إعـــــــلان

Collapse

.

,
See more
See less

زهقت من التوكيل وعايز حد بره

Collapse
X
 
  • Filter
  • الوقت
  • Show
Clear All
new posts

  • زهقت من التوكيل وعايز حد بره

    سلام عليكم
    انا عربيتي فولكس تيجوان
    شاريها من التوكيل زيرو من سنه ونص
    ولحد النهارده اي حاجه بعملها جوه التوكيل
    لكن الصراحه من زمان وانا اكتشفت انه التوكيل دا اللي فيه معدومين الخبره نهائي
    وعندهم اهمال غير طبيعي ومش فاهمين حاجه في اي حاجه
    شوية موظفين مش هاممهم لا اسم ولا سمعة الشركه
    ومن زمان وانا عايز اشوف حد اصلح عنده بره التوكيل
    بس مش جايلي قلب الصراحه
    فقلت اشوف المنتدي هنا يمكن حد صلح بره وارتاح عن التوكيل
    ياريت اللي يعرف مركز خدمه كويس يقولي عليه لو سمحتم
    مش شرط المكان
    يعني القاهره الاسكندريه المنصوره بورسعيد اي مكان مش فارق معايا المهم يكونوا ناس محترمه وخبرتهم كويسه
    معلش طولت عليكم
    شكرا مقدما لاي مساعده

  • #2
    انا كنت بتعامل مع واحد استاذ و محترم جدا و عنده ضمير فى الحرفيين. بس مش عارف اقولك اسمه ازاى عشان هتبقى دعاية

    Comment


    • #3
      و عليكم السلام و رحمة الله و بركاته
      لو حضرتك تقدر تنزل الهرم فيه مركز بيشتغل في الفولكس و الأوبل و (الأوروبي عموما) ممتازين جدا ... و أخصائي فولكس بيشتغل في التوكيل ... و أسعارهم و خدمتهم كويسه لو تحب أكتب لحضرتك التفاصيل بلغني
      وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

      Comment


      • #4
        مهندس هاني ومهندس محمد سمير عند حديقة بدر من جسر السويس

        Comment


        • #5
          ياباشا بلاش تطلع من التوكيل الا بعد سنه من نهاية الضمان بدل ما اسف في اللفظ تتعور في حاجه جامده و دي نصيحه لوجه الله عشان ممكن الضمان يخلص و تحصل حاجه جامده بيجيبوا عليها موافقه من المانيا و تتعمل ياببلاش لو عيب صناعه يا حضرتك بتتحمل جزء بسيط و انا عارف انهم على قدهم بس تقدر تقول شغالين زي الالات و بينفذوا سياسة الشركه الام بحذافيرها

          Comment


          • #6
            المشاركة الأصلية كتبت بواسطة nagy wassef مشاهدة المشاركة
            انا كنت بتعامل مع واحد استاذ و محترم جدا و عنده ضمير فى الحرفيين. بس مش عارف اقولك اسمه ازاى عشان هتبقى دعاية
            تقدر تبعلتي رساله خاصه صح ؟
            المشاركة الأصلية كتبت بواسطة hossam99 مشاهدة المشاركة
            و عليكم السلام و رحمة الله و بركاته
            لو حضرتك تقدر تنزل الهرم فيه مركز بيشتغل في الفولكس و الأوبل و (الأوروبي عموما) ممتازين جدا ... و أخصائي فولكس بيشتغل في التوكيل ... و أسعارهم و خدمتهم كويسه لو تحب أكتب لحضرتك التفاصيل بلغني
            اوك ياريت بس هل هوا بيعرف يشتغل في التيجوان لانها مش منتشره اوي
            المشاركة الأصلية كتبت بواسطة moratoz مشاهدة المشاركة
            مهندس هاني ومهندس محمد سمير عند حديقة بدر من جسر السويس
            اوك شكرا هابقي ابص عليهم ان شاء الله
            المشاركة الأصلية كتبت بواسطة hany63 مشاهدة المشاركة
            ياباشا بلاش تطلع من التوكيل الا بعد سنه من نهاية الضمان بدل ما اسف في اللفظ تتعور في حاجه جامده و دي نصيحه لوجه الله عشان ممكن الضمان يخلص و تحصل حاجه جامده بيجيبوا عليها موافقه من المانيا و تتعمل ياببلاش لو عيب صناعه يا حضرتك بتتحمل جزء بسيط و انا عارف انهم على قدهم بس تقدر تقول شغالين زي الالات و بينفذوا سياسة الشركه الام بحذافيرها
            صدقني انا متحمل اهمال وقلة خبرة التوكيل من سنه ونص من ساعة مااشتريت العربيه
            والوقتي داخل علي تغيير بطاحات وبلي بطاحات وجلد مساعدين والصراحه مش عايز اعملهم في التوكيل وعايز اجرب بره انا لسه مقررتش اوي بس اديني بسال اهو
            علي العموم فيه ناس نصحوني بهريسه اللي في الاسكندريه دا مش عارف ايه رايكم

