موتور بولو 1000 cc

[Qa3Qa3]

سلام عليكم

ايه اخباركم يا جماعه .. يا رب تكونوا بخير ..

انا عندي سؤال محيرني الحقيقه D: .. انا نويت انشاء الله انزل موتور 1400 للبولو 97 علشان الموتور اللي فيها تعب .. وفي الغالب جاب وش سلندر ..

لو حبيت ابيع الموتور اللي فيها ده .. يجيبلي كام تقريبا .. هو 1000 cc وطبعا هبيعه بالفتيس بكله لاني هجيب الموتور التاني بالفتيس برده ..

انا بس عايز اعرف عشان محدش يضحك عليا لاني مليش خبره في المواضيع دي خالص ..

شكرا مقدما ..

[iBiZa]

اعتقد انة هيتكلموا فى فرق 2 او 3 مثلا.

والله اعلم.

[original]

مبدئيا اللى هيشتريه تاجر خرده عشان يبيعه حديد أو بتاع قطع غيار معندهوش ضمير يفككه ويبيع أجزاءه على أساس إنه جاى من بره..
بس طبعا إنتا مالكش دعوه شوف اللى يدفع أكتر ولو هينزللك من تمن الجديد شوف كده..
بس مش هينفع حد يركبه بعديك..
لو الفتيس كويس قوللى عشان أنا عندى بولو 98 1000سى سى والفتيس تعبان..
أنا معرفش إن فى 97 1000 سى سى !! يمكن أصدك إنتاج 97 من بلد الصنع!! وتبأا 98 عندنا فى مصر!!
بس لو عملت صيانة للموتور أريحلك بس تجيب قطع غيار أصلية وعند ميكانيكى محترم لأن الموتور المتركب هينزل من تمن العربية كتير..
وبعدين لو بعتها على عيبها هتجيب أكتر من إنك تغير الموتور..
هيا الفولكس كده..

[dr_3eshoo]

و الله لو هاتسقط لمزاجك الشخصي يبقى اوكي
اما لو علشان تبيع يبقى صلح الي فيها
اما موضوع البيع
ده يرجع لحاله السوق هايبقى ازاي
لو العربيه دي اتصرف عليها صح متور بالعفشه بالفتيس بتعها بالفرامل بتعاتها بالتكييف بتعها
مع حبه كماليات زياده و دي حركه 7000 جنيه يبقى انت اشتريت عربيه جديده و هاتعمر معاك و مش هاتحتاج اي مصاريف لمده 5 سنين على الاقل
يعني ماتستخسرش فيها
اما لو البيع عمر المتور الي فيها اي كلام و بيع العربيه
و زي ماقلتلك قبل كده روح لمحمد سمير هو عنده تاجر قطع غيار و سعات هو بيبعت يجيب من بره لو لزم الامر هو غالي حبيتين بس هاينجزك في الوقت و هايعمل الحاجه صح الصح
و لما تستلم منه خليه يرفعلك العربيه و تتطمن على كل شئ من الالف للياء و تخلي الصانيعي بتاعه يربطلك على العربيه كلها و المتور ينزل تراجع على الميه و الزيوت كلها و تطلع تجرب العربيه بنفسك و تحرق و تشوف العربيه اخبارها ايه و بعد كل ده تستلم منه
و لو عزت حاجه في الفولكس كله انا تحت امرك و ده تلفون محمد سمير 0122354589

[Qa3Qa3]

اسف جدا يا جماعه علي التأخير في الرد لظروف السفر ..

انا متشكر جدا جدا جدا جدا جدا جدا علي اهتمامكوا وردودكوا اللي نورتني بجد D: D:

العلم نوووور D:

وعامة انا حاليا وديتها لميكانيكي فاهم .. بيغيرلي جوانات وطقم شنبر للبساتم .. لاني رحت لمحمد سمير قالي ان العربيه محتاجه موتور لانه مش هينفع فيها تغيير جوان وكشط والكلام ده ..

وانا الحقيقه عايز ابيع ومش عايز اخسر كتير .. فبقول يا رب الميكانيكي ده يظبطها كويس وترجع زي الاول علشان ابيعها واجيب حاجه تانيه .. بصراحه انا تعبت من الفولكس مع اني بعشقه .. بس اللي بيشتغلوا فيه مش كتير وحراقين في اسعارهم ..

ربنا يسهل يا رب وإن شاء الله تعدي علي خير .. ومتشكر جدا لردودكوا دي واهتمامكوا ..

سلام عليكم ..