إعـــــــلان

Collapse

.

,
See more
See less

زهقت من التوكيل وعايز حد بره

Collapse
X
 
  • Filter
  • الوقت
  • Show
Clear All
new posts

  • #16
    سلام عليكم
    رحت يوم الاثنين التوكيل
    قلتلهم عايز اكشف علي العفشه كويس وكدا وشرحتلهم الحوار
    المهندس بعد تلات ساعات قاللي محتاجه
    2 شداد ميزان (700 جنيه ومصنعيه 740 جنيه)
    ميزان(1500 جنيه ومصنعيته مضافه مع الشدادات)
    2 بيض مقص(800 جنيه ومصنعيه 280 جنيه)
    2 بيض طرف(800 جنيه و مصنعية 300 جنيه)
    2 مساعد (2000 جنيه ومصنعيه 440 جنيه)
    2 بطاحات بالبلي(1000 جنيه ومصنعيتهم مع المساعدين)
    2 جلبة مقصات(1000 جنيه ومصنعية 530 جنيه)
    بالاضافه لعشره في الميه ضريبة مبيعات علي ثمن قطع الغيار
    بالاضافه لعشره في الميه ضريبة مبيعات علي المصنعيات

    من الاخر الكلام اللي فوق دا كلله هايتكلف 11 الف جنيه
    طبعا ذهلت لان العربيه يادوب معايا من سنه ونص زيرو ومشيت بيها 60 الف كيلو بس وتطلب تغير كل الكلام دا.
    دا شككني في التوكيل وقلت انهم بيستسهلوا فقلت اروح لهريسه في محطة الرمل اشوف رايه

    رحت لهريسه وقابلني واحد محترم اسمه المهندس احمد هريسه
    قلتله علي اللي في العربيه انه فيها صوت حطه في العفشه وهوا جرب العربيه وقالي محتاجه
    2 شداد ميزان
    2 بطاحات بالبلي
    2 جلد مقصات
    دول لازم يتركبوا
    وقال كمان من الافضل نغير
    2 بيض مقص
    2 بيض طرف
    لكن المساعدين سلام
    والميزان صعب انه يبوظ
    قلتله اوك نغير كل دول
    غيرناهم ودفعت تمنهم 2400 جنيه
    بعد ماركبناهم رحنا جربنا العربيه
    للاسف الصوت لسه موجود

    قال يبقي نكشف علي قاعدة الجيربوكس
    لقيناها بايظه
    جينا نطلبها لقيناها مش موجوده
    المهم حشرلها حتة جلده وقال دا حل مؤقت
    رحنا جربنا
    الصوت لسه موجود

    قلنا يمكن العيب في المساعدين رغم انه قال انهم كويسين لكن ادينا بنجرب
    جبنا من عنده مساعد شمال (لانه الصوت غالبا كان بيطلع من الجمب الشمال)
    ركبناه وجربنا العربيه لقينا الصوت لسه زي ماهوا

    قال يبقي كدا لازم نغير قاعدة الجير بوكس
    رحت اشتريتها من التوكيل ب 1120 جنيه لانها مش موجوده عند هريسه

    وانا راجع في الطريق لقيت العربيه بقت انعم والصوت اختفي لوحده كدا بقدرة قادر
    لما رجعتله قلتله الصوت اختفي
    جرب العربيه ولقي فعلا الصوت اختفي

    قالي خلاص بلاش نركب القاعده الجديده وخليها معاك لو الصوت ظهر تاني نركبها

    روحت البيت وبعد يوم واحد من استخدام العربيه
    الصوت فعلا مختفي
    لكن فيه صوت تاني كان بيظهر معايا لما باخد بالعربيه مطب (من المطبات اللي بتبقي فوق الطريقه مش الحفر دي) جامد والعربيه بتترزع فيه وللاسف نسيت اقوله علي الصوت دا

    دلوقتي اعمل ايه في نصب التوكيل دا اللي طالبين حاجات ب 11 الف قضيتها بره ب 2500 بس ؟
    تاني حاجه انا الوقتي اعتبر غيرت كل العفشه اصلا يبقي الصوت اللي بيظهر لما العربيه بتترزع في المطب دا لسه سببه ايه ؟

    كدا لازم ارجع مشوار تاني لهريسه اركب القاعده دي ونشوف ربنا يسهل بقي

    Comment


    • #17
      معلش انا اسف - بس ممكن افهم ازاى عربية بالماركة ديةو زيرو و باقالها سنة و نصف و لسة فى الضمان زى ما فهمت و يحصل للعفشة كل دة معلش دية مش 128 اكيد ممكن يكون العيب فى طريقة معاملة حضرتك للسيارة لانى لاحظت ان حضرتك بتدور على حد برة التوكيل و على حد قولك يكون فى اسكندرية - القاهرة - اة اى مكان مش فارقة - معلش حاول تغير طريقة معاملتك للسيارة لان مشكلة العفشة دليل على عدم مراعاة اسلوب معين فى التعامل مع الطريق