            Comment


            • #7
              المشاركة الأصلية كتبت بواسطة ak007 مشاهدة المشاركة

              اوك ياريت بس هل هوا بيعرف يشتغل في التيجوان لانها مش منتشره اوي

              التفاصيل و العنوان علي الخاص
              و هم بيشتغلو في كل الفولكس و حافظها لأن ده شغلهم اليومي بالأضافه لجميع الأوروبي
              معظم العربيات الألماني (الفولكس )اللي بتصين عندهم محافظات
              و من فتره كان عندهم شيفورليه كامارو بتعمل صيانه ... هم ما شاء الله عليهم
              وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

              Comment


              • #8
                المشاركة الأصلية كتبت بواسطة nagy wassef مشاهدة المشاركة
                انا كنت بتعامل مع واحد استاذ و محترم جدا و عنده ضمير فى الحرفيين. بس مش عارف اقولك اسمه ازاى عشان هتبقى دعاية
                يا ريت تبعتلى التفاصيل لو مكنتش هتعبك

                Comment


                • #9
                  المشاركة الأصلية كتبت بواسطة hossam99 مشاهدة المشاركة

                  التفاصيل و العنوان علي الخاص
                  و هم بيشتغلو في كل الفولكس و حافظها لأن ده شغلهم اليومي بالأضافه لجميع الأوروبي
                  معظم العربيات الألماني (الفولكس )اللي بتصين عندهم محافظات
                  و من فتره كان عندهم شيفورليه كامارو بتعمل صيانه ... هم ما شاء الله عليهم
                  ممكن التفاصيل ع الخاص

                  Comment


                  • #10
                    المشاركة الأصلية كتبت بواسطة ak007 مشاهدة المشاركة
                    سلام عليكم
                    انا عربيتي فولكس تيجوان
                    السلام عليكم
                    انا للأسف معنديش اجابه على استفسارك بس ليا استفسار اخر منك العربيه بتحطلها بنزين كام دلوقتي ؟ ولو 92 هل فيه مشاكل او بيقلل العزم بتاع المتور بشكل كبير وملحوظ او لا وخاصة انها توربو 160حصان مش زي الباسات والجيتا
                    شاكر ليك مره اخرى

                    Comment


                    • #11
                      بص
                      انا من يوم ما اشتريت العربيه وانا مش بحطلها غير 95
                      مكنتش بسمع ليها حس بتكون دايره وانا جمبها وممش بعرف ان كانت دايره ولا لا الا لما اركب وادوس بنزين
                      ولما كنت بتزنق في مكان مافيهوش 95 كنت بحط 92 ومعاه علبة الاوكتان بوستر
                      لكن من يوم ما البنزين ال 95 بقي بسته جنيه
                      وانا محطتش ولا مره لاني يادوب التانك بيعمل معايا 600 كيلو ممكن اخلصهم في يومين تلاته
                      فبدات احط 92
                      ومن غير اوكتان بوستر كمان
                      والحمد لله العربيه شغاله حلو لحد الوقتي
                      لكن الصوت علي شويه
                      بس العزم يعتبر زي ماهوا
                      اللي شجعني علي اني احط ال 92 انه ابن عمي معاه سكودا اوكتافيا ومكتوب علي غطا التانك بتاعها انه البنزين يكون 95
                      ورغم كدا هوا مابيحطش الا 92 من يوم ما اشتراها والعربيه معاه تمام الحمد لله

                      Comment


                      • #12
                        انا برضوا مابحطش اللا 95 بس انا مابعتمدش على العربيه كتير واخر مره جيت افولها بالسعر الجديد والتانك كان ناقص شرطتين بس وعملت 65 جنيييه فاقولت حرام بجد مشوار عبيط ادفع فيه المبلغ ده المهم ياعني انشاء الله اجرب ال 92 وربنا يستر بقى

