مشكله فى الدواره

[hamada_elzayat]

امبارح لقيت العربيه مليانه ميه من الشتا جوه العربيه من ناحيه واحده بس اليمين
النهم قعدت انشع فى الميه طول الليل والنهارده الصبح روحت لسمكرى قالى الباب اللى ورا يمين مبوش وهو اللى دخل الميه عدلت الباب الحمد لله وقولت اطلع على البنزينه اشوف زيت الفيتيس المهم زودته وطلعت على حته شمس عشان العربيه تنشف من جوه
وروحت الحق ركنه قبل ما الركنات تضيع وبعد ما ركنت حسيت ان العربيه بعيده عن الرصيف ( انا بحب الزق الكاوتش فى الرصيف ) جاى ادور العربيه مش راضيه تدور خالص انا عندى تكتين فى الكونتاكت تكه بتاعه الكهربا اللى بتشغل كهربه العربيه وتكه بتاعه الدوراه دلوقتى التكتين الاتنين اكنهم تكه واحده بتاعه الكهربا بس وبسمع زنه صغيره قوى ومفيش صوت المارش اصلا جاى ادوس دبرياج وادور الاقيها دارت
ابطل العربيه واجى ادورها من غير ما دوس دبرياج متدورش وتنور كهربا بس ادوس دبرياج تدور العربيه
قبل الحركه دى على طول وانا برجع بالعربيه لورا عشان اركنها سمعت اكن الفيتيس جاب غيار غلط حاجه عملت جججججججججججججججججججججج طبعا عدلت الفيتيس وركنت عادى وبعد كده ظهرت المشكله
افيدونا افادكم الله انا راكن العربيه وخايف اطلع بيها

[hamada_elzayat]

على فكره مكنش عندى مشكله فى الدواره قبل كده خاااااالص وبتلقط من اول مره وكمان الزيت اللى زودته كان خفيف 90 مش تقيل

[hamada_elzayat]

العربيه ركنتها اول امبارح وامبارح جاى ادورها مش راضيه تدور نهائى لا بدبرياج ولا من غير الدبرياج وعلى الحظ كنت راكنها فى مكان مش بتاعى وصاحب الركنه عمل مشكله المهم قعدت ادور على اى حد وطبعا يوم الحد والناس قافله لقيت ميكانيكى جمبى قالى انا مش كهربائى المهم دورلى العربيه وعملى كوبرى من كتاوت المارش وادور من الكبوت بلمسه من البطاريه العربيه تدور وقالى ده فيوز ضارب والكهربائى هو اللى يعرف يحلها وده حل مؤقت وان شاء الله بكره رايح للشيخ ابراهيم والحمد لله انها جت على قد كده ولما سألت الميكانيكى ليه لما كنت ادور دبرياج تدور قالى صدفه او كابل الدبرياج كان بيهز سلك
والحمد لله

[Karim Ibiza]

انا معتقدش انه فيوز
اعتقد انها فبرة الكونتاكت

[hamada_elzayat]

شكرا على ردك يا استاذ كريم انا روحت امبارح اللشيخ ابراهيم وهو صلحها هيا كانت حاجه تحت الدركسيون والشيخ ابراهيم قالى بسيطه والحمد لله اتحلت وروحت برضه لورشه العفشجى اللى فى شارع سيف بتاعه الحاج على هما فعلا شكلهم بيفهمو جدا وكشف على العفشه وقالى المساعدين ناشفين شويه بس يستحملوا وبلاش تغيرهم دلوقتى وسألتو على الانواع الكويسه وقال فيه المونرو وفيه البوجى وقالى متغيرش دلوقتى

[Karim Ibiza]

شكرا على ردك يا استاذ كريم انا روحت امبارح اللشيخ ابراهيم وهو صلحها هيا كانت حاجه تحت الدركسيون والشيخ ابراهيم قالى بسيطه والحمد لله اتحلت وروحت برضه لورشه العفشجى اللى فى شارع سيف بتاعه الحاج على هما فعلا شكلهم بيفهمو جدا وكشف على العفشه وقالى المساعدين ناشفين شويه بس يستحملوا وبلاش تغيرهم دلوقتى وسألتو على الانواع الكويسه وقال فيه المونرو وفيه البوجى وقالى متغيرش دلوقتى

طيب الحمدلله

طالما العربية مش بتعوم معاك او بتهبد فى المطبات يبقى متغيرش حاجة ولو هتجيب يبقى هات استيراد احسن لأن لما بتيجى تشترى مساعدين استيراد بيجى معاهم السوست والبطاحات وسعر ال 4 مساعدين 500 جنيه وهيكونوا الفبريكة
انما لو هتجيب جديد هتلاقى المساعد بيجى لوحده وسعر الامامى 650 جنيه والخلفى حوالى 500 جنيه

لو احتجت قطع غيار استيراد قوللى وهوديك عند الراجل اللى انا جبت منه الموتور بتاعى, ده بيبيع بسعر الجملة وعنده كل حاجة

وشكرا

[waleed nagy]

يا جماعه ارجو الافاده عايز كاسيت جيتا الجديد الدى فى دى الكامل وفوانيس الجيتا الزينون الاصليه بسعر كويس ارجو الافاده عن اى حد يعرف اى حاجه عن الموضوع ده