      Comment


      • #18
        المشاركة الأصلية كتبت بواسطة mazaya010 مشاهدة المشاركة
        معلش انا اسف - بس ممكن افهم ازاى عربية بالماركة ديةو زيرو و باقالها سنة و نصف و لسة فى الضمان زى ما فهمت و يحصل للعفشة كل دة معلش دية مش 128 اكيد ممكن يكون العيب فى طريقة معاملة حضرتك للسيارة لانى لاحظت ان حضرتك بتدور على حد برة التوكيل و على حد قولك يكون فى اسكندرية - القاهرة - اة اى مكان مش فارقة - معلش حاول تغير طريقة معاملتك للسيارة لان مشكلة العفشة دليل على عدم مراعاة اسلوب معين فى التعامل مع الطريق
        العربيه عامله 62 الف كيلو في السنه ونص دي
        معظمهم في الجبل_زلط وكدا
        وبعدين انا بسوق بسرعه خصوصا بالليل
        وانت حضرتك عارف بقي المطبات عندنا مش مطبات
        دي اكمنه
        تلاقي كل واحد قدام بيته طلبت يشغل نفسه يقوم نازل عامل مطب
        من غير مايحط يافطه قبله تعرفك انه فيه مطب ولا حاجه
        وطبعا المطبات بالليل مش سهل تتشاف
        فكنت باخد مطبات كتير بيها الصراحه

        Comment


        • #19
          طب ماكدة العربية مش حتكمل معاك لانها مش مصممة لكدة و حتتعبك فى المستقبل - انت عايز جيب 4×4 حتبقى انسب لطبيعة العمل

          Comment


          • #20
            منا كنت هاشتري الجيب بس للاسف الكل قاللي ناشفه اوي ومش عارف ايه واللي قالي الكلام دا ناس طول عمرهم مش بيركبوا الا الجيب

            Comment


            • #21
              ياريت يا ا/حسام تبعتلى عنوان المركز اللى فالهرم دا انا معايا بولو عيون ومش لاقى حد كويس اتعامل معاه

              Comment


              • #22
                المشاركة الأصلية كتبت بواسطة hossam99 مشاهدة المشاركة
                و عليكم السلام و رحمة الله و بركاته
                لو حضرتك تقدر تنزل الهرم فيه مركز بيشتغل في الفولكس و الأوبل و (الأوروبي عموما) ممتازين جدا ... و أخصائي فولكس بيشتغل في التوكيل ... و أسعارهم و خدمتهم كويسه لو تحب أكتب لحضرتك التفاصيل بلغني
                ياريت حضرتك تبعتلى عنوان المركز لو مفيهاش تعب

                Comment


                • #23
                  عن تجربة

                  السلام عليكم و الله اريد ان اخدم اعضاء المنتدي لاني باتعامل مع ميكانيكي محترم و بيشتغل بضمير و مصنعياته معقولة جدا بيشتغل ميكانيكا و عفشة في الباسات و البي ام و كل العربيات الحديثة لمن يريد و اقسم بالله العظيم مالي اي مصلحة انما ابغي وجه الله سبحانه و تعالي لاني شايف الناس متمرمطة مع الصنايعية هو مكانه قدام باب القرية الفرعونية علي كورنيش المنيب جنب ابو حتة معرض السيارات و اسمه عماد الميكانيكي راجل قمة الاحترام و الفهم و الانجاز و بيتقي ربنا اوي
                  اللي بروح له يقوله من طرف ماجد خضر بتاع الباسات ال 99

                  تليفونه : 01117107574

                  و اي خدمة تحت امركم يا اجمل منتدي و اجمل ناس

                  Comment


                  • #24
                    المشاركة الأصلية كتبت بواسطة hossam99 مشاهدة المشاركة
                    و عليكم السلام و رحمة الله و بركاته
                    لو حضرتك تقدر تنزل الهرم فيه مركز بيشتغل في الفولكس و الأوبل و (الأوروبي عموما) ممتازين جدا ... و أخصائي فولكس بيشتغل في التوكيل ... و أسعارهم و خدمتهم كويسه لو تحب أكتب لحضرتك التفاصيل بلغني
                    ممكن التفاصيل لو سمحت؟ الاسم , العنوان , التليفون .....الخ
                    و هل عندهم قطع الغيار الأصلى ؟
                    [SIZE=5]--------------------------------------------[/SIZE]
                    [SIZE=5]الله المستعان[/SIZE]

                    Comment


                    • #25
                      المشاركة الأصلية كتبت بواسطة nagy wassef مشاهدة المشاركة
                      انا كنت بتعامل مع واحد استاذ و محترم جدا و عنده ضمير فى الحرفيين. بس مش عارف اقولك اسمه ازاى عشان هتبقى دعاية
                      سلامو عليكم .... ممكن رقم وعنوان الراجل ده إذا سمحت وهل ينفع أعمل الكشف بتاع عمليه الشراء عنده ولا لأ و شكرا جزيلا

                      Comment


                      • #26
                        السلام عليكم ورحمة الله أرجو إن فيه حد يفيدني، انا معايا بوينتر 2004 ألف سي سي والتكييف بقاله فترة كبيرة بيخرف لكن على بداية الصيف ده توقف تماما عن التبريد. فخدت العربية ورحت على اخصائي تكييف كشف على العربية وقال لي إن الكمبريسور محروق. الصراحة أنا محاولتش اخد رأي تاني لأني أساسا بسافر برة مصر ومش بفضى لكن لما رجعت من كام يوم اتصلت بالتوكيل ، أوتوموتيف العبور، وسألتهم عن الموضوع وإن الكمبريسور محروق وكده، فقال لي المهندس إن تكاليف الكمبريسور الجديد حوالي 8 تلاف جنيه بالضرايب، وده طبعا بأمانة مستحيل اعمله لأن هي العربية كلها تسوى كام، ده غير إن العربية حتى لما كانت زيرو كان التكييف مش كويس في الايام الحر أوي أو اللي فيها شمس واضحة لأن السي سي تعبان طبعا. المهم انا بحاول أشوف أي بديل فأرجو لو حد يعرف طريق يدلني عليه. وجزاكم الله خيرا.

                        Comment

                        Working...
                        X