                        Comment


                        • #13
                          المشاركة الأصلية كتبت بواسطة hany63 مشاهدة المشاركة
                          ياباشا بلاش تطلع من التوكيل الا بعد سنه من نهاية الضمان بدل ما اسف في اللفظ تتعور في حاجه جامده و دي نصيحه لوجه الله عشان ممكن الضمان يخلص و تحصل حاجه جامده بيجيبوا عليها موافقه من المانيا و تتعمل ياببلاش لو عيب صناعه يا حضرتك بتتحمل جزء بسيط و انا عارف انهم على قدهم بس تقدر تقول شغالين زي الالات و بينفذوا سياسة الشركه الام بحذافيرها
                          انا مع الرأى ده برضه و خاصه حضرتك مشترى العربيه وكيل فخساره تخسر الضمان لانه بينفع برضه لو لاقدر الله حصلت مشكله كبيره التوكيل هيتحملها . بالاضافه الى الموضوع ده لو خرجت بره التوكيل هتدخل نفسك فى مواضيع انك لازم تبقى عارف جداول الصيانه الدوريه و ايه اللى بيتغير فى كل صيانه و لازم تنزل تشترى قطاع غيار بنفسك و تدور على الاصلى مع ان حضرتك هتبقى المسئول عن كل حاجه خاصه بالعربيه و فى الاغلب هتلاقى نفسك كسلت فى عمل الصيانه و بقيت بتروح فقط لما تحصل مشكله ودى بتبقى بدايه بهدله العربيه. انا فاهم طبعا ان حضرتك زهقت من المعامله و قله الخبره لكن حضرتك تقدر تعمل حاجات بسيطه بس تضبط بيها الدنيا شويه عن كده زى ان حضرتك تشوف فرع توكيل تانى غير اللى بتروحله و احتمال تلاقى العماله فيه افضل و بكده المشكله تتحل و حضرتك برضه معاك الضمان و حل تانى كتابه ورقه فيها جميع الملاحظات و وضعها لهم على الزجاج من الداخل تستخدمها زى checklist و قبل ما تمشى اتاكد ان كل اللى فيها اتعملش إلا تطلب مقابله مدير الصيانه و تشتكى من سوء الخدمه . المهم انك تكمل فتره الضمان و لما تخلص ابقى شوف حد بره التوكيل براحتك يا فندم و بالتوفيق لما فيه الخير

                          Comment


                          • #14
                            متشكر لردك
                            بس للاسف جربت فروع التوكيل كلها سواء الاسكندريه او العبور او شبرا وكلهم منتهي الاهمال اللي في الدنيا وبجد ندمت اني اشتريت عربيه تبع الشركه دي
                            انا لسه ليا في الضمان لحد شهر سته الجاي
                            وقلة الخبره عندهم مبهدلاني الصراحه
                            بحس انهم بيستريحوا علي حساب العميل
                            بمعني انه كلمة(الجزء دا محتاج يتغير) سهله اوي عندهم بحس انهم بينفعوا الوكيل علي حسابنا
                            ولما تيجي تغير الحاجه لازم بيبوظوا حاجت تانيه
                            ربنا يستر انا لسه لحد اللحظه دي مقررتش بس انا مسافر بكره باذن الله اسكندريه
                            وقبل مااخرج من البيت هاصلي استخاره واللي فيه الخير يقدمه ربنا

                            Comment


                            • #15
                              المشاركة الأصلية كتبت بواسطة ak007 مشاهدة المشاركة
                              متشكر لردك
                              بس للاسف جربت فروع التوكيل كلها سواء الاسكندريه او العبور او شبرا وكلهم منتهي الاهمال اللي في الدنيا وبجد ندمت اني اشتريت عربيه تبع الشركه دي
                              انا لسه ليا في الضمان لحد شهر سته الجاي
                              وقلة الخبره عندهم مبهدلاني الصراحه
                              بحس انهم بيستريحوا علي حساب العميل
                              بمعني انه كلمة(الجزء دا محتاج يتغير) سهله اوي عندهم بحس انهم بينفعوا الوكيل علي حسابنا
                              ولما تيجي تغير الحاجه لازم بيبوظوا حاجت تانيه
                              ربنا يستر انا لسه لحد اللحظه دي مقررتش بس انا مسافر بكره باذن الله اسكندريه
                              وقبل مااخرج من البيت هاصلي استخاره واللي فيه الخير يقدمه ربنا
                              و نعًِمَ العمل. خلاص يا فندم بالتوفيق ان شاء الله و ابقى طمننا على حضرتك عملت ايه و السلام عليكم

                              Comment

                              Working...
                              X