بالجولف او البورا او باليباني قارنها بالي زيها
التسارع مش الجامد مش زي اليباني و الكوري بس معقوله عن البي ام ال316
سرعه قصوى 210 لحد الوقتي ببنزين 90
الاستحمال بجد ماشقتش عربيه حمل شقا زييها مافيش صيانه خالص غير الزيت و الحمد لله
الثبات مش هاتكلم فيه بس هاقول وزن العربيه 2 طن ونص و الماني شوف انت بقى
فرامل العربيه مش الجامده علشان وزن العربيه المتخلف بتعها
استهلاك الوقود صفيحه بتمشيني 280 كيلو على الطريق مع سرعه 130 و ممكن توصل ل 300 لو سرعتك 90 من غير تكييف و دي للامانه
عيوب العربيه
صغيره جدا لدرجه انك ممكن تركنها بسهوله جداااااااااااااااااااااااااااااااااااا في اضيق شارع فيكي يا محروسه طبعا بتريق
قطع الغيار الغيار مش متوفره بكثره زي عربيات كتير موجوده عند ناس معينه
اسعار قطع الغيار
في الصيانات
السيور 1300 شدادت و تكييف و دينمو بالبلي بتعهم
حساس عمه 350 جنيه
راس كوبلن 600 جنيه
مقصات 4000 جنيه عدد 8 مقص قدام
تيل فرامل 400 جنيه لو الماني اصلي توكيل
200 جنيه اسباني في اللزيز
طقم ديبرياج 1500 جنيه ماركه ساكس
350 جنيه قواعد فتيس
بيض دركسيون 225 جنيه الواحده
مساعدين 1800 جنيه 4 مساعدين
سربنتيه تكييف داخليه 1800 جنيه
طاسات استيراد 200 جنيه للطقم
600 جندي علامات اصلي 250 لو استيراد
750 فوانيس قدام تايواني 2
50 جنيه فانوس الاشارات تايواني برضه
الحاله العامه حاليا للعربيه
ماشيه 170 الف كيلو المتور بتعها معمر جدا تصدقوا لحد الوقتي بيعرق ميه وكفائه المتور 90 في الميه
العفشه زي الزفت عاوزة مساعدين ورا و مقصين تحت قدام
التقييم العام للعربيه
بالنسبه ليا زي الفل امان جدا
حموله جدا وحمل شقا للغايه يعني عربيه زي دي مش بتعمل صيانه خالص دي حتى مش بتتغسل ومشي على الطرق المنيله عندنا في دمياط وتبقى كده بصراحه ارفع لها القبعه غير اني الاسبوع الي فات اكلت طوبه على الطريق نساها واحد ابن حلال بتاع نقل الحمد لله كل الي حصل الفرده اتقطعت و العربيه وقفت بسهوله و ماعومتش الحمد لله

عيوب العربيه
تقيله بغباء جوة البلد بتشل بجد
المقصااااااااااااااااااااااااااااااااااااااااااااا ااااااااااااااااااااات بتتبهدل بسرعه لان البيض بتاعها لاحم في المقص علشان تغير البيض تغير المقص كله بس على فكره لو ماغيرتش المقص امان جدا بجد و مافيش منه خوف بس هاتعوم منك على 170 كيلو و تسمع شويه تطبيل على المطبات الخفيفه غير كده عاديه خالص
و انا تحت امر اي حد عنده بسات اي استفسار انا في الخدمه

[cobraa2008]

الله ينور عليك انت جبت وصف محترم لعربية مثل هذه السيارت الالمانية العريقة

يلا خل الكل يستفيييد


وانت ايه نواي تبعها ولا ايه

المهم لو لا ربنا يديك خرها ويكفيك شرها

ولو ها تبعها ان شاء الله تجيبلك سعر كويس