هام لأصحاب الجولف 6

[elgallad_705]

أنا عاوز أشتري عربية جولف 6 2012 , و قلقان جدا من حوار الفتيس بتاعها , سمعت انه بيعيب و التوكيل سعات مش بيرضى يصلحه و دا طبعا سعره غالي جدا جدا
ممكن أي حد معاه العربيىة يقولنا انطباعه عنها ؟؟

أنا حاليا بقارن بينها و بين السوبارو امبريزا 2012

[ahmedfouad]

يا رب حد يفيدك

[hany63]

بلاش منها خالص هتضايقك جدا في الزحمه
الفتيس فيه نتشه مزعجه وده العادي بتاعه و ساعات بتبقى الشحنه كلها مشمومه ميقعدش اكتر من ٤٠٠٠ كم
و على احسن الاحوال هيحتاج طقم كلاتشات على ٣٠ الف بالكتير و لسه ده حاصل في باسات ٢٠١٢ مغيره على ٢٥ الف

[elgallad_705]

طب و دا بيحصل من سوء الاستخدام , ولا دا طبيعة الفتيس ؟
و انت غيرت طقم الكلاتشات دا في الضمان ولا مرضوش يغيرهولك ؟

[akrumcs]

انا حاتكلم عن نفسي وعن تجربتي الشخصيه للعربيه بحكم امتلاكي ليها من 6/2010 لحد الأن
الحمد لله انا ماعنتش من اي مشاكل في الفتيس لغاية دلوقتي ماعدا طبعا تأكل مجموعة الدبرياج وده يعتبر استهلاك المهم كان المفرود اغير في صيانة ال 25 الف مغيرتش وفضلت ماشي عادي لحد ال 30 وقلت اروح اغير بقى وكان كل الملحوظ هو الرجه اللي على التاني وكنت بتافاداه عادي بإني في انا اللي اتحكم في نقل العربيه في وجود الزحمه المهم غيرت الطقم على ال 30 الف وطبعا الحمد لله الرجه اختفت وكله تمام الى يومي هذا والعربيه دلوقتي داخله على ال 38 الف
استنتاجي من خلال تعامل معا الفتيس في الزحمه وغيرها اولا مع التوقت انت بقيت تعرف العربيه بتنقل امتى وعلى ار بي ام كام وبناء عليه انا بتعامل معاها بكل هدوء بمعنى انا شايف الطريق زحمه وبيتحرك ويقف كل شويه ماجيش انا في حركه كام متر اقرص عليها واخليها تنقل ل تالت مثلا او تاني واقوم مفرمل تاني وواقف لا في الزحمه اهم حاجه الهدوء في التسارع والفرمله وده في اي عربيه مش دي اس جي بس واقات الزحمه اللي فوق الساعه او الساعتين بريحها هيا تماما من النقل واتحكم انا في النقل بنا على طريقي والحمد لله الدنيا ماشيا معايا تمام ومستمتع جدا بعربيتي الحمد لله
حاجه اخيره انا بقولك تجربتي واللي بعمله في عربيتي مش بأثر على رايك واي استفسار انا موجود وحاضر

[elgallad_705]

أولا شكرا لاهتمامك بالرد عليا و المشاركة الرائعة دي
ثانيا أفهم من كلامك ان العربية بتغير مجموعة الدبرياج دي زي تيل الفرامل كدا مثلا كل 25 أو 30 ألف ؟
و ازاي انت بتتحكم في نقل العربية في الزحمة اللي بالساعتين و التلاتة , بتحولها لمانيوال مثلا؟

[akrumcs]

العفو لا شكر على واجب انا بنقللك تجربتي الشخصيه مش اكتر
بص انا مش حاضحك عليك هيا طبعا مش المفروض انها تتغير بالسرعه دي ولاكن ده بسبب ان الفتيس سبع سرعات وبينقل كتير فا بتستهلك اسرع لاكن الكلام اللي عرفته من الوكيل وعلى لسان احد مهندسي الميكانيكا في الورشه ان المجموعه اللي بتيجي في الفتيس بتتاكل اسرع ومابتستحملش استخدمنا احنا في الزحمه والمجوعه الجديده اللي بتركب على الضمان بدون ماتدفع جنيه واحد فيها المنتظر منها تستهلك في خلا من 60 ل 80 الف كيلو وده نظرا انهم عدلوا فيها بناءا على اللي بتغير والكلام ده من المانيا نفسها انا غيرتها والحمد لله داخل في ال 10 كيلو بالمجموعه الجديده ومافيش مشاكل والدنيا تمام الحمد لله
نقطه كمان المجموعه لو استهلاكك معتدل في السحب والجري اكييد استحاله تتاكل معاك بسرعة واحد طول الوقت كيك داون وشد وحاطط الفتيس على ال سبورت انا طبعا مش بقولك ماتشدش بالعربيه لا شد براحتك وخاصة ان الفتيش مغري اووووووووووووووووووووووي في الشد لأبعد الحدود بس قصدي ان ده مايبقاش اسلوب سواقتك المعتاد
بالنسبه للتحكم فعلا زي مانت بتقول بحطها على المانيوال لاني في الزحمه انت كبيرك بتجيب تاني لو الدنيا فكت شويه قدامك غير كده انت على الأول فا انا زي ماوضحتلك بشيل انا عبئ النقل من على الفتيس في الزحمه دي وانا اللي بتكفل بالنقل اول ماالدنيا تمام ارجع تاني على ال d
ومرة تانيه اسئل كل اللي انت عايزه انا تحت امرك انا لا بمدح ولا بذم في العربيه انا بقولك بتعامل ازاي وايه اللي حصلي

[elgallad_705]

طب معلش ، مجموعة الدبرياج دي لو مش في الضمان تبقى بكام ؟
و الوكيل ايه أخباره لأني سمعت انه مش بيهتم بالعربيات خالص خالص و و بيماطل في التصليح ، و أي فرع ترشحلي اني أروحو لو اشتريت العربية ان شاء الله ؟

[Falcon.Crest]

استني جولف 7 مش تجيب 6
او بنفس الفلوس شوف اودي a3 sport back 2012

[akrumcs]

بص انا معرفش بصراحه هيا بكام لاني ماسمعتش حد غير مجموعة الدبرياج على حسابه قبل كده
بالنسبه للوكيل انا كان حصل عندي مشكله في السماعات الأماميه للبابينكان فيهم زنه خفيفه اوي ومش اي حد يلاحظها وغيروهم بدون اي مشاكل او جدال حتى وعلى الضمان الصيانه طبعا بحجز مسبق وبتعامل مع فرع العبور وفيه مهندس هناك بصراحه ربنا يكرموا انسان محترم جدا واغلبية تعاملي بيبقى معاه غير كده انا مافيش حاجه دايقتني

[akrumcs]

اه حاجه تانيه على الوكيل لما قالولي انت محتاج تغير مجموعة الدبرياج قالولي العربيه بتاخد 3 ايام وتستلمها وده بالنسبه ليا كان صعب اوي لان اعتمادي كبير على العربيه فا كلمت مدير الصيانه وفعلا قاللي انا اقصى حاجه اعملهالك انك تسلمهالي الجمعه الصبح تستلمها السبت اخر اليوم وفعلا سلموهالي كمان قبل نهاية اليوم بساعتين